Jeremi 14:3 - Sră Goh 2018

³ Ală cau ryŭ ryơm khai dê sồr cau dĭ gơna lòt jòi dà; Bol khai lòt tus hơ tơrlung ơn dà. Bol khai jòi ò geh dà, Bol khai rê wơl mơ gri gòi; Bol khai ƀàssìl mơ rngòt rngơt, Mơ gòm bồ bol khai dê.

Jeremi 14:3 Mawu Ofanana

II Samuel 15:30

Mơya Dabit kư̆ hào mơnơm Ôlibe, lòt ndang ñìm ndang, bồ gòm mơ lòt jơng gòi. Jơh ală cau lòt bal kung gòm bồ mơ ñìm tòm tŭ guh mơnơm.

II Samuel 19:4

Cau bơtau gòm muh mat khai dê mơ ñìm ngkè dờng lah: “Ơ Apsalôm kòn klau añ! Ơ Apsalôm, kòn klau añ, kòn klau añ!”

I Ală Bơtau 17:7

Mơya tòm dô êt jŏ, gen croh neh soat dà, tài bơh ò gơs mìu tòm lơgar.

II Ală Bơtau 18:31

Bañ iat Ejekia, bơh bơtau Asiri đơs be do: “Lơh gơtòmsòr tĕ bal mơ añ mơ kong lik tĕ hơ añ; kòp nă tòm bol mê rơp sa plai suơn ño mơ chi ƀal he dê, kung hùc dà tơrlung he dê sơl,

Este 6:12

Tơnơ̆ mơ hơ̆, Mordike rê wơl hơ mpồng gơlang bơtau dê. Mơya Haman sơrbac sơrbang rê hìu, moat jrùng mơ gòm bồ,

Sră Jop 6:20

Bol khai gơplơ̆ nùs tài bơh bol khai neh dòn kơnòm; bol khai tus tềng hơ̆ gen gơplơ̆ nùs ngan.

Đơs Crih 109:29

Lòi ală cau yă añ kong cau sền òsơp; Lòi bol khai ơm tòm bơta ƀàssìl kung be soh ào jrùh.

Đơs Crih 40:14

Ală cau lơi jòi bơta nàng tơnchơt añ, Lòi bol khai in kòl ƀàssìl mơ sơlồng sơlàng jơh lơm; Ală cau lơi kòñ lơh iơh di añ, lòi bol khai in ruc wơl mơ ƀàssìl.

Jeremi 14:4

Tài bơh ù neh dàng jơh, Tài bơh ò gơs mìu dùh tòm lơgar, Cau troă lơòr rngòt rngơt; bol khai gòm bồ wơl.

Jeremi 15:18

Ñchi bơh tài bơta jê sồt añ jê ò dơh? Bơta sồt rmàñ añ jê ò rgơi sơm, mơ gơ ò bài bòi? Kơnràñ gơwèt mơ añ kung be dô nơm croh dà ma blac, dô nơm hiòng soat dà ơ?

Jeremi 2:13

“Làng bol Añ neh lơh bàr bơta iơh: Bol khai neh sang lòi Añ, La hiòng dà bơta kis, Mơ tò is tơrlung dà bol khai in, ală tơrlung dà neh dàng, Ò rgơi ơn dà.

Jeremi 2:37

Bơh tềng hơ̆ bol mê rơp lik lòt ngài, Mơ tê bol mê dê ơn hơđang bồ; Bơh Yàng Jehôwa sang lòi ală cau mơ mê neh dòn kơnòm, Mơ mê rơp ò geh bơtoah bơtoài bơh di bol khai.”

Jeremi 20:11

Mơya Yàng Jehôwa ơm bal mơ añ kung be dô nă cau ling jak pal rngòt; Gen tàng ală cau kup kơryan añ rơp gơtup pừ, mơ bol khai rơp ò geh pha lin. Bơh bol khai rơp kong ƀàssìl dờng ngan Bol khai rơp ò geh cồng nha, Bơta sền òsơp bol khai dê sùm sùm Ò gơs tŭ lơi hŭi.

Jeremi 3:3

Behơ̆ tàng mìu nhàc neh kòl krơ̆ wơl, mơ mìu bồ sơnam kung ò tus. Mơya mê gam pò bìng liang kung be cau ùr dri tơlàr; Ò git ƀàssìl.

Ñìm Rac 4:4

Lơmpiat kòn se gơđềt tòm dò, rnồng khai tơhìr dà. Kòn dềt dan phan sa, mơya ò gơs cau lơi ai bol khai in dô êt lơi.

Sră Ôse 2:3

Dilah ò gen Añ rơp hồ tă jơh ồi ào khai dê, lòi khai ơm kuh be ngai khai pa deh; Añ rơp lơh khai in gơlik gơs be ƀlàng ngềt ngơt, be ù rañ rsơh, mơ lòi khai in chơt tơhìr.

Jôel 1:20

Jơl tus di ală phan poan jơng tòm brê kung rac dan mơ Kơnràñ, tài bơh ală croh dà neh soat, mơ ồs neh sa jơh ală ƀlàng ñhơt tòm brê.

Amôs 4:7

“Añ kung neh ò bài tơndùh mìu bol mê in, tòm tŭ gam pe kơnhai sồng tus di kơnhai toès. Añ neh đùh mìu hơđang dô nơm ƀòn do, mơya ò đùh mìu hơđang dô nơm ƀòn ndai. Dô lồ sre do neh geh mìu, dô lồ ndai ò geh mìu dô êt lơi mơ gơlik ro rañ.

Amôs 4:8

Behơ̆, bàr hala pe nơm ƀòn dờng làng bol lòt yơng bơh ƀòn do tus hơ ƀòn ndai nàng jòi dà, mơya jòi ò tơl dà nàng hùc; bulah behơ̆, bol mê kung ò rê wơl mơ Añ,” Yàng Jehôwa đơs behơ̆.

Sacari 14:17

Dilah gơs cau lơi tòm ală làng bol hơđang plai ù ò guh hơ Jerusalem nàng duh khoai Bơtau la Yàng Jehôwa Gơnap Gơnoar Dờng Làm Jơh gen bol khai rơp ò gơs mìu.