Jeremi 14:14 - Sră Goh 2018

¹⁴ Yàng Jehôwa đơs tai mơ añ lah: “Ală cau gơnoar hwơr ai sơnđan Añ mơ đơs hwơr blac, Añ ò tŭ lơi sồr bol khai, hala òhềt ai gơnoar sồr mơ òhềt đơs mơ bol khai. Bol khai đơs hwơr bol mê in bơh dô bơta gơtơnggŏ ma blac, bơta juh proh roh lơm, mơ bơta blac pơrlồm bơh nùs is bol khai dê!”

Jeremi 14:14 Mawu Ofanana

Esai 56:10

Ală cau kơp gàr Israel dê jơngo mat, jơh tơl nă bol khai siơ̆u bơta git wă; bol khai jơh tơl nă la ală so kloat; ò rgơi khoal; ơm bic wèng, ơm mpau, jròk bic mat.

Esai 9:15

Bồ hơ̆ la ală cau kwang kra mơ cau màng ryŭ; tiang hơ̆ la ală cau gơnoar hwơr bơto jơnau blac chừt.

Jeremi 20:6

Ai mê, ơ Pasur, să tòm mê bal mơ ală cau ơm tòm hìu mê, rơp cèng lơh dĭ hơ Babilôn, mơ mê rơp chơt mơ tơp tềng hơ̆, bal mơ jơh ală cau bơyô mê dê, hơ̆ la ală cau mơ mê neh đơs hwơr ma blac bol khai in.’”

Jeremi 28:11

Chòp, Hanania đơs di đap jơh làng bol lah: “Yàng Jehôwa đơs be do: ‘Añ rơp dơrpă yô Nebukatnessar dê, bơtau Babilôn, bơh ngko kòp nơm lơgar kung behơ̆ tòm bàr sơnam.’” Gen cau gơnoar hwơr Jeremi lik lòt.

Jeremi 28:13

“Mê pal lòt tus đơs mơ Hanania lah: ‘Mê neh dơrpă dô nơm yô mơ chi; mơya lơh dô nơm yô mơ lòs ala wơl.

Jeremi 28:15

Chòp, cau gơnoar hwơr Jeremi đơs mơ cau gơnoar hwơr Hanania lah: “Ơ Hanania, iat tĕ! Yàng Jehôwa òhềt sồr mê, mơya mê lơh làng bol do in dòn kơnòm di bơta ma blac.

Jeremi 29:21

“Yàng Jehôwa Gơnap Gơnoar, Yàng Tom Trồ Israel dê, đơs be do bơh Ahap, kòn klau Kôlayah, mơ Jedekia, kòn klau Maaseyah, la ală cau ai sơnđan Añ đơs hwơr ma blac: ‘Añ rơp phi bol khai tòm tê Nebukatnessar, bơtau Babilôn, khai rơp tơnchơt bol khai di đap mat bol mê.’

Jeremi 29:31

“Sồr yal tĕ ală bơta do kòp nă cau kong kup cèng ngài bơh lơgar in git lah: Yàng Jehôwa đơs bơh Semaya ơm tòm Nehelam be do: ‘Bơh Semaya neh đơs hwơr bol mê in, mơ Añ òhềt tŭ lơi sồr khai, mơ khai neh lơh bol mê in kơnòm di bơta ma blac,’

Jeremi 37:19

Ntềng đah ală cau gơnoar hwơr neh đơs hwơr bơtau in lah: ‘Bơtau Babilôn rơp ò tus tòmdră mơ bol mê hala tòmdră mơ tiah do ơ’?

Jeremi 5:31

Ală cau gơnoar hwơr đơs hwơr blac, Ală cau gơnoar ơn phan duh khoai jat jơnau gơnoar sồr cau gơnoar hwơr! Làng bol Añ kòñ gơs bơta behơ̆ sơl. Mơya ñchi bol mê rơp lơh tòm tŭ lồi dut tus taih?”

Jeremi 8:10

Gen tàng, Añ rơp jào bau ùr bol khai dê cau ndai in, Mìr sre bol khai dê cau phà tòmpìt in; Tài bơh, bơh cau dềt rlau jơh tus cau dờng rlau jơh, jơh tơl nă hàm hà cồng nha ò song ring; Bơh cau gơnoar hwơr jơl tus cau gơnoar ơn phan duh khoai, jơh tơl nă lơh lòt ma blac lơm.

