Jeremi 13:17 - Sră Goh 2018

¹⁷ Mơya dilah bol mê ò bài iat, Hwềng soàn añ rơp ñìm òm bơh bơta jòng să bol mê dê. Mat añ rơp ñìm rac sràt bơtang, mơ dà mat añ gơhòr sùm, Bơh mpồl belàt Yàng Jehôwa dê neh kong kup cèng gơs dĭ.

Jeremi 13:17 Mawu Ofanana

Đơs Crih 119:136

Añ hòr dà mat oă ngan, Tài bơh kòn mơnus ò bài prap gàr bơta boh lam Yàng dê.

Đơs Crih 80:1

Ơ Bơtau ê gàr Israel, la Bơtau tề lam Jakôp be mpồl belàt, Dan ai tồr iat! Ơ Bơtau ơm hơđang sơbàn, digùl ală ceruƀim, dan Kơnràñ pơnđàng sòl.

Esai 63:11

Gen bol khai kah wơl ală ngai yau òr, bơh Môise la cau duh broă Kơnràñ dê. Ntềng đah Bơtau neh cèng bol khai tiă lik bơh dàlềng cau ê bal mơ mpồl belàt Kơnràñ dê taih? Ntềng đah Bơtau neh ơn tòm bol khai Hwềng Goh Kơnràñ dê taih?

Jeremi 14:17

Mê yal tĕ bol khai in jơnau do: “Lòi mat añ gơhòr dà mat mang mơ ngai ò dơh; Bơh kòn ơruh làng bol añ jê kong pù lơh lề lac, Sồt rmàñ kơnjơ̆ ngan.

Jeremi 15:17

Añ ò nggui tòm mpồl cau ñŏ kơnhơl, Kung ò lơh añ in hòn chò; Añ nggui is dô nă bơh tê kơnjơ̆ Kơnràñ ơn hơđang añ; bơh Kơnràñ neh tơmbềng añ mơ bơta gơjrañ.

Jeremi 17:16

Ai añ, añ ò sang gơnoar broă ê gàr tòm bơta duh broă Kơnràñ. Añ kung ò kơp gơn tơngai bòl glar, Kơnràñ ngan neh git. Jơnau lik bơh bơr añ jê.

Jeremi 22:5

Yàng Jehôwa đơs: Mơya dilah bol mê ò bài iat jơnau do, Añ srat să mơ să tòm Añ lah, hìu do rơp gơlik tiah lòi srau.’

Jeremi 23:1

“Bòl glar ngan ală cau ê la cau tơnroh mơ lơh gơprah mpồl belàt tòm ƀlàng ñhơt Añ jê.

Jeremi 23:2

Behơ̆ gen, gơwèt hơ ală cau ê gàr làng bol Kơnràñ, gen Jehôwa Yàng Tom Trồ Israel dê đơs be do: ‘Bol mê la ală cau lơh nrah nring mpồl belàt la làng bol Añ jê mơ neh bơtrơh bol gơ, ò kơlôi rcang bơh bol gơ. Añ rơp lơh glài bol mê bơh ală broă iơh bol mê neh lơh,’ Yàng Jehôwa đơs behơ̆.

Jeremi 9:1

Ôih! Kơp kòñ bồ añ la dô nơm croh dà, Mat añ la dô nơm tồ dà cat dà mat! Nàng añ in ñìm sùm mang mơ ngai Bơh làng bol añ jê gơkòl tơnchơt.

Ñìm Rac 1:16

Behơ̆ tàng añ ñìm rac; mat añ gơhòr dà mat; Bơh cau pơndòm pơniang neh ngài bơh añ, ò gơs cau lơi ai wơl bơta khin cha añ in. Kòn sau añ kong ơm is, bơh cau sò tơm neh pha rlau.

Ñìm Rac 1:2

Khai ñìm rac sràt bơtang tòm trồ mang, dà mat hòr hơđang tơrmồ khai dê. Digùl ală cau khai kòñ gơboh ò gơs cau lơi pơndòm pơniang khai. Jơh ală cau bơyô khai dê tòmdră wơl mơ khai, bol khai gơlik gơs ală cau sò tơm khai dê.

Ñìm Rac 1:9

Bơta ƀơ̆ ƀơl khai dê gơ ơm tòm ồi mbơn khai; khai ò kơlôi sơnơng bơh ngai tơnơ̆ khai dê! Bơta gơpừ khai dê rngòt rngơt ngan, ò gơs cau lơi pơndòm pơniang khai. “Ơ Yàng Jehôwa, dan wèt sền di bơta bòl glar jê sồt añ jê, bơh cau sò tơm neh geh pha lin rlau.”

Ñìm Rac 2:18

Driau dờng tĕ tus hơ Yàng Jehôwa, Ơ dơrñang kòn ùr Siôn dê, lòi dà mat gơhòr be hiòng hòr pràn ngai mơ mang. Să tòm ai bañ ơm rlô; mat ai ò ơm dơh wơl.

Ñìm Rac 3:48

Mat añ gơhòr dà mat be hiòng, tài bơh bơta tơnroh làng bol añ jê.

Ejekiel 24:16

“Ơ kòn mơnus, do, nisơna Añ rơp tă bơh di mê bơta mơ mat mê kòñ gơboh; mê rơp ò moat jrùng mơ ñìm ƀồc, rơp ò lòi dà mat gơhòr.

Ejekiel 34:31

Bol mê la belàt Añ jê, la belàt ƀlàng ñhơt Añ jê, mơ Añ la Yàng Tom Trồ bol mê dê,’ Jehôwa Yàng Tom Trồ đơs behơ̆.”

Ejekiel 36:38

Be mpồl belàt lơh gơs phan ơn pơdơng, be mpồl belàt tòm Jerusalem tòm ală ngai pơjum sa neh lơh nền gơ dê, behơ̆ ală ƀòn dờng tơrlah tơrlơm rơp geh bềng lìu ală mpồl làng bol. Gen bol khai rơp git Añ la Yàng Jehôwa.’”

Ejekiel 9:4

mơ đơs mơ khai lah: “Lòt làm tĕ tòm ƀòn dờng Jerusalem mơ lơh dô nơm tềl hơđang bìng liang ală cau ñìm rac mơ pơt wòl bơh ală bơta cù kìr neh lơh gơs tềng hơ̆.”

Malaci 2:2

Yàng Jehôwa Gơnap Gơnoar Dờng Làm Jơh đơs lah: “Dilah bol mê ò iat, mơ ò ai nùs ki ngàm di sơnđan gơklŏ Añ jê, gen Añ rơp tơndùh dô bơta srat sơntơm hơđang bol mê, mơ Añ rơp srat sơntơm ală bơta lơngai lơngò bol mê dê. Ngan Añ neh srat sơntơm rau, tài bơh bol mê ò ơn nùs duh rngòt di Añ.

I Samuel 15:11

“Añ wòl să bơh neh bơtào Sol lơh gơs bơtau at bồ, tài bơh khai neh pơrlac sang Añ mơ ò lơh gơlik gơs jat be jơnau Añ neh sồr khai.” Samuel gơjrañ ngan, khai rac dan mơ Yàng Jehôwa jơh mang.

I Samuel 15:35

Samuel ò tìp Sol tai jơl tus di ngai khai chơt, mơya Samuel ñìm rac bơh Sol. Mơ Yàng Jehôwa moat jrùng bơh neh bơtào Sol gơs bơtau at bồ Israel.