Jeremi 13:22 - Sră Goh 2018

²² Mơ dilah ai đơs is tòm nùs ai lah: “Ñchi bơh tài bơta do neh gơlik tus añ in taih?” Hơ̆ la bơh tồi glài dờng ngan ai dê, Gen tàng ồi mbơn ai kòl pò hơđang, Mơ ai kong jê sồt iơh rmơh ngan.

Jeremi 13:22 Mawu Ofanana

Esai 20:4

behơ̆ bơtau Asiri kung rơp kup dĭ cau Ejiptơ mơ kup cèng cau Kus lòt hơ lơgar ngài sơl, jơh ală cau pơnu mơ cau kra, lòi rồ mơ lòt nàng lơh ƀàssìl Ejiptơ.

Esai 3:17

Yàng Jehôwa rơp lơh bồ ală kòn ùr Siôn dê gơcat ngkàp, mơ Yàng Jehôwa lơh bol khai in ơm kuh lòi rồ.”

Esai 47:8

Gen tàng tŭ do iat tĕ bơta do, ơ bol ai la cau kòñ bơta niam nùs; la cau nggui ơm lơngai lơngò, mơ đơs is lah: “Añ do, rlau mơ añ ò gơs cau lơi ndai tai! Añ rơp ò tŭ lơi ơm bơnrau, hala git bơta roh kòn.”

Jeremi 13:26

Añ kung rơp yò ồi mbơn ai tus di mat ai, gen bơta ƀàssìl ai dê rơp sền gŏ.

Jeremi 14:16

Ală cau mơ bol khai yal jơnau đơs hwơr hơ̆ in, bal mơ bau ùr, kòn klau, kòn ùr bol khai rơp gơkòl sơrbì tòm gùng ƀòn dờng Jerusalem dê kong đào tà mơ jơgloh rung. Tềng hơ̆ ò gơs cau lơi tơp bol khai, să tòm bol khai, ală bau ùr bol khai dê, ală kòn klau mơ ală kòn ùr bol khai dê. Añ rơp tuh bơta iơh bol khai dê hơđang bol khai!

Jeremi 5:19

Gen tòm tŭ làng bol mê đơs lah: ‘Ñchi bơh tài Jehôwa Yàng Tom Trồ bol he dê neh lơh ală bơta do bol he in taih?’ gen mê pal yal bol khai in lah: ‘Kung be bol mê neh sang lòi Añ mơ duh broă ală yàng cau bơdìh tòm lơgar he mbe lơi, gen bol mê kung rơp duh broă ală làng bol bơdìh tòm dô nơm lơgar ò gơrê bal mơ bol mê behơ̆ sơl.’

Ñìm Rac 1:8

Jerusalem neh tìs glài dờng ngan, behơ̆ tàng khai gơlik gơs dô bơta dơñŏ tơnhial. Jơh ală cau sền dờng màng di khai sền òsơp khai wơl, bơh bol khai neh sền gŏ bơta ơm kuh lòi rồ khai dê. Ai să tòm khai gen rơnđơh mơ wèt muh mat khai dê hơ tiah ngài.

Ejekiel 23:26

Bol khai rơp hồ tă jơh ồi ai dê, mơ tòmpìt ai phan màng bơka să ai dê.

Sră Ôse 12:8

Cau kă bro ngui ală phan kơr ò song; khai kòñ gơboh bơta rồn bơklơn.

Sră Ôse 2:10

Behơ̆ Añ rơp ràng tơlik bơta ƀàssìl ƀàsso khai dê di đap ală cau khai tòmtir, mơ ò gơs cau lơi rgơi dong khai klàs bơh tê Añ.

Sră Ôse 2:3

Dilah ò gen Añ rơp hồ tă jơh ồi ào khai dê, lòi khai ơm kuh be ngai khai pa deh; Añ rơp lơh khai in gơlik gơs be ƀlàng ngềt ngơt, be ù rañ rsơh, mơ lòi khai in chơt tơhìr.

Sră Ôse 2:5

Ngan behơ̆, mè bol khai dê neh lơh dri tơlàr, mơ bun deh bol khai tòm bơta ƀàssìl ƀàsso. Bơh khai đơs lah: ‘Añ rơp lòt jat ală cau klau añ kòñ gơboh la ală cau ai añ in phan sa dà hùc, sơnò belàt mơ bài, mơñà mơ tơrnòm.’

Nahum 3:5

Yàng Jehôwa Gơnap Gơnoar Dờng Làm Jơh đơs lah: “Añ rơp hồ tă ồi mbơn ai dê, mơ jơm muh mat ai mơ Añ rơp lòi ală làng bol in sền gŏ bơta ơm kuh lòi rồ ai dê, mơ ală lơgar sền gŏ bơta ƀàssìl ƀàsso ai dê.

Sôphôni 1:12

Tòm tŭ hơ̆ Añ rơp ngui ală ồs đèng nàng jòi tòm Jerusalem, mơ lơh glài ală làng bol la cau jòng să pơnhừ să hơđang iah tơrnòm mơ ală cau kơlôi òm tòm nùs lah: ‘Yàng Jehôwa rơp ò lơh bơta lơi niam hala bơta lơi iơh.’

Yal Wơl 18:21

Digơlan bol mê rơp đơs is mơ să tòm bol mê lah: “Mbe rgơi bol hi git tòm tŭ gơs jơnau bơto yal ò đơs bơh Yàng Jehôwa taih?”

Yal Wơl 7:17

Bol mê digơlan rơp đơs is mơ să tòm he lah: “Ală làng bol do la pràn kơldang rlau mơ bol hi. Mbe bol hi rgơi ting bơtrơh bol khai taih?”

Yal Wơl 8:17

Bañ đơs is lah: “Gơnap gơnoar añ jê mơ bơta pràn kơldang ală tê añ jê neh lơh gơs añ in ală phan mơna do.”