Jeremi 12:7 - Sră Goh 2018

⁷ Añ neh sang hìu Añ; Neh sang lòi sre brê Añ; Neh jào phi làng bol mơ nùs Añ kòñ gơboh Tòm tê cau sò tơm khai dê.

Jeremi 12:7 Mawu Ofanana

II Ală Bơtau 21:14

Añ rơp tơnroh pơnah gam wơl bơh sre brê Añ jê, jào phi bol khai tòm tê cau sò tơm bol khai dê; bol khai rơp gơlik gơs phan pơndòm mơ phan kup geh ală cau sò tơm bol khai dê;

Đơs Crih 106:40

Tài bơh hơ̆ bơta gơjrañ dờng Yàng Jehôwa dê gơhào khuh mơ làng bol Kơnràñ dê, Kơnràñ cù kìr di bol khai la sre brê Kơnràñ dê.

Đơs Crih 78:62

Kơnràñ jào phi làng bol Kơnràñ dê kong tơnchơt mơ đào. Mơ gơhào gơjrañ dờng di sre brê Kơnràñ dê.

Esai 2:6

Yàng neh sang lòi làng bol Kơnràñ dê la hìu Jakôp, lơgar bềng lìu ală bơta juh proh bơh đah mattơngai lik, òs sền dà kung be cau Philistin, mơ at tê tòmsòr bal mơ ală cau làng bol bơdìh.

Jeremi 11:15

Gơs ñchi kwơ cau kòñ gơboh Añ jê tus tòm hìu Añ taih, tòm tŭ khai gam lơh bơta rềs àr taih? Gơs oă poac ơn pơdơng rgơi kơryan bơta rung rài bơh di mê sơl? Mơ mê rgơi hòn chò hừh hơh sơl ơ?

Jeremi 14:19

Ngan, Kơnràñ neh sang jơh Juda ơ? Nùs Kơnràñ neh gơjrañ mañ di Siôn ơ? Ñchi bơh tài Kơnràñ pù lơh bol hi, tian gơs ò sơm bol hi in taih? Bol hi kơp gơn bơta lơngai mơ geh bơta iơh; Kơp gơn tŭ tơngai sơmbòi, mơya tìp bơta rngòt rơm să.

Jeremi 17:4

Bơh broă lơh să tòm bol mê dê Bol mê rơp lơh roh sre brê Añ neh ai mê in; Añ rơp kup mê duh broă cau sò tơm mê Tòm dô nơm lơgar mơ mê òhềt git; Bơh tòm bơta gơjrañ Añ jê be ồs neh sing mơ rơp sa hơng sùm sùm.

Jeremi 22:5

Yàng Jehôwa đơs: Mơya dilah bol mê ò bài iat jơnau do, Añ srat să mơ să tòm Añ lah, hìu do rơp gơlik tiah lòi srau.’

Jeremi 23:33

“Dilah làng bol do, cau gơnoar hwơr hala cau gơnoar ơn phan duh khoai, lùp mê lah: ‘Ơnòng kơnjơ̆ Yàng Jehôwa dê la ñchi?’ Ho tĕ lah: ‘Ơnòng kơnjơ̆ hơ̆ la bol mê,’ Yàng Jehôwa đơs: ‘Añ rơp sang lòi bol mê.’

Jeremi 23:39

tài behơ̆, Añ rơp hŭi ngan bol mê; Añ rơp sang bol mê ngài bơh di Añ, mơ ƀòn Añ neh ai bol mê mơ ồng pàng bol mê in, ngài bơh di đap Añ.

Jeremi 51:5

Israel mơ Juda ò kòl sang lòi, Bơh Yàng Tom Trồ bol khai, la Yàng Jehôwa Gơnap Gơnoar; Bulah lơgar bol khai bềng tồi glài iơh bơsak, di đap Bơtau Sàng Goh Israel dê.

Jeremi 7:14

gen tàng Añ rơp lơh hìu do, hơ̆ la hìu geh hòi bơh sơnđan Añ, la hìu mơ bol mê gơn kơnòm, mơ tiah Añ neh ai bol mê in bal mơ ồng pàng bol mê in, kung be Añ neh lơh Silô.

Jeremi 7:29

Siat tĕ sŏ mơ sơrbì gơ ngài; Ai sap ñìm rac hơđang ală dòr kơlờl! Bơh Yàng Jehôwa neh pơndang sang mơ sang lòi jơi bơtiàn do, La jơi bơtiàn neh bơrcek bơta gơjrañ Kơnràñ dê.’”

Ejekiel 24:21

‘Đơs tĕ mơ hìu Israel: Jehôwa Yàng Tom Trồ đơs be do: Do, Añ rơp lơh ngkòr ngkàc tiah sàng goh Añ jê, bơta jòng să bơh gơnoar pràn mê dê, mat mê gơboh gơbài, la bơta nùs mê hàm kòñ. Ală kòn klau kòn ùr bol mê dê mơ bol mê neh lòi wơl bơh ngkòi rơp gơpừ bơh đào.

Sră Ôse 11:1

“Tòm tŭ Israel gam la cau kơnòm, Añ neh kòñ gơboh khai; Añ hòi kòn klau Añ jê lik bơh Ejiptơ.

Sră Ôse 9:15

Jơh ală bơta iơh bơsak bol khai dê sơntòm tòm Gilgal; tềng hơ̆ Añ tus nàng gơjrañ di bol khai. Tài bơh ală broă iơh bơsak bol khai neh lơh, Añ rơp ting bơtrơh bol khai lik bơh hìu Añ. Añ rơp ò kòñ gơboh dê bol khai tai; Jơh ală cau kwang at bồ bol khai dê la cau tòmdră.

Jôel 2:15

Uh tĕ kơlwòk tòm Siôn, yal tơnggit tĕ bơta ơt sa sàng goh, hòi jà tĕ dô bơta pơjum dờng màng.

Jôel 3:2

Añ rơp pơjum bal jơh ală làng bol, mơ cèng bol khai mù tòm thòng Jehôsaphat, Añ rơp cahrña bol khai tềng hơ̆, sơwì làng bol Añ jê mơ sre brê Añ jê cau Israel, tài bơh bol khai neh lơh nrah nring làng bol Israel digùl ală lơgar. Bol khai neh tòmpà ù tiah Añ jê,

Luka 21:24

Bol khai rơp gơplơ̆ hơđơm mat đào, gơkòl cau kup lơh dĭ digùl jơh ală làng bol, Jerusalem rơp gơkòl ală làng bol bơdìh jă trơm jơl tus di ală tŭ tơngai làng bol bơdìh dê geh wil tơl.

Yal Wơl 33:12

Bơh Benjamin khai neh đơs lah: “Dan lòi cau kòñ gơboh di Yàng Jehôwa ơm rlô ring lơngai, Yàng Tom Trồ Hơđang Rlau Jơh jơm gòm khai jơh ngai mang, cau kòñ gơboh geh rlô digùl pơnì Kơnràñ dê.”