Jeremi 14:16 - Sră Goh 2018

¹⁶ Ală cau mơ bol khai yal jơnau đơs hwơr hơ̆ in, bal mơ bau ùr, kòn klau, kòn ùr bol khai rơp gơkòl sơrbì tòm gùng ƀòn dờng Jerusalem dê kong đào tà mơ jơgloh rung. Tềng hơ̆ ò gơs cau lơi tơp bol khai, să tòm bol khai, ală bau ùr bol khai dê, ală kòn klau mơ ală kòn ùr bol khai dê. Añ rơp tuh bơta iơh bol khai dê hơđang bol khai!

Jeremi 14:16 Mawu Ofanana

Jơnau Pơnđik 1:31

Behơ̆ tàng bol khai rơp sa plai đo gơlik bơh gùng dà bol khai dê, Mơ geh hừh nùs bơh kai gơrmơ̆i să tòm bol khai dê.

Esai 51:20

Ală kòn bol mê dê òsô mơ bol khai gơpừ chơt yơh di bồ ală gùng me, be be brê gơkòl yar tòm bơtơng. Bol khai bềng bơta gơjrañ dờng Yàng Jehôwa dê mơ bơta lah pơrhơng Yàng Tom Trồ bol mê dê.

Esai 9:16

Ală cau tề lam làng bol do neh lòt tìs nrah, mơ ală cau geh tề lam gơkòl roh rui.

Jeremi 16:4

“Bol khai rơp kong pluh plàng mơ chơt; bol khai rơp ò gơs cau ñìm ƀồc mơ kung ò gơs cau tơp; ƀồc bol khai gam wơl kung be phan jă brê hơđang ù. Bol khai rơp kong tơnroh bơh pềs tà mơ jơgloh rung; ƀồc bol khai dê rơp lơh gơs phan sa sềm trồ mơ jơi phan poan jơng hơđang ù in.”

Jeremi 18:21

Behơ̆ gen, dan Kơnràñ phi tĕ ală kòn bol khai dê tòm bơta jơgloh rung, Sơrbì bol khai tòm gơnoar pềs tà dê. Lòi bau ùr bol khai dê roh kòn mơ gơlik gơs ùr bơnrau, Lòi bau klau bol khai dê kong chơt pluh, Ai ală cau klau pơnu bol khai dê kong sreh mơ đào tòm tiah tòmlơh.

Jeremi 20:6

Ai mê, ơ Pasur, să tòm mê bal mơ ală cau ơm tòm hìu mê, rơp cèng lơh dĭ hơ Babilôn, mơ mê rơp chơt mơ tơp tềng hơ̆, bal mơ jơh ală cau bơyô mê dê, hơ̆ la ală cau mơ mê neh đơs hwơr ma blac bol khai in.’”

Jeremi 27:15

Yàng Jehôwa đơs: ‘Añ ò tŭ lơi sồr bol khai, mơya bol khai ai sơnđan Añ đơs hwơr blac; tồ Añ in bơtrơh bol mê, mơ lồi dut bol mê kong tơnroh, bol mê bal mơ ală cau gơnoar hwơr đơs hwơr bol mê in.’”

Jeremi 4:18

“Hơ̆ la ală gùng dà mơ broă lơh mê dê Neh cèng bơta do hơđang bol mê. Hơ̆ la pơnah mê dê, sràt bơtang ngan, gơ neh tus hơ kòp nơm nùs bol mê dê.”

Jeremi 5:31

Ală cau gơnoar hwơr đơs hwơr blac, Ală cau gơnoar ơn phan duh khoai jat jơnau gơnoar sồr cau gơnoar hwơr! Làng bol Añ kòñ gơs bơta behơ̆ sơl. Mơya ñchi bol mê rơp lơh tòm tŭ lồi dut tus taih?”

Jeremi 7:33

Ală ƀồc làng bol do rơp lơh gơs phan sa ală sềm trồ mơ phan poan jơng tòm ù in, ò gơs cau lơi bơtrơh tơrngòt bol gơ.

Jeremi 8:1

Yàng Jehôwa đơs: “Tòm rài hơ̆, ƀồc ală cau bơtau Juda dê, ntìng ƀồc ală cau kwang at bồ, ntìng ƀồc ală cau gơnoar ơn phan duh khoai, ntìng ƀồc ală cau gơnoar hwơr, mơ ntìng ƀồc ală làng bol Jerusalem dê cau rơp cèng tơlik bơh bơtô ƀồc bol khai dê.

Jeremi 8:2

Cau rơp pràng ală ntìng ƀồc hơ̆ hơđơm mattơngai, mat kơnhai, mơ ală sơmañ hơđang trồ, hơ̆ la ală phan mơ bol khai kòñ gơboh, duh broă; la phan bol khai lòt jat, jòi jat mơ duh khoai. Gơ rơp ò geh tơrgòm wơl hala tơp bồr, gơ rơp kung be è hơđang ù.

Jeremi 9:20

Ơ ală cau ùr, iat tĕ jơnau Yàng Jehôwa, Lòi tĕ tồr bol ai dòp jơnau bơr Kơnràñ đơs. Bơto tĕ ală kòn ùr bol ai in dô bơta ñìm rac; Kòp nă bơto tĕ cau gơp ƀòn he rac ròc!

Jeremi 9:22

Đơs tĕ: “Yàng Jehôwa đơs be do: ‘Ƀồc cau chơt rơp gơpừ Kung be phan pơnđồm tòm ƀlàng sre, Mơ be sơnđùng kòi neh rung bơh ngkòi cau toès; mơ ò gơs cau lơi dòñ bol gơ wơl!’”

Ejekiel 39:14

Bol khai rơp ơn is ală cau klau nàng lòt gan sùm hơđang ù mơ nàng tơp ală cau sò tơm gam wơl hơđang ù, tồ lơh goh gơ in; tòm poh kơnhai, bol khai rơp lơh broă sơwì sền bol khai dê.

Amôs 7:17

Gen tàng Yàng Jehôwa đơs be do: ‘Bau ùr mê dê rơp gơlik gơs dô nă ùr dri tòm ƀòn dờng; ală kòn klau mơ ală kòn ùr mê dê rơp gơpừ bơh đào; lơgar mê rơp kong was mơ tòmpà gơs oă pơnah, ai să tòm mê rơp chơt tòm dô nơm lơgar ò goh, mơ Israel ngan rơp kong kup cèng pơrdô bơh di lơgar tòm bol khai dê.’”

Mathiơ 15:14

Lòi tĕ dò bol khai; bol khai la cau jơngo mơ lam gùng. Dilah cau jơngo lam cau jơngo, gen jơh bàr nă rơp dùh tòm trồm tơrluh.”

Yal Tơlik 16:1

Añ kơno dô jơnau dờng bơh di hìu duh khoai đơs mơ poh nă cau gơnrơh lah: “Lòt tĕ, tuh poh nơm mơngàn bơta gơjrañ dờng Yàng Tom Trồ dê tòm ù.”