Jeremi 11:15 - Sră Goh 2018

¹⁵ Gơs ñchi kwơ cau kòñ gơboh Añ jê tus tòm hìu Añ taih, tòm tŭ khai gam lơh bơta rềs àr taih? Gơs oă poac ơn pơdơng rgơi kơryan bơta rung rài bơh di mê sơl? Mơ mê rgơi hòn chò hừh hơh sơl ơ?

Jeremi 11:15 Mawu Ofanana

Đơs Crih 50:16

Mơya Yàng Tom Trồ đơs mơ cau iơh bơsak lah: Mbe mê khin yal wơl ală jơnau sồr Añ jê taih? Ñchi bơh tài sơndồi mê đơs bơh bơta ho bal Añ jê taih?

Đơs Crih 60:5

Bơta pha lin rlau tòm tê ma Kơnràñ dê, mơ ho wơl bol hi in, Tồ cau kòñ gơboh Kơnràñ dê rgơi geh dong tă!

Jơnau Pơnđik 10:23

Cau lơi siơ̆u dơngoh jak sền bơta lơh iơh be kơnhơl; Mơya cau àng jak hừh nùs bơh cau gơs bơta jak chài.

Jơnau Pơnđik 15:8

Phan ơn duh khoai cau iơh bơsak ai lơh cù kìr Yàng Jehôwa in; Mơya jơnau hòi dan cau song ring dê geh niam nùs Kơnràñ.

Jơnau Pơnđik 2:14

La ală cau hòn chò tòm tŭ lơh broă iơh bơsak, Mơ gơboh gơbài di bơta gơlềng gơlàng cau iơh bơsak dê.

Jơnau Pơnđik 21:27

Phan ơn duh khoai cau iơh dê la dô nơm phan cù kìr; tơ ài lah tŭ bol khai cèng tus bal mơ bơta kơlôi sơnơng iơh.

Jơnau Pơnđik 26:18

Cau lơi sơnrang sơrbì ồs; pañ kam, tơnggơs bơta chơt roh.

Jơnau Pơnđik 28:9

Cau lơi sềt tồr ò bài iat bơta sồr lam, jơnau hòi dan cau hơ̆ dê kung la dô bơta cù kìr.

Esai 50:1

Yàng Jehôwa đơs be do: “Ntềng đah sră cơng tàng lòi bau mơ Añ neh lơh nàng sang lòi mè mê dê taih? Hala sră mơ Añ neh tac bol mê mơ cau tòm dồs taih? Tài bơh tồi glài bol mê dê tàng bol mê gơkòl tac; tài bơh bơta tìs glài mè bol mê dê tàng kong sang lòi.

Jeremi 12:7

Añ neh sang hìu Añ; Neh sang lòi sre brê Añ; Neh jào phi làng bol mơ nùs Añ kòñ gơboh Tòm tê cau sò tơm khai dê.

Jeremi 13:27

Añ neh gŏ ală bơta cù kìr ai dê, Hơ̆ la bơta rềs àr bơrnàn, mơ jơnau hòi tòmjà dri tơlàr be ơseh, mơ bơta dri tơlàr ò git ƀàssìl ai dê, hơđang ală dòr di gah ală ƀlàng sre. Ơ Jerusalem, bòl glar ngan ai in! Ai ò bài lơh goh să ai tus di tŭ lơi taih?

Jeremi 15:1

Gen Yàng Jehôwa đơs mơ añ lah: “Bulah Môise mơ Samuel ntào di đap Añ, mơya nùs Añ kung ò wèt mơ làng bol do. Bơtrơh tơlik tĕ bol khai ngài bơh di mat Añ, mơ lòi bol khai lòt!

Jeremi 2:2

Lòt tĕ, mơ đơs di tồr làng bol Jerusalem in kơno lah: “Yàng Jehôwa đơs be do: ‘Añ gam kah nùs duh hul mê dê bơh tŭ gam kơnòm să, Nùs kòñ gơboh mi dê be dô nă ƀan pa rê hìu bau klau, Mbe mê neh jat Añ tòm ƀlàng ngềt ngơt, tòm ù tiah ò sih ò tam.

Jeremi 23:11

Yàng Jehôwa đơs: “Bơh cau gơnoar hwơr mơ cau gơnoar ơn phan duh khoai ò duh rngòt, Tian gơs Añ gŏ bơta iơh bơsak bol khai dê tòm hìu Añ;

Jeremi 3:14

Yàng Jehôwa đơs: “Ơ kòn sau pơrlơ̆ dră, rê wơl tĕ! Bơh Añ la cau tòm bol mê dê. Añ rơp sac dô nă tòm kòp nơm ƀòn dờng, mơ bàr nă bơh kòp hìu nhă, Mơ Añ rơp cèng mê tus hơ Siôn.

Jeremi 3:8

Khai neh gŏ lah jơh ală cau Israel neh tìs glài rềs àr bơrnàn bơh ò dòn song, Añ neh sang lòi khai mơ neh lơh sră tòmlòi bau, mơya oh ùr rềs àr bơrnàn khai dê la Juda ò duh rngòt, mơya khai kư̆ sơlo lòt lơh dri tơlàr.

Sră Ôse 3:1

Yàng Jehôwa đơs tai mơ añ lah: “Lòt tĕ, kòñ gơboh di dô nă cau ùr, khai neh geh cau kòñ gơboh, mơ khai la cau ùr bơrnàn, be Yàng Jehôwa kòñ gơboh di cau Israel, bulah bol khai neh wèt hơ ală yàng ndai, mơ khai kòñ gơboh ală ƀañ plai ño.”

Mathiơ 22:11

Cau bơtau mut sền ală cau nac mơ gŏ dô nă cau ò soh ào pơjum sa tòmbau,

Luka 8:28

Dơ̆ cau hơ̆ gŏ Yàng Jesu, gen hòi driau, tơmbic să di đap Kơnràñ mơ đơs lah: “Ơ Yàng Jesu, Kòn Yàng Tom Trồ Hơđang Rlau Jơh, digùl añ mơ Kơnràñ gơs ñchi jơnau taih? Añ rac dan mơ Kơnràñ bañ lơh bòl glar di añ.”

Rôma 11:28

Tài bơh Cau Juda pơndang sang Jơnau Niam gen bol khai la cau sò tơm di Yàng Tom Trồ, bơta hơ̆ gơs kwơ oh mi in. Mơya jat bơta sac rwah bol khai la cau geh kòñ gơboh tài bơh ală ồng pàng;

I Kôrintô 13:6

ò hòn chò bơh bơta ò song ring, mơya hòn chò bơh jơnau song.

Sră Pơyoa Pol Dê Pơyoa Tit In 1:15

Jơh ală bơta la sàng goh gơwèt mơ ală cau sàng goh, mơya ò gơs bơta lơi la sàng goh gơwèt mơ ală cau ƀơ̆ ƀơl mơ cau ò dòn; gơpơrlơ̆ wơl, nùs kơlôi mơ nùs tồr bol khai dê la ƀơ̆ ƀơl lơm.

Jakơ 4:16

Mơya oh mi jòng să, pơnhừ să. Jơh ală bơta jòng să behơ̆ la iơh.