Jeremi 13:24 - Sră Goh 2018

²⁴ Behơ̆ gen Añ rơp rsìh bol ai be nsiap Kong càl tòm ƀlàng bràs khồm pơrdô thit.

Jeremi 13:24 Mawu Ofanana

Đơs Crih 1:4

Cau iơh bơsak ò di behơ̆ ò, Mơya bol khai ò gơkrơi be nsiap càl khồm gơ par roh thit.

Esai 17:13

Bulah ală làng bol lơh nggồr nggàc kung be bơta nggồr nggàc ală dà jrài dê, mơya Kơnràñ lah pơrhơng bol khai gen bol khai dô ngài, kòl càl pơrdô kung be nsiap kòi hơđang mơnơm, kung be dô puk thul ơmul càl rbut khồm.

Esai 41:16

Mê rơp tòmpơr gơ, càl rơp cèng pơrdô gơ, càl rbut dờng rơp rsìh bol gơ roh jơh. Mơya mê rơp hòn chò tòm Yàng Jehôwa, geh gơklŏ tòm Bơtau Sàng Goh Israel dê.

Jeremi 18:17

Be càl bơh đah mattơngai lik khồm tus; Añ rơp lơh bol khai in nrah nring di đap cau sò tơm, Añ wèt ngkòi mơ bol khai, ò wèt mat Añ jê; Tòm ngai bơta rung rài bol khai dê.”

Jeremi 9:16

Añ rơp rsìh bol khai digùl ală làng bol mơ bol khai mơ ồng pàng bol khai dê òhềt git; Añ rơp sồr đào ting jat, jơl tus di tŭ neh tơnroh jơh bol khai.”

Ñìm Rac 1:15

Yàng Jehôwa neh sang lòi ală cau ling jak tòmlơh bơh digùl añ. Kơnràñ neh yal tŭ tơngai tòmdră mơ añ, jă trơm ală cau pơnu añ. Yàng Jehôwa jă trơm ală cau ơruh dềt Juda dê, kung be cau pat tơrnòm ño.

Ejekiel 17:21

Jơh ală mpồl ling ntoat dô khai dê rơp gơpừ hơđơm lơmpiat đào, mơ ală cau gam kis rơp kong nrah nring tòm poan đah càl. Gen bol mê rơp git Añ la Yàng Jehôwa neh đơs behơ̆.’”

Ejekiel 5:12

Dô pơnah pe làng bol mê dê rơp chơt pluh, hala roh rui bơh bơta jơgloh rung tòm mê; dô pơnah pe rơp pừ bơh đào gùt dar mê; mơ dô pơnah pe tai Añ rsìh tòm kòp nơm càl, mơ tă đào bơh sơmprồm ting jat bơh ngkòi.

Ejekiel 5:2

Tòm tŭ ală ngai gơrwàng gùt dar mê dê neh tơl, mê rơp chu dô pơnah pe sŏ hơ̆ tòm dơlam ƀòn dờng. Ai tĕ dô pơnah pe sŏ ndai mơ koh sreh gơ mơ đào gùt dar ƀòn. Lồc behơ̆, rsìh dô pơnah pe sŏ gam wơl tòm càl, mơ Añ rơp tă đào bơh đah ngkòi bol gơ.

Ejekiel 6:8

Mơya Añ rơp lòi wơl dô êt nă, bơh dô êt nă tòm bol mê geh klàs bơh đào tòm tŭ bol mê ơm nrah nring tòm ală lơgar mơ ală làng bol.

Sră Ôse 13:3

Behơ̆ tàng bol khai rơp gơlik kung be dà mơryuh àng drim, kung be dà tŭ rìng àng drim mhar roh thit, kung be nsiap càl khồm pơrdô bơh làn pơrjòt kòi, kung be ñhŭ lik bơh mpồng dềt.

Lebi 26:33

Añ rơp rsìh bol mê tòm gùl ală làng bol mơ Añ rơp tă đào ting jat bol mê. Lơgar bol mê dê rơp gơkòl sang lòi srau gòi, mơ ală ƀòn dờng bol mê dê rơp kong tơnroh.

Sôphôni 2:2

lài mơ tŭ bol mê kong sang sơrbì tiah ngài kung be nsiap, lài mơ tŭ bơta gơjrañ gơhào khuh Yàng Jehôwa dê tus hơđang bol mê, lài mơ tŭ ngai gơjrañ dờng Yàng Jehôwa dê tus hơđang bol mê.

Luka 21:24

Bol khai rơp gơplơ̆ hơđơm mat đào, gơkòl cau kup lơh dĭ digùl jơh ală làng bol, Jerusalem rơp gơkòl ală làng bol bơdìh jă trơm jơl tus di ală tŭ tơngai làng bol bơdìh dê geh wil tơl.

Yal Wơl 28:64

Gen Yàng Jehôwa rơp rsìh bol mê digùl jơh ală làng bol, bơh jơng trồ do tus hơ jơng trồ ne. Tềng hơ̆ bol mê rơp duh khoai ală yàng ndai, la ală yàng mơ chi mơ lŭ mơ bol mê hala ală ồng pàng bol mê dê kung ò tŭ lơi git.

Yal Wơl 32:26

Añ neh đơs lah Añ rơp rsìh bol khai mơ jùt sang bơta kirsơnre bol khai dê bơh di jơi kòn mơnus,

Yal Wơl 4:27

Yàng Jehôwa rơp rsìh bol mê digùl ală làng bol, mơ mìng dô pơnah dềt tòm bol mê rơp gam kis digùl ală làng bol mơ Yàng Jehôwa rơp cèng bol mê tus.