Jeremi 15:1 - Sră Goh 2018

¹ Gen Yàng Jehôwa đơs mơ añ lah: “Bulah Môise mơ Samuel ntào di đap Añ, mơya nùs Añ kung ò wèt mơ làng bol do. Bơtrơh tơlik tĕ bol khai ngài bơh di mat Añ, mơ lòi bol khai lòt!

Jeremi 15:1 Mawu Ofanana

Sơnròp Gơlik Gơs 19:27

Abraham guh bơh drim, lòt tus di tiah khai neh ntào di đap Yàng Jehôwa.

II Ală Bơtau 17:20

Yàng Jehôwa neh sang lòi jơh jơi bơtiàn Israel, lơh glài bol khai mơ phi bol khai tòm tê ală cau phà tơnroh, jơl tus Kơnràñ bơtrơh tơlik bol khai bơh di đap mat Kơnràñ.

Đơs Crih 106:23

Gen tàng Kơnràñ đơs lah Kơnràñ rơp tơnroh bol khai. Mơya Môise, la cau Kơnràñ sac rwah, ntào di đap Kơnràñ ala bol khai, Mơ dan Kơnràñ wèt ngài bơta gơjrañ dờng Kơnràñ dê bơh bơta tơnroh bol khai.

Đơs Crih 99:6

Tòm ală cau ơn phan duh khoai Kơnràñ dê gơs Môise mơ Arôn, Tòm mpồl ală cau hòi dan di sơnđan Kơnràñ dê kung gơs Samuel. Bol khai neh hòi dan di Yàng Jehôwa, mơ Kơnràñ ho wơl bol khai in.

Jơnau Pơnđik 14:35

Dô nă dĭ gơna lơh lòt jak chài niam nùs bơtau; Mơya bơta gơjrañ dờng bơtau dê dùh hơđang cau lơh lòt ƀàssìl.

Jeremi 10:18

Bơh Yàng Jehôwa đơs be do: “Di di tŭ do, Añ rơp sang sơrbì làng bol lơgar do, Añ rơp cèng bơta bòl glar hơđang bol khai, Nàng bol khai kah rngal wơl.”

Jeremi 11:14

Ai đah mơ mê, bañ hòi dan ala làng bol do in; bañ bơh bol khai ai jơnau rac dan hòi dan; bơh Añ rơp ò iat tòm tŭ bol khai hòi tus hơ Añ tòm bơta rung rài bol khai dê.

Jeremi 14:11

Yàng Jehôwa đơs tai mơ añ lah: “Bañ hòi dan bơta lơngai làng bol do in.

Jeremi 14:12

Bulah bol khai ơt sa, Añ rơp ò iat jơnau hòi dan bol khai dê; tŭ bol khai ơn phan ơn chu mơ phan ơn kòi mbo, Añ ò dòp bol khai sơl; mơya Añ rơp tơnroh bol khai mơ đào, jơgloh rung, mơ pluh plàng.”

Jeremi 15:19

Gen tàng, Yàng Jehôwa đơs be do: “Dilah mê rê wơl, gen Añ rơp cèng mê wơl mơ mê rơp ntào di đap Añ; Dilah mê sac bơta niam mơ sang bơta iơh, Gen mê rơp duh broă be bơr Añ jê. Bol khai rơp rê wơl mơ mê; Mơya mê bañ rê wơl mơ bol khai.

Jeremi 16:13

Gen tàng Añ rơp sơrbì bol mê lik bơh lơgar do, mut tòm dô nơm lơgar mơ bol mê bal mơ ồng pàng bol mê dê kung òhềt tŭ lơi git, tềng hơ̆ bol mê rơp duh broă ală yàng hơ̆ mang mơ ngai; bơh Añ ò yal tơlik bơta nđàc bol mê in tai.’”

Jeremi 16:5

Yàng Jehôwa đơs be do: “Bañ mut tòm hìu gơs cau chơt, bañ tòmpà bơta moat jrùng, mơ kung bañ ñìm ƀồc bol khai; bơh Añ neh tă bơta lơngap lơngai, bơta kòñ gơboh kơ̆ dơn mơ bơta nđàc sơngit Añ jê bơh làng bol do,” Yàng Jehôwa đơs behơ̆.

Jeremi 18:20

Bơta iơh rgơi tơm wơl bơta niam ơ? Bơh bol khai neh tò trồm lơh iơh bơta kis añ in. Dan kah wơl mbe añ neh ntào di đap Kơnràñ, Bơh bol khai mơ dan bơta lơngai, Bơta gơjrañ Kơnràñ dê wèt ngài bơh bol khai.

