Jeremi 13:23 - Sră Goh 2018

²³ Cau Ethiôpi rgơi tòmgơl gơltau, Hala klìu sơmañ rgơi tòmgơl sơnràng gơ dê sơl? Dilah rgơi gen bol ai la cau neh mòng lơh iơh rau, Kung rgơi lơh niam sơl.

Jeremi 13:23 Mawu Ofanana

II Ală Bơtau 17:40

Bulah behơ̆ bol khai ò bài iat, mơya kư̆ gam lơh jat bơta òs yau bol khai dê.

Jơnau Pơnđik 27:22

Dilah kòn ngui rnai piah mơ piah cau bơrngơl gơla tòm mpal bal mơ kòi, gen bơta bơrngơl gơla khai kung ò lik bơh khai.

Cau Bơto 1:15

Bơta lơi neh kwe ò rgơi bơsong wơl, mơ phan lơi siơ̆u ò rgơi kòp nàng tơl.

Esai 1:5

Ñchi bơh tài bol mê jòi bơta pù ơlih rlau tai taih? Ñchi bơh tài bol mê kư̆ gam tòmdră sùm taih? Jơh dô nơm bồ kòp jê, jơh dô nơm nùs jê sồt.

Jeremi 17:9

Nùs jơi kòn mơnus la blac chừt rlau mơ jơh ală jơi phan, Mơ ƀơ̆ iơh ngan; Ñcau rgơi git loh?

Jeremi 2:22

Bulah mê neh rào să mê mơ kơmbuh pìh, mơ ngui oă kơmbuh nàng um să he, Tồi glài mê kung gam cih kah sùm di đap Añ.” Yàng Jehôwa đơs behơ̆.

Jeremi 2:30

“Añ neh pù lơh kòn sau bol mê dê la ò kwơ; Bol khai ò bài dòp bơta bơto sồr. Đào bol mê neh tơnroh ală cau gơnoar hwơr, Be klìu triă phà tơnroh.

Jeremi 4:22

“Bơh làng bol Añ jê tùl gơla, Bol khai ò đal git Añ. Bol khai la kòn sau bơrngơl gơla, Bol khai ò gơs bơta git wă, Bol khai chài rgơi lơh bơta iơh, Mơya ò git mbe lơi lơh bơta niam.”

Jeremi 5:3

Ơ Yàng Jehôwa, mat Kơnràñ ò di wèt sền bơta song ngan ơ? Kơnràñ neh pù lơh bol khai, Mơya bol khai ò gŏ jê sồt, Kơnràñ lơh tơnroh bol khai, Mơya bol khai kung ò bài dòp bơta bơto sồr. Bol khai lơh muh mat bol khai kră rlau mơ lŭ, bol khai ò bài rê wơl.

Jeremi 9:5

Bol khai jơh tơl nă pơrlồm cau gơp ƀòn he, mơ ò gơs dô nă cau lơi đơs jơnau song. Bol khai bơto lơmpiat bol khai đơs blac, Pơnđơl pràn lơh bơta iơh, mơ kalke nàng gơjrañ sang glài.

I Samuel 19:21

Cau yal Sol in bơta hơ̆, gen khai sồr cau ndai tai, mơ bol khai kung đơs hwơr sơl. Sol sồr cau dơ̆ pe tai mơ bol khai kung đơs hwơr.