Jeremi 14:22 - Sră Goh 2018

²² Gơs rùp ràk lơi ală làng bol bơdìh dê rgơi cèng mìu sơl? Hala ală tap trồ rgơi ai mìu ơ? Ơ Jehôwa Yàng Tom Trồ bol hi dê, hơ̆ ò di la Kơnràñ ơ? Bol hi gơn kơnòm di Kơnràñ, Bơh Kơnràñ la Bơtau lơh gơs jơh ală bơta hơ̆.

Jeremi 14:22 Mawu Ofanana

I Ală Bơtau 17:1

Tŭ hơ̆, Eli cau Thisebe, tòm Galaat, đơs mơ Ahap lah: “Añ ntào di đap Jehôwa Yàng Tom Trồ Israel kis sùm mơ srat să lah: Rơp ò gơs dà tŭ hala mìu tòm ală nam tơnơ̆ do, dilah ò gơs jơnau đơs añ jê.”

I Ală Bơtau 17:14

Bơh Jehôwa Yàng Tom Trồ Israel dê đơs be do: “Kơmbuh rơp ò jơh tòm yang, mơ mơñà rơp ò siơ̆u tòm gri, jơl tus di ngai Yàng Jehôwa sồr mìu dùh hơđang ù.”

I Ală Bơtau 18:1

Tơnơ̆ mơ hơ̆ jŏ ngai, tòm nam dơ̆ pe tơnơ̆ mơ bơta prang dờng, gơs jơnau Yàng Jehôwa đơs mơ Eli lah: “Lòt tĕ tơlik mat mơ Ahap; Añ rơp ai mìu dùh hơđang ù.”

I Ală Bơtau 8:36

gen dan Yàng ơm đang trồ iat tĕ, toh glài ală dĭ gơna Yàng, mơ làng bol Israel Kơnràñ in, tòm tŭ Yàng bơto bol khai in gùng niam hơ̆ la gùng bol khai pal lòt, mơ ai mìu hơđang ù tiah Yàng dê mơ Kơnràñ neh ai làng bol Kơnràñ in lơh gơs sre brê.

Sră Jop 28:26

Tòm tŭ Kơnràñ lơh dô bơta lơh nền mìu in, mơ dô nơm gùng lòt ntơr kơnàs in.

Sră Jop 5:10

Kơnràñ ai mìu hơđang ù, Mơ sồr dà tus tòm ală ƀlàng sre.

Đơs Crih 130:5

Añ kơp gơn Yàng Jehôwa, hwềng soàn añ kơp gơn Kơnràñ; Añ gơn kơnòm di jơnau Kơnràñ dê.

Đơs Crih 135:7

Kơnràñ la Bơtau sồr mhwal guh bơh di tiah lồi dut plai ù, Kơnràñ lơh puhlèp jat mìu, mơ cèng càl lik lòt bơh di ală tiah ơm gơ dê.

Đơs Crih 147:8

Kơnràñ jơm ală tap trồ mơ mhwal, Rcang dà mìu ù in, Mơ lơh ñhơt in hòn hơđang dòr.

Đơs Crih 25:21

Dan bơta song ngan mơ bơta song ring sền gàr añ, Bơh añ kơp gơn Yàng.

Đơs Crih 25:3

Ngan dan bañ lòi cau lơi kơp gơn di Kơnràñ gơkòl ƀàssìl; Ai ală cau dờng nùs pơrlơ̆ dră gen lòi bol khai gơkòl ƀàssìl.

Đơs Crih 27:14

Kơp gơn tĕ Yàng Jehôwa; Lơh tĕ pràn kơldang mơ kơ̆ nùs wền dơngoh; Ngan pal kơp gơn tĕ Yàng Jehôwa!

Esai 30:18

Bulah behơ̆, Yàng Jehôwa kơp gơn nàng ai bơta nđàc bol mê in, Kơnràñ rơp guh nàng yal tơlik bơta nđàc sơngit bol mê in. Bơh Yàng Jehôwa la Yàng Tom Trồ song ring. Lơngai jơh tơl nă cau in gơn kơp Kơnràñ!

Esai 30:23

Yàng rơp sồr mìu dùh hơđang gar sơntìl bol mê neh sih tòm ù; phan sa bơh ù tơnggơs rơp gơs oă mơ tơngkah tơngkañ. Tòm ngai hơ̆ phan poan jơng bol mê dê rơp sa ñhơt tòm ƀlàng dờng ơnàng.

Esai 41:29

Ò di, jơh tơl nă bol khai la blac pơrlồm lơm! Broă lơh bol khai dê la ò kwơ, rùp pac sềr bol khai dê kung be càl khồm gòi.

Jeremi 10:12

Să tòm Yàng Jehôwa neh crơng gơs ù bơh gơnap gơnoar Kơnràñ dê, Neh bơtào gơs lơgar dunnia bơh bơta jak chài Kơnràñ dê, Neh lì ală tap trồ bơh bơta git wă Kơnràñ dê.