Jeremi 22:28

Behơ̆ Jekônia do ngan la dô nơm gri bơcah mơ kong sền òsơp sơl? Dô nơm gri ò gơs cau lơi kòñ ơ? Ñchi bơh tài khai mơ kòn sau khai kong sang tơlik, Kong sang ngài tus tòm dô nơm lơgar bol khai òhềt tŭ lơi git taih?

Jeremi 23:39

tài behơ̆, Añ rơp hŭi ngan bol mê; Añ rơp sang bol mê ngài bơh di Añ, mơ ƀòn Añ neh ai bol mê mơ ồng pàng bol mê in, ngài bơh di đap Añ.

Jeremi 35:19

Tài bơh hơ̆, Yàng Jehôwa Gơnap Gơnoar, Yàng Tom Trồ Israel dê, đơs be do: ‘Jônadap, kòn klau Rekap, rơp ò siơ̆u dô nă cau klau ntào di đap Añ jơl sùm sùm.’”

Jeremi 52:3

Ngan, Jerusalem mơ Juda lơh Yàng Jehôwa in gơjrañ ngan, tian gơs Kơnràñ bơtrơh tơlik bol khai bơh di đap Kơnràñ. Jedekia bơtào tòmdră mơ bơtau Babilôn.

Jeremi 9:19

Bơh dô jơnau ñìm rac geh kơno bơh Siôn lah: ‘Mbe bol he kong roh rui! Bol he jơh hir ƀàssìl ƀàsso! Tài bơh bol he pal sang lòi lơgar; tài bơh bol khai neh phà tơrlah ală tiah ơm bol he dê!’”

Ejekiel 14:14

bulah tòm lơgar hơ̆ gơs pe nă cau do la Nôe, Daniel, mơ Jop, bol khai kung mìng rgơi dong klàs să tòm bol khai bơh bơta song ring bol khai dê,” Jehôwa Yàng Tom Trồ đơs behơ̆.

Ejekiel 22:30

Añ neh jòi dô nă cau tòm gùl bol khai nàng bơt bơtào wơl dơrñang, ala mat làng bol mơ ntào di đap Añ tòm tiah pah digùl tồ Añ in ò tơnroh gơ; mơya Añ ò jòi bàn dô nă cau lơi.

Sră Ôse 9:15

Jơh ală bơta iơh bơsak bol khai dê sơntòm tòm Gilgal; tềng hơ̆ Añ tus nàng gơjrañ di bol khai. Tài bơh ală broă iơh bơsak bol khai neh lơh, Añ rơp ting bơtrơh bol khai lik bơh hìu Añ. Añ rơp ò kòñ gơboh dê bol khai tai; Jơh ală cau kwang at bồ bol khai dê la cau tòmdră.

Sacari 3:3

Mơ tai, Jôsua soh ồi ào ƀơ̆ ƀơl tòm tŭ khai ñă ntào di đap cau gơnrơh.

Yal Wơl 9:26

Añ hòi dan mơ Yàng Jehôwa mơ đơs lah: Ơ Yàng Jehôwa At Bồ Hơđang Rlau Jơh, dan bañ tơnroh làng bol Kơnràñ dê la sre brê Kơnràñ dê mơ Kơnràñ neh tơwài bơh gơnap gơnoar dờng Kơnràñ dê mơ cèng bơh di Ejiptơ kơnòm di tê gơnoar pràn Kơnràñ dê.

Hebrơ 9:24

Bơh Bơtau Krist ò di mut tòm tiah sàng goh bơh tê kòn mơnus lơh gơs, la tiah jat rnoas tiah sàng goh ngan, mơya mut hơđang trồ, mơ tŭ do Kơnràñ bơh bol he mơ tơlik mat di đap Yàng Tom Trồ.

Ală Kwang Cahrña 5:9

Nùs añ ơm bal mơ ală cau kwang dờng at bồ Israel bal mơ ală cau tòm làng bol chò nùs ơn să. Pal jòng ro Yàng Jehôwa!

I Samuel 12:19

Jơh làng bol đơs mơ Samuel lah: “Dan ồng hòi dan mơ Jehôwa Yàng Tom Trồ ồng dê ala ală cau duh broă ồng in tồ bol hi ò chơt, bơh bol hi neh bơtơl hơđang jơh ală bơta tồi glài bol hi dê dô bơta iơh bơsak tai, bơh neh dan dô nă bơtau at bồ.”

I Samuel 12:23

Ai añ gen añ rơp ò tŭ lơi tìs glài tòmdră mơ Yàng Jehôwa mơ ò hòi dan bol mê in. Mơ añ rơp bơto bol mê in git gùng niam mơ song.

I Samuel 7:9

Behơ̆ Samuel kup dô nơm kòn belàt gam pô mơ ơn gơlơh gơs phan ơn chu pơrguc Yàng Jehôwa in. Khai rac dan mơ Yàng Jehôwa Israel in mơ Yàng Jehôwa dòp jơnau khai.