Jeremi 12:9 - Sră Goh 2018

⁹ Bơh sre brê Añ la be grơt jròk sa, gơs ală sềm sa poac gơrwàng gùt dar gơ ơ? Lòt tĕ pơjum ală jơi phan poan jơng wơl tòm brê, ai bol gơ in sa loan khai!

Jeremi 12:9 Mawu Ofanana

II Ală Bơtau 24:2

Yàng Jehôwa chồl ală mpồl ling Kalde, ling Aram, ling Môap, mơ ling Ammôn dê tus tòmlơh mơ tơnroh Juda, jat be jơnau Yàng Jehôwa neh đơs bơh di ală cau gơnoar hwơr, la dĭ gơna Kơnràñ dê.

Esai 2:11

Gar mat pơnhừ să làng bol dê rơp kong tơnliah, mơ bơta jòng să kòp nă cau dê rơp kòl tơmù; mìng Yàng Jehôwa rơp geh yò tơngguh hơđang, tòm ngai hơ̆.

Esai 2:12

Bơh Yàng Jehôwa Gơnap Gơnoar Dờng gơs dô ngai, tòmdră mơ jơh ală cau pơnhừ să mơ ală cau jòng să, mơ tòmdră mơ jơh ală cau yò tơngguh is să he;

Esai 56:9

Ơ ală phan poan jơng tòm ƀlàng, tus tĕ. Ơ ală phan poan jơng tòm brê, tus tĕ mơ sa loan!

Jeremi 15:3

Yàng Jehôwa đơs: “Añ rơp bơtào hơđang bol khai poan bơta rung rài: đào nàng tơnchơt, so nàng kap crè, sềm trồ mơ phan poan jơng hơđang ù nàng sa loan mơ tơnroh.

Jeremi 2:15

Ală klìu triă neh ơluh ơhùm tòmdră mơ khai, Bol gơ ơluh ơhùm dờng ngan, Mơ gơlơh ù tiah khai dê gơlik gơs ngềt ngơt. Ală ƀòn dờng khai gơkòl tơnroh gơprah, ò gơs cau ơm.

Jeremi 34:20

Añ rơp phi bol khai tòm tê cau sò tơm, cau kòñ lơh iơh di bơta kis bol khai; ƀồc chơt bol khai rơp lơh gơs phan sa sềm trồ mơ phan poan jơng tòm ù in.

Jeremi 7:33

Ală ƀồc làng bol do rơp lơh gơs phan sa ală sềm trồ mơ phan poan jơng tòm ù in, ò gơs cau lơi bơtrơh tơrngòt bol gơ.

Ñìm Rac 1:17

Siôn pò tơlik tê khai dê, mơya ò gơs cau pơndòm pơniang khai; Yàng Jehôwa neh ai gơnoar sồr tòmdră mơ Jakôp, hơ̆ la ală cau gơp ƀòn khai rơp gơlik gơs cau sò tơm khai dê; Jerusalem neh gơlik gơs dô nơm phan ngkòr ngkàc digùl bol khai.

Ejekiel 34:5

Behơ̆ bol gơ nrah nring tài bơh ò gơs cau ê; mơ tòm tŭ neh nrah nring gen bol gơ gơlik gơs phan sa jơh ală phan brê in.

Yal Tơlik 17:16

Jơt nơm ngke mơ mê neh gŏ hơ̆ bal mơ phan poan jơng rơp gơjrañ kơuềng di cau ùr dri tơlàr ne, lơh khai in ơm is, ơm kuh lòi rồ, sa poac khai dê mơ chu pơrguc khai tòm ồs.