Jeremi 11:20 - Sră Goh 2018

²⁰ Khoai Yàng Jehôwa Gơnap Gơnoar! Kơnràñ cahrña dô bă song ring, sền sơwì nùs mơ dơngoh, Añ kòñ gŏ bơta Kơnràñ sal tê di bol khai, Bơh añ neh yal tơlik broă añ mơ Kơnràñ.

Jeremi 11:20 Mawu Ofanana

Sơnròp Gơlik Gơs 18:25

Ò gơs tŭ lơi Kơnràñ lơh behơ̆ ò, tơnroh tơn cau song ring bal mơ cau iơh bơsak, gen behơ̆ cau song ring kung be cau iơh bơsak sơl ơ? Ò, Kơnràñ ò gơs tŭ lơi lơh behơ̆ ò! Bơtau cahrña jơh dunnia ò di ò lơh bơta song ring sơl ơ?”

II Ală Bơtau 19:14

Ejekia dòp geh sră pơyoa bơh di tê cau kong sồr, gen sền. Gen, khai guh hơ hìu duh khoai Yàng Jehôwa, mơ pò sră pơyoa di đap Yàng Jehôwa.

I Yal Yau 28:9

Mơ mê, ơ Salômôn kòn klau añ jê, git tĕ Yàng Tom Trồ bèp mê dê, jơh nùs jơh dơngoh kơlôi ơn să duh broă Kơnràñ, bơh Yàng Jehôwa sền sơwì kòp nơm nùs mơ git wă kòp bơta kòñ lơh tòm ală bơta kơlôi sơnơng. Dilah kòn jòi jat Kơnràñ gen kòn rơp bàn Kơnràñ; mơya dilah kòn sang lòi Kơnràñ, Kơnràñ rơp sang lòi kòn sùm sùm.

I Yal Yau 29:17

Ơ Yàng Tom Trồ añ jê, añ git la Yàng sền sơwì nùs cau mơ niam nùs di bơta song ngan. Tòm bơta song ngan nùs añ jê, añ neh ơn dô bă khat gơboh jơh ală phan do. Mơ tŭ do añ neh sền gŏ làng bol Kơnràñ dê, la ală cau gơs mat tềng do hòn chò ơn Yàng in dô bă chò nùs.

Sră Jop 5:8

Ai añ, añ rơp jòi Yàng Tom Trồ, Añ rơp jào Kơnràñ in bơta gơrềng tus añ jê.

Đơs Crih 139:23

Ơ Yàng Tom Trồ, dan sền sơwì añ mơ git nùs añ jê! Dan lòng añ mơ git ală bơta kơlôi sơnơng añ jê!

Đơs Crih 35:2

Dan at khèl dờng mơ dềt, Mơ ñă ntào nàng dong kòl añ.

Đơs Crih 43:1

Ơ Yàng Tom Trồ, dan yal tơlik añ la cau ò gơs glài, Mơ dong tò jơnau gơrềng tus di añ gơwèt mơ làng bol ò duh rngòt; Dan dong tă añ bơh di cau blac pơrlồm mơ ò song ring.

Đơs Crih 57:1

Dan kòñ nđàc di añ; ơ Yàng Tom Trồ, dan kòñ nđàc di añ, Bơh hwềng soàn añ kìng crŭ tòm Yàng. Ngan, añ rơp kìng crŭ să añ tòm tiah mƀur đar Kơnràñ dê, Jơl tus di tŭ ală càl rbut dờng bơta tơnroh neh rlau rau.

Đơs Crih 58:10

Cau song ring rơp chò hòp tòm tŭ gŏ bơta sal tê; Khai rơp rào jơng khai tòm mhàm cau iơh bơsak dê.

Đơs Crih 7:10

Yàng Tom Trồ la khèl đo añ jê, Kơnràñ la Bơtau dong klàs ală cau gơs nùs song ngan.

Đơs Crih 7:8

Yàng Jehôwa cahrña ală làng bol. Ơ Yàng Jehôwa, dan cahrña añ jat bơta song ring añ jê, mơ jat bơta song ngan tòm nùs añ.

Đơs Crih 7:9

Dan tơnlồi bơta iơh bơsak cau iơh bơsak dê, mơya lơh kơ̆ cê ală cau song ring in, Bơh Yàng Tom Trồ song ring, la Bơtau sền sơwì nùs nhơm kòn mơnus dê.

Đơs Crih 98:9

Bơh Kơnràñ tus nàng cahrña dunnia. Kơnràñ rơp ai bơta song ring nàng cahrña dunnia, Mơ cahrña ală làng bol dô bă ring bal.

Jeremi 12:1

Khoai Yàng Jehôwa, Kơnràñ song ring ngan; Tòm tŭ añ tòm pơndang mơ Kơnràñ Bulah behơ̆, añ dan lùp Kơnràñ. Ñchi bơh tài gùng dà cau iơh geh bơtoah bơtoài taih? Ală cau tìs glài geh cồng nha taih?