Jeremi 8:11

Bol khai pùt tềl sồt làng bol Añ jê dô bă ơlă ơlai, Đơs lah: “Lơngap lơngai, lơngap lơngai!” Mơya ò gơs bơta lơngap lơngai dô êt lơi.

Ñìm Rac 2:14

Ală cau gơnoar hwơr ai yal ai in ală bơta ma blac mơ gơtơnggŏ blac pơrlồm. Bol khai ò yal tơlik tồi glài ai, nàng tơm wơl bơta lơngai lơngò bol ai dê, Mơya mìng yal ai in git ală jơnau đơs hwơr ma blac mơ tìs nrah.

Ñìm Rac 2:9

Ală mpồng ƀòn dờng gơkram tòm ù; Kơnràñ neh tơnroh mơ dơrkă ală kai kal gơ dê. Cau bơtau mơ ală kwang at bồ gơ dê ơm digùl ală lơgar ò gơs bơta sơnio lam tai! Ală cau gơnoar hwơr ò dòp bơta tơnggŏ bơh Yàng Jehôwa.

Ejekiel 12:24

Bơh rơp ò tai gơs bơta gơtơnggŏ ma blac, hala jơnau đơs hwơr rơmhòc tòm hìu Israel.

Ejekiel 13:2

“Ơ kòn mơnus, đơs hwơr tĕ tòmdră mơ ală cau gơnoar hwơr Israel dê la ală cau ơm đơs hwơr. Đơs tĕ mơ ală cau đơs hwơr bơh bơta kơlôi sơnơng is bol khai dê lah: ‘Iat tĕ jơnau Yàng Jehôwa dê!’

Ejekiel 13:23

gen tàng bol ai rơp ò tai gŏ bơta gơtơnggŏ blac hala đơs hwơr tai. Añ rơp dong tă làng bol Añ klàs bơh di tê bol ai. Gen bol ai rơp git Añ la Yàng Jehôwa.’”

Ejekiel 21:29

Bulah gơs ală bơta gơtơnggŏ ma blac bơh broă bol mê, mơ bơta sền dà đơs blac bơh bol mê, gơ rơp ơn di ngko ală cau iơh bơsak rơp kong sreh chơt, ngai bol khai neh tus, tŭ tơngai lơh glài neh di rau.

Mice 3:11

Ală cau kwang lam bồ gơ dê cahrña bơh sa loă, ală cau gơnoar ơn phan duh khoai gơ dê bơto sồr bơh jền priă, mơ ală cau gơnoar hwơr gơ dê đơs hwơr bơh priă; bulah behơ̆ bol khai kơnòm di sơnđan Yàng Jehôwa mơ đơs lah: “Ngan gơs Yàng Jehôwa ơm digùl bol he, bơta rung rài rơp ò tus hơđang bol he!”

Sacari 10:2

Tài bơh ală rùp ràk đơs bơta blac pơrlồm. Ală cau sền dà gŏ bơta gơtơnggŏ ma blac; bol khai yal bơta mpau ò song, mơ ai bơta pơndòm pơniang ò kwơ. Behơ̆ tàng làng bol nrah nring kung be belàt, kong rồn bơklơn tài bơh ò gơs cau ê.

Sacari 13:3

Mơ dilah gơs cau lơi gam đơs hwơr, gen mè mơ bèp khai dê la cau neh deh khai, rơp đơs mơ khai lah: ‘Mê rơp ò geh kis, tài bơh mê neh ai sơnđan Yàng Jehôwa mơ đơs ală jơnau blac.’ Mơ mè bèp tòm khai dê la cau neh deh khai rơp sreh tơnchơt khai tòm tŭ khai đơs hwơr.

Yal Wơl 18:20

Mơya dô nă cau gơnoar hwơr lơi ai sơnđan mơ đơs jơnau lơi Añ ò sồr khai đơs, hala dô nă cau gơnoar hwơr lơi ai sơnđan ală yàng ndai mơ đơs gen pal kong tơnchơt.”

I Timôthe 4:2

bơh bơta ma blac cau đơs blac dê, ma blac cau gơs nùs tồr tul kră.

I Jang 4:1

Ơ ală cau kòñ gơboh, bañ dòn di jơh ală hwềng, mơya lòng sơwì tĕ tồ git dilah ngan ală hwềng la tus bơh Yàng Tom Trồ hala ò; tài bơh gơs oă cau gơnoar hwơr ma blac neh lòt tus tòm dunnia.