Jeremi 13:18 - Sră Goh 2018

¹⁸ Đơs tĕ mơ bơtau mơ mè bơtau dê lah: “Nggui tĕ tòm tiah liah; Bơh sơgơn bơtau hàng mơnĕ, neh gơdùh bơh bồ bol mê dê rau.”

Jeremi 13:18 Mawu Ofanana

II Ală Bơtau 24:12

Gen Jehôyakin, bơtau Juda, jào să tòm khai bơtau Babilôn in, bal mơ mè khai, ală dĭ gơna khai, ală kwang at bồ ling, mơ ală kwang kơndời khai dê. Bơtau Babilôn kup khai cèng jàm tòm nam dơ̆ phàm rài Bơtau Babilôn at bồ.

II Ală Bơtau 24:15

Khai cèng Jehôyakin tus hơ Babilôn; mè bơtau, ală bau ùr bơtau, ală cau kwang, ală cau jak chài tòm lơgar dê, khai kup cèng jơh hơ Babilôn.

II Yal Yau 33:12

Tòm bơta bòl glar kalke khai dê, khai jòi jat bơta nđàc sơngit Jehôwa Yàng Tom Trồ khai dê mơ jơh nùs tơnliah să khai di đap Yàng Tom Trồ ală ồng pàng khai dê.

II Yal Yau 33:19

Jơnau hòi dan khai dê mơ mbe Yàng Tom Trồ neh dòp jơnau khai rac dan, kung be jơh ală bơta tồi glài ò dòn song khai dê, mơ ală tiah jơnhoa duh khoai mơ khai neh bơt mơ bơtào ală jrong duh khoai mơ ală rùp ràk Asera lài mơ tŭ khai tơnliah să tòm khai dê, jơh ală bơta hơ̆ neh geh cih tòm sră yal broă ală cau gơnoar git lài dê.

II Yal Yau 33:23

Mơya khai ò tơnliah să khai di đap Yàng Jehôwa kung be bèp khai neh lơh; mơya tòm bơta do Ammôn sơlo tìs glài bơtơl tai.

Lik Ejiptơ 10:3

Gen Arôn mơ Môise lòt tus hơ Pharaôn mơ đơs lah: “Yàng Jehôwa la Yàng Tom Trồ làng bol Hebrơ dê neh đơs be do: ‘Mê ò tơnliah să di đap Añ jơl tus di tŭ lơi taih? Lòi tĕ làng bol Añ jê lik lòt nàng bol khai duh khoai Añ.

Lik Ejiptơ 39:28

bal mơ chèo pùt bồ mơ bài che dơmài lơbơn, ală che kơt di bồ mơ bài che dơmài, mơ ală ồi ào soh tòm dơlam mơ bài che dơmài lơbơn.

Jơnau Pơnđik 27:24

Bơh bơta pas sơm ò gam gơs sùm sùm, mơ sơgơn bơtau gam gơs jơl sùm sùm ơ?

Esai 3:20

ală sơgơn, ală che rơnjài jơng mơ ồi kơt but; ală khàr mơñà ƀô, mơ ală phan sơmpô să hàng mơnĕ,

Esai 3:26

Ală mpồng Siôn dê rơp ñìm rac mơ pơt wòl; Khai rơp be dô nă cau ùr nggui tòm ù ngềt ngơt.

Esai 47:1

Ơ kòn ơruh dềt Babilôn dê, mù tĕ nggui tòm thul ơmul! Ơ kòn ùr cau Kalde, mù nggui tĕ tòm ù, ò gơs sơbàn! Bơh ai rơp ò tai geh sơnđan la lơbơn mơ hàng mơnĕ tai.

Jeremi 22:24

Yàng Jehôwa đơs: “Ngan kung be Añ gam kis sùm, bulah Jekônia, kòn klau Jehôyakim, bơtau Juda, la sơmbiat ƀang kì hơđang tê ma Añ, Añ kung rơp tă sơmbrơt mê.

Jeremi 22:26

Añ rơp bơtrơh mê bal mơ mè neh deh mê tus tòm dô nơm lơgar ndai, ò di la tiah neh deh mê, mơ mê rơp chơt tềng hơ̆.

