Jeremi 13:11 - Sră Goh 2018

¹¹ Yàng Jehôwa đơs: “Kung be dô nơm che but gơđềt di but cau, gen Añ lơh jơh hìu Israel mơ jơh hìu Juda gơđềt mơ Añ kung behơ̆, nàng bol khai lơh gơs dô làng bol Añ, dô sơnđan, dô bơta jòng ro, mơ dô bơta gơklŏ Añ in, mơya bol khai ò bài iat.

Jeremi 13:11 Mawu Ofanana

Đơs Crih 135:4

Bơh Yàng Jehôwa neh sac rwah Jakôp Kơnràñ in, Sac rwah làng bol Israel lơh gơs sre brê Kơnràñ dê.

Đơs Crih 147:20

Kơnràñ ò lơh behơ̆ mơ làng bol lơi ndai ò, Bol khai ò git gơnoar sồr Kơnràñ dê. Jòng ro Yàng Jehôwa!

Đơs Crih 81:11

Mơya làng bol Añ jê ò iat jơnau Añ; Israel ò bài gơs pơnah lơi bal mơ Añ.

Esai 43:21

Hơ̆ la làng bol mơ Añ neh mòn gơs să tòm Añ in nàng bol khai rơp yal tơlik bơta jòng ro Añ.

Esai 62:12

Bol khai rơp geh sơnđan la “Làng bol Sàng Goh,” la “Ală Cau geh Dong Tơwài Yàng Jehôwa dê”; mơ ai rơp geh sơnđan la “Ƀòn Dờng Cau Jòi Bàn la Dô nơm Ƀòn Dờng Ò Kòl Sang Lòi tai.”

Jeremi 13:1

Yàng Jehôwa đơs mơ Añ be do: “Lòt tĕ blơi mê in dô nơm che but mơ bài che dơmài, kơt di but mê; mơya bañ tram gơtòm dà.”

Jeremi 13:10

Làng bol iơh do ò bài iat jơnau Añ, cơnđòa jat bơta kơldang nùs bol khai dê, jat ală yàng ndai duh broă mơ duh khoai bol gơ, gen rơp gơlik kung be che but do ò gam niam dô êt lơi.”

Jeremi 13:12

Mê pal yal bol khai in jơnau do: Jehôwa Yàng Tom Trồ Israel dê neh đơs lah: ‘Kòp nơm yang pal tơmbềng tơrnòm.’ Mơ bol khai rơp đơs mơ mê lah: ‘Mê kơlôi bol hi ò git ală gri pal tơmbềng tơrnòm ò ơ?’

Jeremi 19:15

“Yàng Jehôwa Gơnap Gơnoar, Yàng Tom Trồ Israel dê đơs be do: ‘Do, Añ rơp cèng bơta rung rài mơ Añ neh yal lài ƀòn dờng do in mơ ală ƀòn gơrê bal mơ gơ, bơh bol khai neh lơh ngko bol khai gơlik kơldang, ò bài iat ală jơnau Añ.’”

Jeremi 32:20

Kơnràñ neh lơh bơta krơi tềl is tòm Ejiptơ mơ kư̆ pơnjat lơh sùm jơl tus di ngai do, tòm Israel kung be digùl jơh kòn mơnus tòm dunnia, mơ Kơnràñ neh geh tiơng pơnro jơl tus di ngai do.

Jeremi 33:9

Gen ƀòn dờng do rơp gơlik gơs dô sơnđan chò hòp, jòng ro, gơklŏ Añ in ơm di đap ală làng bol tòm dunnia; ală làng bol hơ̆ rơp kơno bơh ală bơta niam Añ neh lơh bol khai in, gen rngòt rngơt mơ rơm să, tài bơh ală bơta lơngai lơngò bal mơ bơta bơtoah bơtoài mơ Añ neh ai làng bol Añ in.’

