Jeremi 14:11 - Sră Goh 2018

¹¹ Yàng Jehôwa đơs tai mơ añ lah: “Bañ hòi dan bơta lơngai làng bol do in.

Jeremi 14:11 Mawu Ofanana

Lik Ejiptơ 32:10

Tŭ do lòi tĕ Añ in lơh is, tồ bơta gơjrañ dờng Añ jê gơhào khuh gơwèt mơ bol khai, nàng Añ tơnroh jơh bol khai. Gen Añ rơp lơh mê in gơlik gơs dô nơm làng bol dờng.”

Jeremi 11:14

Ai đah mơ mê, bañ hòi dan ala làng bol do in; bañ bơh bol khai ai jơnau rac dan hòi dan; bơh Añ rơp ò iat tòm tŭ bol khai hòi tus hơ Añ tòm bơta rung rài bol khai dê.

Jeremi 15:1

Gen Yàng Jehôwa đơs mơ añ lah: “Bulah Môise mơ Samuel ntào di đap Añ, mơya nùs Añ kung ò wèt mơ làng bol do. Bơtrơh tơlik tĕ bol khai ngài bơh di mat Añ, mơ lòi bol khai lòt!

Jeremi 7:16

Ai mê, bañ hòi dan ala bơh làng bol do in; bañ bơh bol khai mơ ai jơnau rac dan hòi dan, kung bañ hòi dan ala mơ Añ, bơh Añ rơp ò iat mê.

I Jang 5:16

Dilah cau lơi gŏ oh mi he tìs glài, la glài ò di pal chơt, gen hòi dan tĕ khai in, mơ Yàng Tom Trồ rơp ai bơta kis khai in; hơ̆ la ai ală cau tìs glài ò di pal chơt. Kung gơs glài pal chơt; hơ̆ ò di la bơh glài hơ̆ mơ añ đơs pal hòi dan.