Jeremi 13:16 - Sră Goh 2018

¹⁶ Ơn tĕ bơta gơklŏ Jehôwa Yàng Tom Trồ bol mê in, Lài mơ tŭ Kơnràñ òhềt sồr bơta klam jơngo tus, Lài mơ tŭ jơng bol mê òhềt gơtup hơđang ală mơnơm tŭ trồ mòr jơngo. Tŭ bol mê gơn bơta àng, Mơya Kơnràñ rơp tòmgơl gơ gơlik gơs mƀur bơta chơt, Gơlik gơs mƀur jơngo cik.

Jeremi 13:16 Mawu Ofanana

Sră Jop 3:5

Lòi bơta jơngo mơ klam cik hòi gơ, Lòi puk mhwal jơm ndơp gơ, Lòi bơta klam jơngo jù cik tơn iu gơ.

Đơs Crih 107:10

Cau ƀà ơm tòm bơta jơngo mơ mƀur klam cik, cau ơm jàm tòm bơta jê sồt bòl glar mơ tòm che sreng lòs.

Đơs Crih 107:14

Kơnràñ tă tơlik bol khai klàs bơh bơta jơngo mơ mƀur klam cik, Kung dơrkă gơltac che sreng neh kơt bol khai.

Đơs Crih 29:2

Jòng ro tĕ Yàng Jehôwa bơh bơta gơklŏ sơnđan Kơnràñ dê; duh khoai tĕ Yàng Jehôwa tòm bơta sàng goh ryŭ ryơm.

Đơs Crih 44:19

Bulah behơ̆, Yàng neh lơh bol hi in lề lac tòm tiah so brê ơm, Ơn bol hi tòm bơta klam jơngo cik.

Lik Ejiptơ 10:21

Gen Yàng Jehôwa đơs mơ Môise lah: “Pò tĕ tê mê dê hơđang trồ, tồ bơta klam jơngo gơ jơm gòm làm jơh Ejiptơ, dô bơta klam jơngo cau rgơi ƀư git.”

Jơnau Pơnđik 4:19

Ai gùng cau iơh bơsak dê la kung be bơta klam jơngo cik, Bol khai ò git bol khai gơtup pừ tài bơh ñchi lơi.

Cau Bơto 11:8

Dilah dô nă cau geh kis jŏ sơnam, gen chò hòp tĕ wil tơl tòm ală sơnam hơ̆; mơya kung kah tĕ lah klam jơngo kung gam oă. Mơ ală bơta lơi gơlik tus la roh lơm.

Esai 5:30

Tòm ngai hơ̆, bol khai rơp driau dờng tòmdră mơ gơ ò gơkrơi be nggồr dàlềng. Mơ dilah gơs cau sền tòm lơgar, mìng gŏ klam jơngo mơ bòl glar; bulah bơta àng kung rơp gơlik jơngo bơh ală puk mhwal.

Esai 59:10

Bol he tơbư rò gah dơrñang kung be cau jơngo mat; jòi gùng bol he dê kung be ală cau ò gơs gar mat. Di trồ gùl ngai bol he gơtup jơng kung be tòm trồ mòr mang; digùl cau pràn kơldang mơ bol he kung be cau neh chơt.

Esai 59:9

Behơ̆, bơta cahrña song neh ơm ngài mơ bol he, mơ bơta song ring ò tus mơ bol he. Bol he kơp gơn bơta àng mơya jơh ală bơta la klam jơngo; jòi jat bơta àng lơr mơya bol he lòt tòm bơta klam cik.

Esai 60:2

Bơh bơta jơngo rơp jơm gòm plai ù, bơta klam jơngo cik ală làng bol dê; mơya Yàng Jehôwa rơp pơnđàng sòl hơđang mê, mơ bơta gơklŏ Kơnràñ dê rơp tơlik să hơđang mê.

Esai 8:22

hala bol khai rơp sền di ù, mơya mìng gŏ bơta jê sồt bòl glar mơ klam jơngo mơ bơta rngòt rngơt, mơ bol khai rơp kong bơtrơh tơmut tòm bơta klam jơngo cik.

Jeremi 14:19

Ngan, Kơnràñ neh sang jơh Juda ơ? Nùs Kơnràñ neh gơjrañ mañ di Siôn ơ? Ñchi bơh tài Kơnràñ pù lơh bol hi, tian gơs ò sơm bol hi in taih? Bol hi kơp gơn bơta lơngai mơ geh bơta iơh; Kơp gơn tŭ tơngai sơmbòi, mơya tìp bơta rngòt rơm să.

Jeremi 2:6

Bol khai ò tŭ lơi lùp: ‘Ntềng đah Yàng Jehôwa taih? La Bơtau neh cèng bol hi lik bơh lơgar Ejiptơ, Bơtau neh lam bol hi tòm ƀlàng ngềt ngơt, Tòm dô bă tiah ƀlàng bràs mơ ală trồm tơrluh, Tòm dô bă tiah ro rañ mơ klam jơngo cik, Tòm dô bă tiah ò gơs dô nă cau lơi lòt gan, tiah ò gơs dô nă cau lơi ơm?’

Jeremi 23:12

Gen tàng gùng bol khai Rơp kung be tiah ntiar tòm klam jơngo, Rơp kong bơtrơh mơ gơtup gơpừ, Bơh Añ rơp tơndùh bơta rung rài hơđang bol khai, Di sơnam lơh glài bol khai dê.” Yàng Jehôwa đơs behơ̆.

Jeremi 4:23

Añ sền di ù tiah, ne, gơ la roh lơm mơ brong gòi; mơ sền hơ ală tap trồ, gen ò gơs bơta àng.