Jeremi 29:2

tơnơ̆ mơ tŭ Jekônia, mè cau bơtau, kwang kơndời, ală kwang dờng at bồ Juda mơ Jerusalem dê, cau chài lơh broă mơ cau chài tiar neh lik lòt ngài bơh Jerusalem rau.

Jeremi 36:16

Mơya, tòm tŭ bol khai kơno jơh ală jơnau, gen rngòt sền di gơp, mơ đơs mơ Baruk lah: “Bol hi ngan pal cèng ală jơnau yal cau bơtau in.”

Ñìm Rac 1:6

Bơta ryŭ ryơm bơh kòn ùr Siôn dê neh gơkòl cah is bơh khai. Ală kwang at bồ khai dê kung be mpồl jùn jòi ò bàn ƀlàng ñhơt, bol khai dô ò gơs pràn di đap cau ting jat.

Ñìm Rac 1:9

Bơta ƀơ̆ ƀơl khai dê gơ ơm tòm ồi mbơn khai; khai ò kơlôi sơnơng bơh ngai tơnơ̆ khai dê! Bơta gơpừ khai dê rngòt rngơt ngan, ò gơs cau lơi pơndòm pơniang khai. “Ơ Yàng Jehôwa, dan wèt sền di bơta bòl glar jê sồt añ jê, bơh cau sò tơm neh geh pha lin rlau.”

Ñìm Rac 2:10

Ală cau kwang kra kòn ùr Siôn dê ơm nggui mŏ mŏ tòm ù; Bol khai tuh thul hơđang bồ, mơ soh ƀào sơnò kiat. Ală kòn ơruh Jerusalem dê kun bồ bol khai tus tòm ù.

Ñìm Rac 5:16

Sơgơn bơtau dùh bơh bồ bol hi, Bòl glar bol hi in, bơh bol hi neh tìs glài!

Ejekiel 16:12

Añ ơn dô nơm sơmbiat di muh ai, blo bơno di tồr ai, mơ tơndau dô nơm sơgơn hàng mơnĕ hơđang bồ ai.

Ejekiel 21:26

Jehôwa Yàng Tom Trồ đơs be do: ‘Hồ tĕ chèo pùt bồ, tă tĕ sơgơn bơtau. Ală bơta rơp ò gam wơl be lài òr! Cau liah hơđơm rơp geh yò tơngguh hơđang mơ cau neh geh yò hơđang rơp kong tơnliah hơđơm.

Ejekiel 24:17

Rac ròc òm mơya ò di dờng jơnau, ò ñìm bơh cau chơt in. Pùt chèo di bồ mê mơ jă khŏ di jơng; bañ cang sơnò tềp hala sa piang lă cau còp iang.”

Ejekiel 24:23

Bol mê rơp kư̆ lòi tơn chèo neh pùt hơđang bồ mơ gơltau jă neh jă di jơng bol mê dê. Bol mê rơp ò rac ròc hala ñìm, mơya bol mê rơp siar roh tài bơh tồi glài bol mê dê mơ rơnđơh bal mơ gơp.

Ejekiel 44:18

Bol khai pal pùt ală chèo mơ bài che dơmài gùt dar bồ bol khai dê, mơ ồi ào dơlam mơ che dơmài gùt dar but bol khai dê. Bol khai ò di soh phan lơi lơh bol khai in gơlik kơlhề.

Daniel 5:20

Mơya, tòm tŭ khai yò is să khai mơ nùs khai gơlik kră kơldang bơh bơta pơnhừ să, gen khai kòl tă tơlik bơh di sơbàn bơtau khai dê mơ roh jơh bơta gơklŏ.

Jôna 3:6

Tòm tŭ bơtau Ninibe kơno jơnau hơ̆, khai ñă bơh hơđang sơbàn khai dê, hồ ào jrùh cau bơtau dê, soh ƀào sơnò kiat mơ nggui tòm bùh.

Mathiơ 18:4

Behơ̆ cau lơi pơndêt să be kơnòm dềt do, gen khai la dờng màng rlau tòm lơgar đang trồ.

Jakơ 4:10

Tơnliah tĕ să he di đap Yàng, gen Kơnràñ rơp yò tơngguh oh mi.

I Pier 5:6

Behơ̆ gen tơnliah tĕ să he hơđơm tê gơnap gơnoar Yàng Tom Trồ dê, nàng di di tơngai Kơnràñ rơp yò tơngguh oh mi.