Jeremi 12:3

Khoai Yàng Jehôwa, Kơnràñ git añ! Kơnràñ gŏ añ, lòng sền añ, nùs añ gơwèt hơ Kơnràñ. Dan hwài bol khai kung be belàt kong tề tus hơ tiah tơnchơt, Ơn is bol khai tòm ngai tơnchơt in.

Jeremi 15:15

Ơ Yàng Jehôwa! Kơnràñ git. Dan kah añ mơ còp añ, mơ cèng wơl bơta sal tê añ in hơđang ală kup kơryan añ. Tòm bơta kong ơt Kơnràñ dê bañ cèng añ ngài; Dan git lah añ bơh Kơnràñ mơ kong jê sồt bơrsèl tơnhial.

Jeremi 17:10

Añ, Yàng Jehôwa, sền sơwì tòm dơngoh, Lòng tòm nùs, Tơm wơl kòp nă cau in jat gùng bol khai lòt, Cồng nha jat ală broă lơh bol khai dê.”

Jeremi 17:18

Dan Kơnràñ lơh ală cau kup kơryan añ jê kong ƀàssìl, Mơya bañ lòi añ kong ƀàssìl; Lòi bol khai gơlik rngòt rngơt, Mơya bañ lòi añ kòl rngòt rngơt! Dan cèng ngai rung rài tus hơđang bol khai, Mơ tơnroh bol khai tơrlah tơrling bàr dơ̆ rlau!

Jeremi 20:12

Mơya, khoai Yàng Jehôwa Gơnap Gơnoar! Kơnràñ lòng cau song ring, Kơnràñ sền gŏ tòm nùs mơ tòm dơngoh, Dan lòi añ in sền gŏ Kơnràñ sal tê di bol khai, bơh añ neh yal broă añ Kơnràñ in.

Ñìm Rac 3:58

Khoai Yàng Jehôwa, Kơnràñ neh dong tò bơta gơrềng tus di añ, Kơnràñ neh dong tơwài bơta kis añ jê.

Ñìm Rac 3:59

Khoai Yàng Jehôwa, Kơnràñ neh gŏ cau lơh iơh di añ: dan cahrña broă gơlik tus di añ!

Ñìm Rac 3:64

Khoai Yàng Jehôwa, dan tơm wơl bol khai in bơta bol khai neh lơh, jat be broă tê bol khai neh lơh.

Ejekiel 11:5

Gen Hwềng Yàng Jehôwa dê mù hơđang añ, mơ Kơnràñ đơs mơ añ lah: “Yàng Jehôwa đơs be do: ‘Ơ hìu Israel, do la ală bơta kơlôi sơnơng bol mê dê, mơya Añ git ală bơta kơlôi sơnơng tòm dơngoh bol mê dê.

Broă 17:31

bơh Yàng Tom Trồ neh lơh nền dô ngai, tòm tŭ Kơnràñ rơp ai bơta song ring cahrña dunnia bơh Cau Kơnràñ neh pồ bơtào. Kơnràñ lơh cơng tàng nền cê kòp nă cau in gŏ, Kơnràñ neh lơh Khai in kis wơl bơh bơta chơt.”

Philip 4:6

Bañ kơlôi rcang bơh bơta lơi, mơya tòm jơh ală bơta ai tĕ jơnau hòi dan, rac dan, mơ bơta ưnngài mơ yal tơlik ală bơta kòñ dan he dê Yàng Tom Trồ in git.

II Timôthe 4:14

Aleksandria la cau chài tiar kòng, neh lơh iơh di añ oă ngan; Yàng rơp sal wơl khai in jat be broă khai dê.

I Pier 2:23

Tòm tŭ Kơnràñ kong cau lah sơrpah, gen Kơnràñ ò lah sơrpah wơl; tòm tŭ kong bòl glar jê sồt, gen ò đơs pơhìn, mơya Kơnràñ kư̆ jào phi să tòm Kơnràñ dê Bơtau cahrña dô bă song ring.

Yal Tơlik 18:20

Ơ trồ, ơ ală cau sàng goh, ală cau gơnoar bơto dờng, mơ ală cau gơnoar hwơr, hòn chò tĕ bơh khai, tài bơh Yàng Tom Trồ neh sal tê di khai bol mê in rau!”

Yal Tơlik 2:23

Añ rơp tơnchơt ală kòn khai dê. Jơh ală Hìu Jum Goh rơp git Añ la Bơtau sền sơwì tòm nùs nhơm mơ tòm bơta kơlôi sơnơng, mơ Añ rơp sal wơl kòp nă bol mê in jat be ală broă bol mê dê.

I Samuel 16:7

Mơya Yàng Jehôwa đơs mơ Samuel lah: “Bañ sền di rùp să hala bơta dờng jơnhoa khai dê, tài bơh Añ neh ò dòp khai; bơh Yàng Jehôwa ò sền be kòn mơnus sền. Kòn mơnus sền đah bơdìh, mơya Yàng Jehôwa sền tòm nùs.”

I Samuel 24:15

Gen tàng dan Yàng Jehôwa cahrña mơ lơh nền digùl bol he. Dan Kơnràñ sền gŏ bơta hơ̆ mơ dong tò broă añ jê; dan Kơnràñ ơm đah mơ añ tòmdră mơ bèp.”