Jeremi 14:19 - Sră Goh 2018

¹⁹ Ngan, Kơnràñ neh sang jơh Juda ơ? Nùs Kơnràñ neh gơjrañ mañ di Siôn ơ? Ñchi bơh tài Kơnràñ pù lơh bol hi, tian gơs ò sơm bol hi in taih? Bol hi kơp gơn bơta lơngai mơ geh bơta iơh; Kơp gơn tŭ tơngai sơmbòi, mơya tìp bơta rngòt rơm să.

Jeremi 14:19 Mawu Ofanana

II Yal Yau 36:16

Mơya bol khai ñŏ tơnhial di ală cau kong sồr Kơnràñ dê, sền òsơp di ală jơnau Kơnràñ dê, mơ bơtat bơtròh ală cau gơnoar hwơr Kơnràñ dê, tian gơs bơta gơjrañ dờng Yàng Jehôwa dê gơhào khuh dờng ngan tòmdră mơ làng bol Kơnràñ dê mơ ò gơs gùng lơi rgơi dong.

Sră Jop 30:26

Mơya tòm tŭ añ kơp gơn bơta niam, gen bơta iơh neh tus; mơ tòm tŭ añ kơp gơn bơta àng, gen bơta klam jơngo neh tus.

Đơs Crih 78:59

Tòm tŭ Yàng Tom Trồ kơno bơta hơ̆ gen bềng nùs gơhào gơjrañ, Mơ sang lòi jơh Israel.

Đơs Crih 89:38

Mơya tŭ do Yàng neh sang lòi mơ ò bài dòp, Kơnràñ bềng nùs gơjrañ dờng tòmsò mơ cau kong bong mơñà Kơnràñ dê.

Jơnau Pơnđik 29:1

Cau lơi kong lah pơrhơng sùm, gam kơldang bồ, rơp kong roh gơcoh nisơna, ò rgơi geh sơmbòi.

Jeremi 12:7

Añ neh sang hìu Añ; Neh sang lòi sre brê Añ; Neh jào phi làng bol mơ nùs Añ kòñ gơboh Tòm tê cau sò tơm khai dê.

Jeremi 12:8

Sre brê Añ tòmdră mơ Añ Kung be dô nơm klìu triă tòm brê, Ơluh ơhùm tòmdră mơ Añ; Gen tàng Añ gơjrañ bol khai.

Jeremi 15:1

Gen Yàng Jehôwa đơs mơ añ lah: “Bulah Môise mơ Samuel ntào di đap Añ, mơya nùs Añ kung ò wèt mơ làng bol do. Bơtrơh tơlik tĕ bol khai ngài bơh di mat Añ, mơ lòi bol khai lòt!

Jeremi 15:18

Ñchi bơh tài bơta jê sồt añ jê ò dơh? Bơta sồt rmàñ añ jê ò rgơi sơm, mơ gơ ò bài bòi? Kơnràñ gơwèt mơ añ kung be dô nơm croh dà ma blac, dô nơm hiòng soat dà ơ?

Jeremi 30:12

Yàng Jehôwa đơs be do: ‘Tềl sồt mê ò geh sơm, Sồt rmàñ mê kơnjơ̆ ngan.

Jeremi 30:13

Ò gơs cau lơi dong tò broă mê dê Ò gơs sơnơm lơi sồt rmàñ mê in, Ò gơs bơta sơmbòi mê in.

Jeremi 51:5

Israel mơ Juda ò kòl sang lòi, Bơh Yàng Tom Trồ bol khai, la Yàng Jehôwa Gơnap Gơnoar; Bulah lơgar bol khai bềng tồi glài iơh bơsak, di đap Bơtau Sàng Goh Israel dê.

Jeremi 6:30

Bol khai kòl sơnđan la ‘priă neh sang tơlik,’ Bơh Yàng Jehôwa neh sang tơlik bol khai.”

Jeremi 7:29

Siat tĕ sŏ mơ sơrbì gơ ngài; Ai sap ñìm rac hơđang ală dòr kơlờl! Bơh Yàng Jehôwa neh pơndang sang mơ sang lòi jơi bơtiàn do, La jơi bơtiàn neh bơrcek bơta gơjrañ Kơnràñ dê.’”

Jeremi 8:15

Bol he kơp kòñ bơta lơngap lơngai, Mơya jòi bàn bơta ò niam; Kơp gơn tŭ tơngai sơmbòi, Mơya bơta rngòt rngơt tus.

Jeremi 8:22

Tòm Galaat ò gơs kơlhô ơ? Ò gơs cau gơnoar sơnơm ơm tềng hơ̆ ơ? Behơ̆, ñchi bơh tài bơta kòp jê làng bol añ jê ò geh sơmbòi taih?

Ñìm Rac 2:13

Ñchi Añ rgơi đơs mơ ai taih? Ai bơta lơi nàng pơndròm mơ ai taih? Ơ kòn ùr Jerusalem? Añ ai ñchi nàng pơndròm mơ ai, nàng Añ pơndòm pơniang ai? Ơ kòn ơruh dềt Siôn dê? Bơta roh rui ai kung be dàlềng, Ñcau rgơi sơm ai in taih?

Ñìm Rac 2:22

Kơnràñ neh hòi jà ală cau sò tơm añ jê bơh ală tiah gùt dar, kung be dô ngai pơjum sa chò hòp. Mơ tòm ngai gơjrañ dờng Yàng Jehôwa dê, ò gơs cau lơi geh klàs hala gam kis. Hơ̆ la ală cau añ neh deh mơ ròng siam, cau sò tơm añ jê neh tơnroh jơh.

Ñìm Rac 4:17

Mat bol hi lơgah lơgañ gơn bơta dong kòl ò kwơ! Bol hi kơp gơn ngac ngar hơ dô làng bol ò rgơi dong klàs.

Ñìm Rac 5:22

Kơnràñ neh sang lòi jơh bol hi, bơh Kơnràñ gơjrañ di bol hi oă ir.

Mice 1:12

Ală cau ơm tòm Marôt duh nùs kơp gơn bơta lơngai niam, tài bơh bơta rung rài neh mù bơh Yàng Jehôwa, neh tus di mpồng ƀòn dờng Jerusalem dê.

I Tesalônika 5:3

Tòm tŭ cau đơs: “Ring lơngai mơ lơngap lơngai,” gen bơta tơnroh nisơna tus hơđang bol khai be bơta jê deh gơtơntus cau ùr bun in, mơ bol khai ngan ò geh pleh klàs ò.