Jeremi 11:17 - Sră Goh 2018

¹⁷ Yàng Jehôwa Gơnap Gơnoar Làm Jơh, la Bơtau neh tam mê, neh yal tơnggit bơta rung rài tòmdră mơ mê, tài bơh bơta iơh bơsak hìu Israel mơ hìu Juda neh lơh, nàng bơrcek Añ in gơjrañ bơh neh chu kơlhô Baal in.”

Jeremi 11:17 Mawu Ofanana

II Samuel 7:10

Mơ Añ rơp sac rwah dô bă tiah làng bol Israel Añ in, mơ Añ rơp tam bol khai, nàng bol khai in ơm tòm tiah tòm bol khai dê, mơ ò gơs tŭ lơi gam kong cau lơh dơrcul tai. Ală cau iơh bơsak rơp ò rồn bơklơn bol khai tai kung be lài òr,

II Yal Yau 28:25

Tòm ală ƀòn dờng Juda dê, khai bơtào ală tiah jơnhoa nàng ơn phan ơn chu pơrguc ală yàng ndai in mơ bơrcek bơta gơjrañ Jehôwa Yàng Tom Trồ ală ồng pàng khai dê.

Đơs Crih 44:2

Yàng neh ngui tê tòm Kơnràñ dê bơtrơh ală lơgar, mơya Kơnràñ tam ồng pàng bol hi dê. Yàng lơh ală làng bol in gơprah gơpring, mơya lơh ồng pàng bol hi in geh khat gơboh.

Đơs Crih 80:15

La tòm chi mơ tê ma Yàng neh tam.

Đơs Crih 80:8

Yàng neh cèng dô đòm chi ño lik bơh lơgar Ejiptơ; Kơnràñ bơtrơh tơlik ală làng bol, gen tam chi hơ̆.

Esai 5:2

Khai tò ù mơ tă sang jơh ală lŭ, mơ tam tềng hơ̆ ală tòm ño niam rlau jơh. Khai bơt dô nơm theng kơp gàr tòm hơ̆, mơ tò dô nơm trồm pat ño tòm hơ̆. Gen khai kơp gơn gơlik oă plai ño niam, mơya gơ gơlik plai ño brê.

Esai 61:3

nàng rcang ai ală cau moat jrùng ñìm rac tòm Siôn in mơ tơndau bol khai in dô nơm sơgơn bơkào hàng mơnĕ ala bùh, ai mơñà hòn chò ala ñìm rac pơt wòl, mơ ai ồi ào jòng ro ala hwềng nùs bòl glar. Bol khai rơp geh sơnđan la ală tòm cha bơta song ring dê, la chi Yàng Jehôwa neh tam nàng ràng tơlik bơta gơklŏ Kơnràñ dê.

Jeremi 1:14

Yàng Jehôwa đơs: “Hơ̆ la bơta rung rài bơh đah đang rơp dùh hơđang jơh ală làng bol tòm lơgar do.

Jeremi 11:11

Gen tàng, Yàng Jehôwa đơs be do: ‘Añ rơp cèng bơta rung rài dùh hơđang bol khai, mơ bol khai ò rgơi pleh klàs; bulah bol khai rơp hòi dan mơ Añ, Añ rơp ò iat bol khai.

Jeremi 11:13

Ơ Juda, bơh mê gơs nđò nơm ƀòn dờng gen kung gơs nđò nơm yàng sơl; Jerusalem gơs nđò nơm gùng, bol mê kung bơt bơtào nđò nơm cơnòng duh khoai bơta ƀàssìl in, la ală cơnòng duh khoai chu kơlhô Baal in.’

Jeremi 12:2

Kơnràñ neh tam bol khai; Bol khai neh sro ryas, hòn dờng mơ gơlik plai. Bơr bol khai ơm rềp mơ Kơnràñ, Mơya nùs bol khai ơm ngài mơ Kơnràñ.

Jeremi 18:15

Mơya làng bol Añ neh hŭi Añ; Chu kơlhô rùp ràk ma blac in La rùp ràk lơh bol khai gơtup pừ tòm gùng bol khai dê, Tòm gùng lòt bơh rài yau òr, Lòt tòm gùng òhềt rcang wàs Mơ ò di gùng dờng.

Jeremi 18:8

dilah lơgar mơ Añ đơs hơ̆ pơrlac sang bơta iơh gơ dê, gen Añ rơp tòmgơl nùs ò tơndùh bơta rung rài Añ lơh nền hơđang bol khai.

Jeremi 19:15

“Yàng Jehôwa Gơnap Gơnoar, Yàng Tom Trồ Israel dê đơs be do: ‘Do, Añ rơp cèng bơta rung rài mơ Añ neh yal lài ƀòn dờng do in mơ ală ƀòn gơrê bal mơ gơ, bơh bol khai neh lơh ngko bol khai gơlik kơldang, ò bài iat ală jơnau Añ.’”

Jeremi 2:21

Añ neh tam mê kung be dô nơm chi ño sac rwah; Dô nơm chi ño niam goh rlau jơh. Mơya mbe mê neh gơlik ală ntê ò niam, mơ gơlik dô tòm ño brê taih?

Jeremi 24:6

Añ rơp ơn mat Añ hơđang bol khai sùm, mơ Añ rơp cèng bol khai rê wơl tòm lơgar do, bơtào gơs mơ ò phà tai, tam wơl mơ ò dus sang tai.

