Jeremi 11:14 - Sră Goh 2018

¹⁴ Ai đah mơ mê, bañ hòi dan ala làng bol do in; bañ bơh bol khai ai jơnau rac dan hòi dan; bơh Añ rơp ò iat tòm tŭ bol khai hòi tus hơ Añ tòm bơta rung rài bol khai dê.

Jeremi 11:14 Mawu Ofanana

Đơs Crih 66:18

Dilah nùs añ neh kơlôi gơboh di tồi glài, Gen Yàng ò bài iat añ.

Lik Ejiptơ 32:10

Tŭ do lòi tĕ Añ in lơh is, tồ bơta gơjrañ dờng Añ jê gơhào khuh gơwèt mơ bol khai, nàng Añ tơnroh jơh bol khai. Gen Añ rơp lơh mê in gơlik gơs dô nơm làng bol dờng.”

Jeremi 11:11

Gen tàng, Yàng Jehôwa đơs be do: ‘Añ rơp cèng bơta rung rài dùh hơđang bol khai, mơ bol khai ò rgơi pleh klàs; bulah bol khai rơp hòi dan mơ Añ, Añ rơp ò iat bol khai.

Jeremi 14:11

Yàng Jehôwa đơs tai mơ añ lah: “Bañ hòi dan bơta lơngai làng bol do in.

Jeremi 14:12

Bulah bol khai ơt sa, Añ rơp ò iat jơnau hòi dan bol khai dê; tŭ bol khai ơn phan ơn chu mơ phan ơn kòi mbo, Añ ò dòp bol khai sơl; mơya Añ rơp tơnroh bol khai mơ đào, jơgloh rung, mơ pluh plàng.”

Jeremi 15:1

Gen Yàng Jehôwa đơs mơ añ lah: “Bulah Môise mơ Samuel ntào di đap Añ, mơya nùs Añ kung ò wèt mơ làng bol do. Bơtrơh tơlik tĕ bol khai ngài bơh di mat Añ, mơ lòi bol khai lòt!

Jeremi 7:16

Ai mê, bañ hòi dan ala bơh làng bol do in; bañ bơh bol khai mơ ai jơnau rac dan hòi dan, kung bañ hòi dan ala mơ Añ, bơh Añ rơp ò iat mê.

Sră Ôse 5:6

Bol khai cèng bal ală mpồl belàt mơ ală mpồl kơnrồ bol khai dê nàng jòi jat Yàng Jehôwa; mơya bol khai rơp ò bàn Kơnràñ; Kơnràñ neh lik bơh di bol khai.

Sacari 7:13

Be tòm tŭ Añ hòi, bol khai ò bài iat, mơ tòm tŭ bol khai hòi, Añ kung ò bài iat, Yàng Jehôwa Gơnap Gơnoar Dờng Làm Jơh đơs behơ̆.

Malaci 2:13

Dô bơta tai bol mê lơh: hơ̆ la bol mê ai dà mat tơnkram cơnòng duh khoai Yàng Jehôwa dê. Bol mê ñìm mơ pơt wòl tài bơh Kơnràñ ò tai wèt sền di ală phan ơn bol mê dê, hala chò dòp ală phan ơn hơ̆ bơh di tê bol mê dê.

I Jang 5:16

Dilah cau lơi gŏ oh mi he tìs glài, la glài ò di pal chơt, gen hòi dan tĕ khai in, mơ Yàng Tom Trồ rơp ai bơta kis khai in; hơ̆ la ai ală cau tìs glài ò di pal chơt. Kung gơs glài pal chơt; hơ̆ ò di la bơh glài hơ̆ mơ añ đơs pal hòi dan.