Jeremi 11:6 - Sră Goh 2018

⁶ Mơ Yàng Jehôwa đơs mơ añ lah: “Yal tơlik tĕ ală jơnau do tòm ală ƀòn dờng Juda dê mơ tòm ală gùng Jerusalem dê lah: ‘Iat tĕ ală jơnau ho bal do mơ lơh jat.’

Jeremi 11:6 Mawu Ofanana

Đơs Crih 15:5

Khai ò ai càn jền nàng sa cồng, Ò dòp phan loă nàng lơh iơh di cau ò gơs glài. Cau lơi lơh ală bơta hơ̆, gen ò gơs tŭ lơi wañ lơnggơh.

Esai 58:1

“Driau dờng tĕ, bañ dơh wơl. Yò tơngguh tĕ sap mê dê be dô nơm kơlwòk. Yal tơnggit tĕ làng bol Añ in bơh bơta tòmdră bol khai dê, mơ hìu Jakôp in bơh ală bơta tồi glài bol khai dê.

Jeremi 19:2

mơ lòt tus tòm thòng kòn klau Hinôm, rềp gùng mut tòm Mpồng Ù Glah; tềng hơ̆, yal tĕ ală jơnau Añ rơp đơs mơ mê.

Jeremi 2:2

Lòt tĕ, mơ đơs di tồr làng bol Jerusalem in kơno lah: “Yàng Jehôwa đơs be do: ‘Añ gam kah nùs duh hul mê dê bơh tŭ gam kơnòm să, Nùs kòñ gơboh mi dê be dô nă ƀan pa rê hìu bau klau, Mbe mê neh jat Añ tòm ƀlàng ngềt ngơt, tòm ù tiah ò sih ò tam.

Jeremi 3:12

Lòt tĕ mơ yal tơnggit ală jơnau do wèt hơ đah đang lah: ‘Ơ Israel ò dòn song, rê wơl tĕ! Yàng Jehôwa đơs, Añ rơp ò sền di ai mơ muh mat gơjrañ tai, Bơh Añ jak nđàc sơngit; Añ ò prap bơta gơjrañ sùm sùm.’ Yàng Jehôwa đơs behơ̆.

Jeremi 7:2

“Ntào tĕ di đap mpồng hìu Yàng Jehôwa, mơ tềng hơ̆ yal tơlik tĕ jơnau do mơ đơs lah: ‘Iat tĕ jơnau Yàng Jehôwa dê, ơ jơh tơl nă bol mê la cau Juda, la ală cau mut bơh mpồng do nàng duh khoai Yàng Jehôwa.

Sacari 7:7

Ò di la ală jơnau Yàng Jehôwa neh kơnòm di ală cau gơnoar hwơr rài yau bơto yal tòm tŭ Jerusalem gơs ală cau ơm tòm gơ ơm tòm bơta pas sơm lơngap lơngai, bal mơ ală ƀòn gùt dar gơ, mơ tòm tŭ Negep mơ Sepelah gơs làng bol ơm ò ơ?’”

Jang 13:17

Dilah bol mê git ală bơta do mơ lơh jat, gen geh lơngai.

Rôma 2:13

bơh di đap Yàng Tom Trồ ò di cau kơno bơta boh lam la cau song ring ò, mơya cau lơh jat bơta boh lam gen geh kòp la song ring.

Yal Wơl 4:1

Ơ Israel, tŭ do iat tĕ ală bơta lơh nền mơ ală bơta boh lam mơ añ rơp bơto bol mê. Lơh jat ală bơta hơ̆ tồ bol mê geh kis mơ rgơi mut mơ dòp geh lơgar Jehôwa Yàng Tom Trồ ală ồng pàng bol mê dê ai bol mê in.

Yal Wơl 4:5

Sền tĕ, añ neh bơto bol mê in git ală bơta lơh nền mơ ală bơta boh lam mơ Jehôwa Yàng Tom Trồ añ jê neh sồr añ, tồ bol mê rgơi lơh jat tòm lơgar bol mê rơp mut mơ dòp lơh gơs sre brê.

Jakơ 1:22

Lơh jat tĕ jơnau Yàng, bañ mìng iat lơm mơ pơrlồm să he.