Jeremi 13:25 - Sră Goh 2018

²⁵ Yàng Jehôwa đơs: “Hơ̆ la pơnah ai dê, Pơnah Añ was ai in, Yàng Jehôwa đơs behơ̆. Bơh ai neh hŭi Añ, Mơ dòn kơnòm di yàng blac pơrlồm.

Jeremi 13:25 Mawu Ofanana

Sră Jop 20:29

Hơ̆ la pơnah mơ Yàng Tom Trồ prap lòi ală cau iơh bơsak in, La phan jơtài mơ Yàng Tom Trồ neh lơh nền bol khai in.”

Đơs Crih 11:6

Kơnràñ rơp tơndùh ồs mơ siau kung be mìu hơđang cau iơh bơsak; Dô ròs càl duh trơàl rơp la pơnah bol khai in.

Đơs Crih 9:17

Cau iơh bơsak gơkòl tơlo dùh tòm lơgar làng ƀồc, Mơ jơh ală lơgar hŭi Yàng Tom Trồ kung behơ̆ sơl.

Esai 17:4

“Tòm ngai hơ̆, bơta gơklŏ Jakôp dê rơp gơhuc, dơngi tòm poac să khai dê rơp gơ mù.

Esai 28:15

Tài bơh bol mê neh đơs lah: “Bol hi neh bơt bơtào dô bơta ho bal mơ bơta chơt, mơ gơs dô nùs bal mơ lơgar làng ƀồc. Tòm tŭ bơta rung rài tơnroh lòt gan mhar, gơ rơp ò tus di bol hi, bơh bol hi ngui bơta đơs blac lơh gơs tiah kìng crŭ, mơ ai bơta ma blac lơh gơs tiah pồn să.”

Esai 34:17

Kơnràñ neh tă khà bol gơ, tê Kơnràñ neh tòmpà pơnah tiah neh was mơ che rnoas. Bol gơ rơp dòp geh gơ jơl sùm sùm, mơ ơm tềng hơ̆ bơh rài do tus hơ rài ne.

Esai 65:7

Bơh tồi glài bol mê dê bal mơ tồi glài ồng pàng bol mê dê,” Yàng Jehôwa đơs behơ̆. “Tài bơh bol khai neh chu ală phan ơn hơđang ală mơnơm, mơ sền òsơp di Añ hơđang ală dòr, Añ rơp was wơl di tiang ào bol khai dê, bơta tơm wơl wil tơl bơh ală broă lơh bol khai dê.”

Jeremi 10:14

Kòp nă cau la bơrngơl mơ ò git wă; Cau chài lơh màh kòl ƀàssìl bơh ală rùp ràk khai dê; bơh ală rùp ràk bol khai la ma blac, Ò gơs nhơm tă tòm gơ;

Jeremi 18:15

Mơya làng bol Añ neh hŭi Añ; Chu kơlhô rùp ràk ma blac in La rùp ràk lơh bol khai gơtup pừ tòm gùng bol khai dê, Tòm gùng lòt bơh rài yau òr, Lòt tòm gùng òhềt rcang wàs Mơ ò di gùng dờng.

Jeremi 2:13

“Làng bol Añ neh lơh bàr bơta iơh: Bol khai neh sang lòi Añ, La hiòng dà bơta kis, Mơ tò is tơrlung dà bol khai in, ală tơrlung dà neh dàng, Ò rgơi ơn dà.

Jeremi 2:32

Dô nă kòn ơruh rgơi hŭi phan bơka să khai dê, Hala dô nă ƀan pa hŭi phan soh mơ phan bơka să he dê ơ? Mơya làng bol Añ neh hŭi Añ bơh ală ngai ò jai kòp.

Jeremi 3:21

Gơs jơnau đơs bơh hơđang ală dòr kơlờl: Hơ̆ la sap kòn sau Israel ñìm rac, Tài bơh bol khai neh lơh rkwet rkwe gùng bol khai dê; bol khai neh hŭi Jehôwa Yàng Tom Trồ bol khai dê.

Ejekiel 23:35

Gen tàng, Jehôwa Yàng Tom Trồ đơs be do: ‘Tài bơh ai neh hŭi Añ, mơ sơrbì Añ di ngkòi ai, gen ai pal kong cồng nha bơh bơta gơlềng gơlàng mơ dri tơlàr ai dê.’”

Mice 3:11

Ală cau kwang lam bồ gơ dê cahrña bơh sa loă, ală cau gơnoar ơn phan duh khoai gơ dê bơto sồr bơh jền priă, mơ ală cau gơnoar hwơr gơ dê đơs hwơr bơh priă; bulah behơ̆ bol khai kơnòm di sơnđan Yàng Jehôwa mơ đơs lah: “Ngan gơs Yàng Jehôwa ơm digùl bol he, bơta rung rài rơp ò tus hơđang bol he!”

Sôphôni 3:2

Gơ neh ò iat sap đơs lơi, gơ neh ò dòp bơta lơh niam wơl. Gơ neh ò dòn kơnòm di Yàng Jehôwa, gơ neh ò tus rềp mơ Yàng Tom Trồ gơ dê.

Mathiơ 24:51

Cau tòm rơp pù tac poac khai mơ tơmut khai bal mơ cau ma blac. Tềng hơ̆ rơp gơs ñìm rac mơ rkiat sề.”

Rôma 1:25

bơh bol khai neh tòmgơl jơnau song Yàng Tom Trồ dê mơ dòp bơta blac chừt, duh khoai mơ duh broă ală phan neh geh crơng gơs ala Bơtau Crơng Gơs, la Bơtau pal jòng ro gam sùm sùm! Amen.