Jeremi 10:13

Tŭ Kơnràñ tơlik sap đơs, gen dà nggồr tòm ală tap trồ; Kơnràñ lơh nhơm dà guh bơh tiah lồi plai ù, Lơh puhlèp jat mìu, cèng tơlik càl bơh tòm đam Kơnràñ dê;

Jeremi 10:15

Bol gơ ò kwơ, mìng la bơta blac pơrlồm; Tòm ngai lơh glài bol gơ rơp kong roh rui.

Jeremi 10:3

Bơh bơta òs yau ală làng bol hơ̆ la ma blac. Cau kơl chi tòm brê, Tê cau chài lơh chi ai sùng mơ blah;

Jeremi 16:19

Ơ Yàng Jehôwa, Kơnràñ la bơta pràn kơldang añ, theng kơ̆ cê añ, La tiah kìng crŭ añ jê tòm ngai bòl glar! Bơh tiah lồi plai ù Ală lơgar rơp tus hơ Kơnràñ, mơ đơs lah: “Ồng pàng bol he ò dòp ală phan lơi mìng jơnau ma blac, bơta roh lơm mơ ală phan ò kwơ dô êt lơi.

Jeremi 5:12

Bol khai neh pơndang sang Yàng Jehôwa, Mơ đơs lah: “Kơnràñ rơp ò lơh bơta lơi! Bơta rung rài rơp ò tus hơđang bol he; mơ bol he rơp ò sền gŏ đào hala bơta jơgloh rung.”

Jeremi 5:24

Bol khai ò đơs tòm nùs lah: ‘Bol he duh rngòt tĕ Jehôwa Yàng Tom Trồ he Hơ̆ la Bơtau ai mìu jat kơnhai sơnam Ai mìu bồ sơnam mơ mìu lồi sơnam, Mơ prap gàr bol he in Prap lòi ală poh lơh nền kơnhai toès in.’

Jeremi 51:16

Tòm tŭ Kơnràñ ai jơnau đơs, ală dà tòm ală tap trồ nggồr. Kơnràñ lơh kơnhồl dà guh bơh ală tiah lồi plai ù, Lơh puhlèp jat mìu, Bơh tòm đam Kơnràñ tơlik càl.

Sră Ôse 2:7

Khai rơp ting jat ală cau klau khai tòmtir, ting mơya ò bàn: khai rơp jòi jat bol khai, mơ jòi ò gŏ. Gen khai rơp đơs lah: ‘Añ rơp rê wơl hơ bau klau sơnròp añ jê, bơh tŭ hơ̆ añ geh lơngai lơngò rlau mơ tŭ do.’

Jôel 2:23

Ơ làng bol Siôn, hòn chò mơ chò hòp tĕ tòm Jehôwa Yàng Tom Trồ bol mê dê; bơh Kơnràñ neh ai bol mê in mìu gòñ bồ sơnam bol mê in, Kơnràñ tuh mìu lìu làc bol mê in, mìu bồ sơnam mơ lồi sơnam, jat bơta kơ̆ dơn Kơnràñ dê, tơndùh bol mê in be lài.

Amôs 4:7

“Añ kung neh ò bài tơndùh mìu bol mê in, tòm tŭ gam pe kơnhai sồng tus di kơnhai toès. Añ neh đùh mìu hơđang dô nơm ƀòn do, mơya ò đùh mìu hơđang dô nơm ƀòn ndai. Dô lồ sre do neh geh mìu, dô lồ ndai ò geh mìu dô êt lơi mơ gơlik ro rañ.

Mice 5:6

Bol khai rơp at bồ lơgar Asiri mơ đào, mơ tă đào at bồ lơgar Nimrôt. Bol khai rơp dong bol he klàs bơh cau Asiri, dilah bol khai brồ mut tòm ù tiah bol he dê hala cơnđòa lòt tòm ală nhàr tiah bol he dê.

Mice 7:7

Mơya đah mơ añ, añ ai bơta gơn kơnòm mơ tơnggòr sền Yàng Jehôwa, añ rơp kơp gơn Yàng Tom Trồ la bơta dong klàs añ jê; Yàng Tom Trồ añ jê rơp iat añ.

Mathiơ 5:45

nàng bol mê in lơh gơs kòn Bèp bol mê dê ơm hơđang trồ, bơh Kơnràñ sồr mattơngai lik pơnđàng cau iơh bơsak in mơ cau lơbơn niam in sơl, ai mìu cau song ring in mơ cau ò song ring in sơl.

Yal Wơl 28:12

Yàng Jehôwa rơp pò ală tap trồ la đam jàr lìu làc Kơnràñ dê nàng tơndùh mìu hơđang ù tiah bol mê dê di di kơnhai mơ nàng ai lơngai hơđang jơh ală broă tê bol mê lơh. Bol mê rơp ai oă làng bol in càn mơya bol mê rơp ò càn bơh di dô nơm lơgar lơi.

Yal Wơl 32:21

Bol khai lơh Añ in ƀoah pơrñat bơh bơta ò di la yàng, mơ bơrcek Añ gơjrañ bơh ală rùp ràk bol khai dê. Behơ̆ Añ rơp lơh bol khai in ƀoah pơrñat bơh dô làng bol ò di la làng bol, bơrcek bol khai gơjrañ bơh dô làng bol tùl gơla.