Jeremi 50:6

Làng bol Añ jê ngan la dô mpồl belàt tìs nrah; ală cau ê lam bol gơ tìs gùng, wĕ bol gơ lòt ngài hơđang ală mơnơm, lòt bơh mơnơm tus di dòr, bol gơ hŭi mpồl bol gơ dê.

Jeremi 6:21

Gen tàng Yàng Jehôwa đơs be do: “Ne, Añ rơp ơn di đap làng bol do; Pơnai lŭ gơtup pừ tòmdră lơh bol khai in gơtup pừ. Mè bèp mơ ală kòn dô bă bal; Cau gơp ƀòn mơ cau bơyô gen roh rui.”

Jeremi 8:15

Bol he kơp kòñ bơta lơngap lơngai, Mơya jòi bàn bơta ò niam; Kơp gơn tŭ tơngai sơmbòi, Mơya bơta rngòt rngơt tus.

Ñìm Rac 4:17

Mat bol hi lơgah lơgañ gơn bơta dong kòl ò kwơ! Bol hi kơp gơn ngac ngar hơ dô làng bol ò rgơi dong klàs.

Ejekiel 21:15

Gen tàng ală nùs lề lac, mơ gơs oă cau rơp gơpừ. Añ neh ơn đào sreh tơnchơt di jơh ală mpồng mut tòm ƀòn bol khai dê. Ơ hơh! Đào neh tiar gơcrà be puhlèp, gơ neh cau at nàng sreh tơnchơt.

Ejekiel 34:12

Be cau ê lòt jòi mpồl belàt khai dê, tòm tŭ bol khai neh ơm digùl ală belàt nrah nring khai dê, behơ̆ Añ rơp lòt jòi mpồl belàt Añ jê. Añ rơp dong tă bol gơ bơh di jơh ală tiah bol gơ neh lòt nrah nring tòm dô ngai gơs mhwal mơ jơngo cik.

Ejekiel 36:15

Añ rơp ò tŭ lơi lòi mê kơno ală jơnau lah sơrpah ală lơgar dê tai; mê rơp ò gam kong bơta bơtat bơtròh ală làng bol dê tai, mơ ò tai lơh lơgar mê dê gơkòl tơnroh, Jehôwa Yàng Tom Trồ đơs behơ̆.”

Jôel 2:2

Dô ngai klam jơngo, mơ ngềt ngơt, dô ngai bềng mhwal mơ jơngo cik. Be bơta jơngo jù cik gòm hơđang ală mơnơm, dô mpồl ling dờng mơ pràn kơldang lòt tus; bơta behơ̆ bơh rài yau òhềt tŭ lơi gơs, mơ kung rơp ò tŭ lơi gơs behơ̆ tòm rài tơnơ̆ rơp tus sơl.

Amôs 4:13

Kơnràñ la Bơtau neh lơh gơs ală mơnơm, neh crơng gơs càl mơ yal tơlik bơta kơlôi sơnơng Kơnràñ dê kòn mơnus in, la Bơtau neh lơh àng drim gơlik klam jơngo, mơ cơnđòa lòt hơđang ală tiah jòng ù dê; Jehôwa Yàng Tom Trồ Gơnap Gơnoar Dờng Làm Jơh la sơnđan Kơnràñ.

Amôs 5:18

“Bòl glar ngan bol mê in la cau kơp gơn ngai Yàng Jehôwa dê! Ñchi bơh tài bol mê kơp gơn ngai Yàng Jehôwa dê taih? Ngai hơ̆ rơp la klam jơngo, ò gơs bơta àng;

Malaci 2:2

Yàng Jehôwa Gơnap Gơnoar Dờng Làm Jơh đơs lah: “Dilah bol mê ò iat, mơ ò ai nùs ki ngàm di sơnđan gơklŏ Añ jê, gen Añ rơp tơndùh dô bơta srat sơntơm hơđang bol mê, mơ Añ rơp srat sơntơm ală bơta lơngai lơngò bol mê dê. Ngan Añ neh srat sơntơm rau, tài bơh bol mê ò ơn nùs duh rngòt di Añ.

Jang 12:35

Yàng Jesu ho lah: “Bơta àng gam ơm digùl bol mê dô êt jŏ tai. Lòt tĕ tòm tŭ bol mê gam gơs bơta àng, rngòt bơta klam jơngo nisơna jơm gòm bol mê mòn; Cau lơi lòt tòm bơta klam jơngo gen ò git he lòt tiah lơi.

Jôsue 7:19

Gen Jôsue đơs mơ Akan lah: “Ơ kòn klau añ jê, lơh gơklŏ tĕ Jehôwa Yàng Tom Trồ Israel dê, mơ yal glài tĕ mơ Kơnràñ; tŭ do yal tĕ añ in ñchi mê neh lơh, bañ pồn bơta hơ̆ bơh di añ.”

I Pier 2:8

mơ la “Dô nơm pơnai lŭ gơtup jơng, Dô nơm pơnai lŭ lơh gơtup tìs.” Bol khai gơtup jơng tài bơh ò dòn jat jơnau Yàng, jat be bơta neh lơh nền lài bol khai in rau.

I Samuel 6:5

Behơ̆ lơh tĕ ală rùp kòp pluh as bal mơ ală rùp đe neh tơnroh ƀòn lơgar, mơ ai bơta gơklŏ Yàng Israel in. Digơlan Kơnràñ rơp lơh nggòc tê Kơnràñ dê hơđang bol mê mơ hơđang ală yàng bol mê dê mơ lơgar bol mê dê.