Jeremi 13:21 - Sră Goh 2018

²¹ Ñchi ai rơp đơs tòm tŭ bol khai geh at bồ hơđang ai, la ală cau mơ ai neh bơto Lơh gơs cau dô bă bal mơ ai? Bơta jê sồt rơp ò sơmbat kup ai, Kung be cau ùr jê deh ơ?

Jeremi 13:21 Mawu Ofanana

II Ală Bơtau 16:7

Ahas sồr cau lòt tus hơ Tilglat Pileser bơtau Asiri, mơ đơs mơ khai lah: “Añ la cau dĭ gơna bơtau, la kòn klau bơtau dê; lòt tus tĕ dong tă añ klàs bơh tê bơtau Aram mơ bơtau Israel neh brồ lơh añ.”

Esai 10:3

Ñchi bol mê rơp lơh tòm ngai lơh glài, tòm bơta rung rài rơp tus bơh tiah ngài taih? Bol mê rơp ntoat dô tus hơ ñcau nàng geh dong kòl taih? Ntềng đah bol mê rơp prap lòi phan mơna bol mê dê taih?

Esai 13:8

Bol khai rơp rngòt rngơt, bơta jê sồt oă ngan rơp kup geh bol khai; bol khai kong jê sồt be cau ùr jê deh. Bol khai rơp sền rmê bal mơ gơp muh mat bol khai be ồs hơng.

Esai 21:3

Gen tàng but añ jê sồt ngan, ală bơta jê neh gơrwàng añ, kung be bơta jê deh cau ùr dê; añ kun tơmù gen tàng añ ò rgơi kơno, Añ rngòt rngơt gen tàng añ ò rgơi gŏ!

Jeremi 2:25

Kơrmap gàr tĕ jơng mê bañ lòt jơng gòi, Mơ ngko rnồng mê bañ tơhìr! Mơya mê đơs lah: ‘Hơ̆ la ò gơs gơn kơnòm! Bơh añ neh kòñ gơboh ală cau crih mat, Mơ añ rơp jat bol khai.’

Jeremi 22:23

Mê la cau ơm tòm Liban lơh rsòn tòm chi pơnggŏ ne, Ngan mê rơp rơnđơh tòm tŭ bơta jê sồt tus hơđang mê, Jê sồt kung be cau ùr jê deh.”

Jeremi 30:6

Lòt sền tĕ, lùp tĕ Di ngan cau klau deh kòn sơl? Ñchi bơh tài Añ gŏ kòp nă cau klau gen ai tê he ơn di but he tòm toh be cau ùr jê deh taih? Ñchi bơh tài muh mat cau lơi kung pàl lơm?

Jeremi 38:22

‘Jơh ală cau ùr gam wơl tòm gơlang bơtau Juda rơp kong cèng tus mơ ală kwang at bồ bơtau Babilôn dê; ală cau ùr hơ̆ rơp đơs mơ bơtau lah: Ală cau bơyô đềt mềr bơtau dê Neh pơrlồm pơndòm mơ geh pha; Do, jơng bơtau neh kram tòm bŏ, Gen bol khai sang lòi bơtau.’

Jeremi 4:30

Ai ai, ơ cau kong sang lòi. Ñchi ai kòñ soh ào dà gur, bơka să mơ màh, Ai dà cih pih mat nàng dờng ơnàng taih? Lơh he in gơlik hàng mơnĕ, kung la ò kwơ; Cau kòñ gơboh ai sền ai òsơp, bol khai kòñ tă bơta kis ai.

Jeremi 4:31

Bơh añ kơno jơnau rơnđơh, gơlơh be cau ùr jê deh, Sap ñìm nggà kung be sap cau ùr deh kòn dơ̆ sơnròp. Hơ̆ la sap ñìm ală kòn ùr Siôn dê, tă nhơm bòl, pò tơlik tê khai dê: “Dồn sa añ in! Añ neh chơt kơng di đap ală cau tơnchơt cau!”

Jeremi 48:41

Keriôt kong alah, Ală theng kơ̆ cê kong tòmpìt rau; Tòm ngai hơ̆, nùs ală cau pràn kơldang Môap dê Gơlik gơs kung be nùs cau ùr jê deh.

Jeremi 5:31

Ală cau gơnoar hwơr đơs hwơr blac, Ală cau gơnoar ơn phan duh khoai jat jơnau gơnoar sồr cau gơnoar hwơr! Làng bol Añ kòñ gơs bơta behơ̆ sơl. Mơya ñchi bol mê rơp lơh tòm tŭ lồi dut tus taih?”

Jeremi 6:24

“Bol he neh kơno jơnau yal bơh bol khai, Tê bol hi gơrung ò gơs bơta dong kòl; Bơta jê sồt sơmbat kup bol hi, Bơta jê sồt be dô nă cau ùr deh kòn.

Ejekiel 28:9

Mê gam khin đơs lah: “Añ la dô nă yàng,” di đap mat ală cau tơnchơt mê sơl ơ? Bulah mê be lơi mơya mê la dô nă kòn mơnus ò di la yàng, tòm tŭ mê ơm tòm tê ală cau lơh mê in jê sồt.

Mathiơ 24:8

Mơya jơh ală bơta hơ̆ mìng la bồ dà bơta jê sồt be cau jê deh.

I Tesalônika 5:3

Tòm tŭ cau đơs: “Ring lơngai mơ lơngap lơngai,” gen bơta tơnroh nisơna tus hơđang bol khai be bơta jê deh gơtơntus cau ùr bun in, mơ bol khai ngan ò geh pleh klàs ò.