Jeremi 14:10 - Sră Goh 2018

¹⁰ Yàng Jehôwa đơs bơh làng bol do be do: “Ngan bol khai kòñ gơboh lòt gơlềng gơlàng, Bol khai ò kơryan jơng he, Gen tàng Yàng Jehôwa ò bài dòp bol khai. Tŭ do Kơnràñ kah wơl bơta tìs glài bol khai dê Mơ lơh glài tơmàl tồi glài bol khai dê.”

Jeremi 14:10 Mawu Ofanana

I Ală Bơtau 17:18

Gen cau ùr đơs mơ Eli lah: “Ơ cau Yàng Tom Trồ dê, ñchi bơta ồng tòmdră mơ añ taih? Ồng neh tus tòm hìu añ nàng tơngkah wơl ală tồi glài añ jê nàng tơnchơt kòn añ sơl?”

Đơs Crih 119:101

Añ kơrmap gàr jơng añ klàs di kòp nơm gùng dà iơh bơsak, Nàng prap gàr jơnau Yàng dê.

Đơs Crih 95:10

Tòm poan jơt nam Añ cù kìr di jơi bơtiàn hơ̆, Mơ Añ đơs lah: “Bol khai la dô nơm làng bol gơs nùs tìs nrah, Bol khai ò kơlôi wèt di ală gùng dà Añ jê.”

Lik Ejiptơ 32:34

Tŭ do, lòt tĕ, lam làng bol lòt tus di tiah Añ neh đơs, mơ cau gơnrơh Añ jê rơp lòt lài mơ mê. Bulah behơ̆, tòm tŭ tus di tŭ tơngai lơh glài gen Añ rơp lơh glài tài bơh tồi glài bol khai dê.”

Jeremi 2:36

Ñchi bơh tài mê mhar ngan tòmgơl gùng dà mê dê. Bol mê rơp gơkòl ƀàssìl bơh Ejiptơ, kung be bol mê neh ƀàssìl bơh Asiri.

Jeremi 3:13

‘Mìng mê pal dòp git tồi glài mê dê, Mê neh pơrlơ̆ dră mơ Jehôwa Yàng Tom Trồ mê dê; Mê neh lòt nrah nring digùl ală yàng ndai hơđơm kòp nơm chi tơlir, Mơ ò lơh jat jơnau Añ.’” Yàng Jehôwa đơs behơ̆.

Jeremi 31:34

Bol khai kòp nă rơp ò bơto cau gơp ƀòn he hala oh mi he, mơ lah: ‘Đal git tĕ Yàng Jehôwa!’ Tài bơh bol khai jơh tơl nă rơp đal git Añ, cau dềt kung be cau dờng.” Yàng Jehôwa đơs: “Añ rơp toh bơta iơh bơsak bol khai dê, mơ ò kah bơta tìs bol khai tai.”

Jeremi 6:20

Behơ̆, ñchi kwơ cèng kơlhô tus bơh Seba Añ in, Chi ƀô lơngồt tus bơh lơgar ngài? Phan ơn chu bol mê dê ò geh dòp, Phan ơn pơdơng bol mê ò niam nùs Añ.”

Jeremi 8:5

Behơ̆ ñchi bơh tài làng bol kư̆ dô ngài? Tòm bơta kư̆ tìs wơl sùm sùm ơ? Bol khai sơmbat prap bơta blac chừt, Bol khai ò bài rê wơl.

Ejekiel 29:16

Ejiptơ rơp ò tai gam la tòm ryas bơta gơn kơnòm làng bol Israel in, mơya la dô bơta tơngkah wơl bơh tồi glài bol khai dê, tòm tŭ bol khai wèt wơl hơ Ejiptơ nàng geh dong kòl. Gen bol khai rơp git Añ la Jehôwa Yàng Tom Trồ.’”

Sră Ôse 11:7

Làng bol Añ jê neh kun pơrlac ngài bơh Añ. Bulah bol khai hòi tus hơ Bơtau Hơđang Rlau Jơh; Mơya Kơnràñ kung ò yò bol khai guh.

Sră Ôse 11:9

Añ rơp ò lơh gơlik bơta gơjrañ duh hơng Añ jê, mơ kung rơp ò tơnroh Epraim tai. Bơh Añ la Yàng Tom Trồ, ò di la kòn mơnus; Añ la Bơtau Sàng Goh ơm digùl bol mê, Añ ò lòt tus mơ bơta gơjrañ dờng Añ jê.

Sră Ôse 7:13

Bòl glar bol khai in, tài bơh bol khai neh lòt tìs nrah ngài bơh Añ. Bơta gơprah gơpring dùh hơđang bol khai, tài bơh bol khai neh tòmdră mơ Añ. Añ kòñ dong tơwài bol khai, mơya bol khai đơs ală jơnau blac chừt tòmdră mơ Añ.

Sră Ôse 7:2

Mơya bol khai ò git sền sơwì lah Añ kah jơh ală broă lơh iơh bơsak bol khai dê. Broă lơh bol khai dê gơrwàng bol khai; bol gơ ơm sùm di đap Añ.

Sră Ôse 8:13

Bulah bol khai ơn phan duh khoai niam Añ in, bulah bol khai sa poac, Yàng Jehôwa kung ò dòp bol khai. Tŭ do Kơnràñ kah wơl bơta tồi glài bol khai dê, mơ lơh glài bơh tồi glài bol khai dê, bol khai rơp rê wơl hơ Ejiptơ.

Sră Ôse 9:9

Bol khai gơkram jrô tòm bơta tìs nrah bol khai dê be tòm ală ngai Gibea dê. Yàng Tom Trồ rơp kah wơl bơta iơh bơsak bol khai dê, mơ rơp lơh glài tài bơh tồi glài bol khai dê.

Amôs 3:2

“Añ mìng git bol mê lơm bơh di jơh ală hìu nhă hơđang plai ù; behơ̆ tàng Añ rơp lơh glài bol mê bơh jơh ală bơta tồi glài bol mê dê.”

Amôs 5:22

Bulah bol mê cèng Añ in ală phan ơn chu pơrguc mơ ală phan ơn mơ kòi mbo, Añ rơp ò dòp ală phan ơn hơ̆. Bulah bol mê cèng ală phan ơn bơta ring lơngai mơ dơngi phan poan jơng bol mê dê, Añ ò wèt mat di bol gơ ò.

Hebrơ 8:12

Bơh Añ rơp ai nùs kòñ nđàc nàng toh ală bơta tồi glài iơh bơsak bol khai dê, Ò kah ală tồi glài bol khai dê tai.”

I Samuel 15:2

Yàng Jehôwa Gơnap Gơnoar Dờng Làm Jơh đơs lah: ‘Añ rơp lơh glài cau Amalek bơh ală bơta bol khai neh lơh Israel in, hơ̆ la tòmdră wơl mơ cau Israel tòm tŭ bol khai lik bơh Ejiptơ.