Jeremi 6:17

Añ kung neh bơtào ală cau kơp gàr bol mê in; ‘Ai tĕ tồr iat ntas kơlwòk!’ Mơya bol khai đơs lah: ‘Bol hi rơp ò ai tồr iat!’

Jeremi 7:13

Yàng Jehôwa đơs: ‘Mơ tŭ do, bơh bol mê neh lơh ală broă hơ̆, Añ neh guh gòñ bơh àng drim bơto sồr bol mê, mơya bol mê ò iat; mơ tòm tŭ Añ hòi bol mê, mơya bol mê ò ho wơl,

Jeremi 7:23

Mơya, gơnoar sồr do Añ neh ai bol khai: ‘Iat tĕ jơnau Añ, gen Añ rơp lơh gơs Yàng Tom Trồ bol mê dê, bol mê rơp lơh gơs làng bol Añ jê; mìng lòt tĕ tòm gùng dà Añ neh sồr bol mê, nàng bol mê in geh lơngai lơngò.’

Jeremi 7:24

Mơya bol khai ò dòn bơr, mơ ò ai tồr iat, kư̆ kơldang nùs tòm bơta iơh bơsak nùs kòñ bol khai dê, bol khai cơnđòa lòt tòm bơta kơlôi bơyai is bol khai dê, mơ tơnggòr hơ ngkòi, ò cơnđòa lòt hơđap.

Jeremi 7:26

Mơya bol khai ò iat Añ, ò ơn tồr kơno, mơya lơh ngko bol khai kră kơldang. Bol khai lơh bơta iơh rmơh oă rlau mơ ồng pàng bol khai neh lơh.”

Amôs 3:1

Ơ làng bol Israel, iat tĕ jơnau do, hơ̆ la jơnau Yàng Jehôwa neh đơs tòmdră mơ bol mê, tòmdră mơ jơh dô nơm hìu nhă mơ Añ neh cèng tơlik bơh lơgar Ejiptơ:

Luka 10:11

‘Tus di thul ƀòn dờng bol mê dê gơđềt di jơng bol hi, gen bol hi kung rtuh sơl nàng lơh cơng tơrwơl di bol mê; bulah behơ̆, pal git bơta do: lơgar Yàng Tom Trồ neh tus rềp mơ bol mê.’

Yal Wơl 26:18

Mơ Yàng Jehôwa neh yal tơlik tòm ngai do lah bol mê la làng bol Kơnràñ dê, la phan màng gơrê bal mơ Kơnràñ tòm toh jat be jơnau Kơnràñ neh ho bal, mơ bol mê pal prap gàr lơh jat jơh ală jơnau sồr Kơnràñ dê.

Yal Wơl 26:19

Kơnràñ neh yal tơlik lah Kơnràñ rơp lơh bol mê in geh jòng ro, geh tiơng pơnro mơ geh ki ngàm hơđang rlau mơ jơh ală làng bol mơ Kơnràñ neh lơh gơs, mơ bol mê rơp la dô nơm làng bol sàng goh Jehôwa Yàng Tom Trồ bol mê in tòm toh be Kơnràñ neh ho pơgon.

Yal Wơl 4:7

Bơh gơs làng bol dờng lơi ndai gơs dô nă yàng bol khai dê ơm rềp mơ bol khai be Jehôwa Yàng Tom Trồ bol he dê ơm rềp mơ bol he tòm tŭ bol he hòi dan mơ Kơnràñ sơl ơ?

I Pier 2:9

Mơya oh mi la jơi bơtiàn geh sac rwah, la cau gơnoar ơn phan duh khoai cau bơtau dê, la làng bol sàng goh, la làng bol is Yàng Tom Trồ dê, tồ oh mi in yal tơlik ală broă crih crài ngan Kơnràñ dê, la Bơtau neh hòi oh mi lik klàs bơh tiah klam jơngo mơ tus hơ tiah àng gơcrà krơi is Kơnràñ dê.