Jeremi 26:13

Tŭ do oh mi pal rcang wơl gùng dà mơ broă lơh oh mi dê, dòn bơr lơh jat tĕ jơnau đơs Jehôwa Yàng Tom Trồ oh mi dê, gen Yàng Jehôwa rơp tòmgơl bơh bơta rung rài mơ Kơnràñ neh yal tơnggit tòmdră mơ oh mi.

Jeremi 26:19

Ejekia bơtau Juda, mơ jơh Juda, neh tơnchơt khai sơl? Ò di Ejekia neh duh rngòt Yàng Jehôwa mơ rac dan bơta nđàc Yàng Jehôwa dê ò ơ? Behơ̆ gen Yàng Jehôwa neh tòmgơl bơh bơta rung rài mơ Kơnràñ neh yal tơnggit tòmdră mơ bol khai. Ngai do dilah bol he tơnchơt Jeremi, hơ̆ la tìs glài kơnjơ̆ gen rơp toès wơl bơta rung rài să tòm he in.”

Jeremi 32:29

Ală cau Kalde tòmlơh mơ ƀòn do rơp tus, ơn ồs mơ chu gơ, chu tơn ală hìu mơ cau neh ơn kơlhô Baal in hơđang rkàng hìu, mơ ơn phan pơdơng ñô ală yàng ndai, nàng bơrcek Añ gơjrañ.

Jeremi 32:30

Mơ tai, kòn sau Israel mơ kòn sau Juda, bơh tŭ gam kơnòm să, mìng lơh bơta iơh bơsak di đap Añ; bơh kòn sau Israel mìng ai broă lơh tê he mơ bơrcek Añ gơjrañ, Yàng Jehôwa đơs behơ̆.

Jeremi 35:17

Gen tàng, Jehôwa Yàng Tom Trồ Gơnap Gơnoar, Yàng Tom Trồ Israel dê, đơs be do: ‘Do, Añ rơp dùh hơđang Juda mơ jơh làng bol Jerusalem in ală bơta rung rài mơ Añ neh yal lài tòmdră mơ bol khai; bơh Añ đơs mơ bol khai ò bài iat, Añ hòi mơ bol khai ò ho wơl.’”

Jeremi 36:7

Digơlan bol khai rơp hòi dan Yàng Jehôwa, mơ pleh bơh gùng iơh he; bơh bơta gơjrañ mơ bơta gơjrañ dờng Yàng Jehôwa neh yal tòmdră mơ làng bol do.”

Jeremi 40:2

Cau lam bồ mpồl ling kơp gàr bơtau dê sồr lam Jeremi tus mơ đơs lah: “Jehôwa Yàng Tom Trồ mê neh lơh nền cèng bơta rung rài tiah do in;

Jeremi 40:3

mơ Yàng Jehôwa neh lơh tòm toh kung be Kơnràñ neh đơs, bơh bol mê tìs glài tòmdră mơ Yàng Jehôwa mơ ò lơh jat jơnau đơs Kơnràñ dê; gen tàng bơta do gơlik tus bol mê in.

Jeremi 42:10

‘Dilah bol mê kư̆ ơm wơl tòm lơgar do, gen Añ rơp bơtào bol mê wơl mơ ò phà tơnroh, Añ rơp tam bol mê mơ ò dus sang; bơh Añ neh tòmgơl bơh bơta rung rài mơ Añ neh dùh hơđang bol mê.

Jeremi 44:5

Mơya bol khai ò kơno, ò ơn tồr iat, ò sang bơta iơh kư̆ chu kơlhô ală yàng ndai in.

Jeremi 44:8

Ñchi bơh tài bol mê bơrcek Añ gơjrañ bơh ală broă tê bol mê lơh, chu kơlhô ală yàng ndai in tòm lơgar Ejiptơ, la tiah bol mê pa tus ơm; tian gơs bol mê toès wơl bơta tơnroh he in, cèng he lơh gơs kai srat rma sền òsơp digùl ală làng bol dunnia.

Jeremi 45:4

Mê đơs tĕ mơ khai lah: “Yàng Jehôwa đơs be do: ‘Ne, Añ rơp phà tơrlah jơh ală phan Añ neh bơtào, Añ dus sang jơh ală phan Añ neh tam, bơta hơ̆ gơlik gơs tòm làm jơh lơgar.

Jeremi 7:18

Kòn dòñ lòng, bèp sing ồs, mơ ală cau ùr bơcă kơmbuh, nàng lơh ƀañ ơn bơtau ùr hơđang trồ, mơ bol khai tuh phan ơn pơdơng ñô ală yàng ndai in, nàng bơrcek Añ gơjrañ.”

Jeremi 7:9

Bol mê ngan ò di ntung kơñau, tơnchơt cau, tìs glài rềs àr bơrnàn, srat să blac, chu kơlhô Baal in, lòt jat yàng ndai, la yàng bol mi ò git.

Ejekiel 17:5

Gen gơ neh ai gar sơntìl tòm lơgar bol mê dê mơ tam tòm tiah ù bơkah. Dô nơm tòm chi tam di tiah oă dà, kung be dô tòm chi nrài dà.

Sră Ôse 10:1

Israel la dô tòm chi ño tơlir niam, gơlik plai gơ dê. Tòm tŭ plai khai dê sơlo bơtơl oă, khai bơt bơtào bơtơl ală cơnòng duh khoai tai; lơgar khai dê sơlo ntoat tơngguh, khai pò dờng ơnàng ală jrong duh khoai khai dê.