Jeremi 12:11 - Sră Goh 2018

¹¹ Bol khai neh lơh gơ in gơlik tiah lòi srau, rhàng ngềt ngơt, Gơ pơt wòl di đap Añ. Jơh lơgar neh gơlik srau gòi, Mơya ò gơs cau lơi ơn nùs di gơ.

Jeremi 12:11 Mawu Ofanana

Cau Bơto 7:2

Lòt tus hơ hìu gơs cau chơt rlau mơ lòt tus hơ hìu yò sa dờng; bơh do la bơta lồi dut kòp nă cau dê; mơ cau kis rơp ơn gơtòm nùs.

Esai 42:25

Behơ̆ tàng Kơnràñ neh tuh hơđang bol khai bơta gơjrañ duh hơng Kơnràñ dê, la bơta gơhào gơjrañ bơta kơlìn dê. Gơ gơrwàng bol khai tòm ồs, mơya khai kung ò git wă; gơ chu pơrguc khai, mơya khai kung ò ơn nùs bơh bơta hơ̆.

Esai 57:1

Cau song ring chơt roh, ò gơs cau lơi ơn nùs kơlôi tus; Cau dòn duh kong tă tơlik, ò gơs cau lơi git wă lah cau song ring kong tă tơlik klàs bơh di bơta rung rài;

Jeremi 10:22

Iat tĕ, dô sap đơs! Iat tĕ, gơ neh tus, gơs bơta nggồr nggàc dờng tus bơh đah đang, lơh ală ƀòn Juda dê gơlik gơs tiah lòi srau, gơlik gơs trồm so rhau ơm.

Jeremi 10:25

Dan Kơnràñ tuh bơta gơjrañ dờng Kơnràñ dê hơđang ală lơgar ò git Kơnràñ, Mơ hơđang ală làng bol ò hòi dan dê sơnđan Kơnràñ. Bơh bol khai neh sa loan Jakôp, Mơ neh sa loan; Bol khai neh sa pơrguc Jakôp, mơ lòi srau gòi tiah ơm khai dê.

Jeremi 14:2

Juda ơm moat jrùng jê sồt, Ală mpồng ƀòn khai dê lơbơn òsô, Bol khai nggui jê sồt tòm ù; mơ sap nggà ñìm Jerusalem dê nggồr.

Jeremi 19:8

Añ rơp lơh ƀòn dờng do gơlik gơs dô nơm phan cau in dơñŏ tơnhial bơh ală bơta rung rài gơ dê.

Jeremi 23:10

Tòm lơgar bềng lìu ală cau rềs àr bơrnàn; Tài bơh bơta srat sơntơm gen ù tiah gơlik moat jrùng; Ală ƀlàng ñhơt tòm ƀlàng ngềt ngơt ro rañ. Cau gơnoar hwơr lòt jat gùng iơh, ngui gơnoar bol khai tòm bơta ò song ring;

Jeremi 25:11

Jơh lơgar do rơp gơlik gơs tiah sang lòi ngềt ngơt cù kìr, ală lơgar do rơp dòn duh bơtau Babilôn tòm poh jơt sơnam.’

Jeremi 4:20

Bơta rung rài ting bàn bơta rung rài, jơh tòm lơgar kong srau gòi; Nisơna ală sàl añ jê neh kong tơnroh, Ală bài kơrnìng añ jê gơcrè tòm dô ơthoa lơm!

Jeremi 4:27

Bơh Yàng Jehôwa đơs be do: “Jơh lơgar rơp kòl sang srau gòi, Mơya Añ ò tơnroh jơh.

Jeremi 4:28

Tài bơh hơ̆, ù do rơp moat jrùng ñìm ƀồc, mơ ală tap trồ hơđang gơlik jù cik; Bơh Añ neh đơs, Añ neh lơh nền, Añ rơp ò tòmgơl nùs, hala Añ kung ò tòmgơl jơnau.”

Jeremi 6:8

Ơ Jerusalem, dòp tĕ bơta bơto tơnggit, hala Añ rơp sang lòi ai tòm ngkòr ngkàc, Mơ lơh ai in gơlik gơs tiah rhàng srau, dô bă tiah ò gơs cau ơm.”

Jeremi 9:10

Añ rơp ñìm rac pơt wòl bơh ală mơnơm, mơ ñìm rac ròc moat jrùng bơh ƀlàng ñhơt ƀlàng ngềt ngơt dê, Tài bơh gơ neh kong sang lòi srau gòi, tian gơs ò gơs cau lơi lòt gan, mơ ò gam kơno sap kơnrồ, Sềm trồ bal mơ phan poan jơng neh dô lik jơh.

Jeremi 9:11

“Añ rơp lơh Jerusalem in gơlik gơs dô gơnru tơrlah tơrlơm, Trồm ơm so rhau dê; Mơ lơh ală ƀòn dờng Juda dê gơlik gơs tiah lòi srau, ò gơs cau ơm.”

Jeremi 9:9

Yàng Jehôwa đơs: “Añ rơp ò lơh glài bol khai bơh ală bơta hơ̆ ơ? mơ Añ rơp ò sal tê hơđang dô nơm lơgar behơ̆ ơ?”

Jôel 1:10

Ală ƀlàng sre gơkòl phà tơnroh, ù tiah rañ rsơh, kòi mbo gơkòl tơnroh, tơrnòm pa neh soat, mơ mơñà neh jơh.

Lebi 26:32

Añ rơp lơh lơgar gơlik gơs tiah sang lòi rhàng gòi, tian gơs ală cau sò tơm di bol mê ơm tềng hơ̆ kung ai lơh krơi ngan.

Sacari 7:5

“Lùp tĕ jơh làng bol tòm lơgar bal mơ ală cau gơnoar ơn phan duh khoai lah: ‘Tòm tŭ bol mê ơt sa mơ ñìm rac tòm kơnhai pram kơnhai poh neh poh jơt sơnam do rau, ngan sơl la tài bơh Añ mơ bol mê ơt sa hơ̆ sơl ơ?

Malaci 2:2

Yàng Jehôwa Gơnap Gơnoar Dờng Làm Jơh đơs lah: “Dilah bol mê ò iat, mơ ò ai nùs ki ngàm di sơnđan gơklŏ Añ jê, gen Añ rơp tơndùh dô bơta srat sơntơm hơđang bol mê, mơ Añ rơp srat sơntơm ală bơta lơngai lơngò bol mê dê. Ngan Añ neh srat sơntơm rau, tài bơh bol mê ò ơn nùs duh rngòt di Añ.

Rôma 8:22

Bơh bol he git lah ală phan tòm trồ tiah neh rac ròc mơ kong bòl glar jê sồt be bơta jê deh jơl tus di tŭ do;