Jeremi 11:13 - Sră Goh 2018

¹³ Ơ Juda, bơh mê gơs nđò nơm ƀòn dờng gen kung gơs nđò nơm yàng sơl; Jerusalem gơs nđò nơm gùng, bol mê kung bơt bơtào nđò nơm cơnòng duh khoai bơta ƀàssìl in, la ală cơnòng duh khoai chu kơlhô Baal in.’

Jeremi 11:13 Mawu Ofanana

II Ală Bơtau 23:13

Bơtau kung lơh ƀơ̆ ƀơl ală tiah jơnhoa ơm di đah mattơngai lik Jerusalem, di đah đơm mơnơm Bơta Tơnroh, la ală tiah Salômôn bơtau Israel neh bơt bơtào nàng duh khoai Astarte, rùp ràk cù kìr cau Sidôn dê, Kemôs rùp ràk cù kìr cau Môap dê, mơ Milkôm, rùp ràk cù kìr cau Ammôn dê.

II Yal Yau 28:25

Tòm ală ƀòn dờng Juda dê, khai bơtào ală tiah jơnhoa nàng ơn phan ơn chu pơrguc ală yàng ndai in mơ bơrcek bơta gơjrañ Jehôwa Yàng Tom Trồ ală ồng pàng khai dê.

Esai 2:8

Lơgar bol khai dê gơs bềng lìu ală rùp ràk, bol khai cùn khoai ală phan tê bol khai neh lơh, phan mơ ràs tê bol khai dê neh mòn gơs.

Jeremi 11:17

Yàng Jehôwa Gơnap Gơnoar Làm Jơh, la Bơtau neh tam mê, neh yal tơnggit bơta rung rài tòmdră mơ mê, tài bơh bơta iơh bơsak hìu Israel mơ hìu Juda neh lơh, nàng bơrcek Añ in gơjrañ bơh neh chu kơlhô Baal in.”

Jeremi 17:1

Tồi glài Juda dê neh geh cih mơ gai cih lòs, Mơ mơng lŭ kră kơldang; Geh pac hơđang mpàn nùs bol khai, mơ hơđang ngke ală cơnòng duh khoai bol khai dê.

Jeremi 18:15

Mơya làng bol Añ neh hŭi Añ; Chu kơlhô rùp ràk ma blac in La rùp ràk lơh bol khai gơtup pừ tòm gùng bol khai dê, Tòm gùng lòt bơh rài yau òr, Lòt tòm gùng òhềt rcang wàs Mơ ò di gùng dờng.

Jeremi 19:4

Tài bơh làng bol neh sang lòi Añ, neh lơh ƀơ̆ ƀơl tiah do tòm tŭ bol khai ơn phan duh khoai yàng ndai in tềng hơ̆, mơ bol khai hala ồng pàng bol khai dê, hala ală bơtau Juda dê kung òhềt git, mơ tài bơh bol khai neh lơh gơtuh bềng mhàm ò gơs glài tềng do.

Jeremi 19:5

Kung bơt bơtào ală tiah jơnhoa Baal in nàng chu ală kòn dềt bol khai dê lơh gơs phan chu pơdơng Baal in, la bơta Añ ò tŭ lơi ai gơnoar sồr, ò tŭ lơi yal, la bơta Añ ò tŭ lơi kơlôi sơnơng tòm nùs Añ.’

Jeremi 2:28

Mơya ntềng đah ală yàng bol mê dê, bol mê neh mòn să tòm bol mê in taih? Lòi bol gơ tus, dilah bol gơ rgơi dong tă bol mê! Tòm tŭ bol mê gơtìp bơta bòl glar. Ơ Juda, bol mê gơs oă ală yàng rùp ràk, kung be bol mê gơs oă ƀòn dờng behơ̆ sơl!

Jeremi 3:24

Mơya bơh tŭ bol hi gam kơnòm să, Rùp ràk ƀàssìl neh loan jơh ală phan mơna ồng pàng bol hi dê kong lơh broă bòl glar, Mpồl belàt, mpồl kơnrồ, Kòn klau, kòn ùr bol khai dê.

Jeremi 3:25

Lòi bol hi bic tòm bơta ƀàssìl bol hi dê, mơ lòi bơta bơrsèl tơnhial jơm bol hi! Bơh bol hi bal mơ ồng pàng bol hi dê Neh tìs glài mơ Jehôwa Yàng Tom Trồ bol hi dê, Bơh tŭ gam kơnòm jơl tus di ngai do; Bol hi ò lơh jat jơnau Jehôwa Yàng Tom Trồ bol hi dê.”

Jeremi 32:35

Bol khai neh bơt ală tiah jơnhoa Baal in tòm thòng kòn klau Hinôm, chu kòn klau kòn ùr he tòm ồs, ơn Molok in, la bơta Añ ò tŭ lơi ai gơnoar sồr; Añ ò tŭ lơi kơlôi sơnơng lah bol khai rgơi lơh dô bơta cù kìr behơ̆ mơ lơh Juda in tìs glài.

Jeremi 44:21

“Bol mê bal mơ ồng pàng, ală cau bơtau, ală kwang at bồ bol mê, mơ làng bol tòm lơgar neh chu kơlhô tòm ală ƀòn Juda mơ tòm ală gùng ƀòn dờng Jerusalem, Yàng Jehôwa ngan ò cih kah tòm dơngoh Kơnràñ ò ơ?

Jeremi 44:5

Mơya bol khai ò kơno, ò ơn tồr iat, ò sang bơta iơh kư̆ chu kơlhô ală yàng ndai in.

Jeremi 48:35

Yàng Jehôwa đơs: “Añ rơp tă tơlik bơh Môap cau ơn phan ơn hơđang tiah jòng, mơ cau chu kơlhô ală yàng bol khai dê.

Jeremi 7:9

Bol mê ngan ò di ntung kơñau, tơnchơt cau, tìs glài rềs àr bơrnàn, srat să blac, chu kơlhô Baal in, lòt jat yàng ndai, la yàng bol mi ò git.

Ejekiel 16:24

ai neh bơt bơtào dô bă tiah jơnhoa hơđang să tòm ai in mơ lơh gơs dô nơm hìu bơmồng jơnhoa tòm kòp nơm gùng tòm ƀòn dờng.

Sră Ôse 10:1

Israel la dô tòm chi ño tơlir niam, gơlik plai gơ dê. Tòm tŭ plai khai dê sơlo bơtơl oă, khai bơt bơtào bơtơl ală cơnòng duh khoai tai; lơgar khai dê sơlo ntoat tơngguh, khai pò dờng ơnàng ală jrong duh khoai khai dê.

Sră Ôse 12:11

Añ neh đơs mơ ală cau gơnoar hwơr, ai bol khai in oă bơta gơtơnggŏ, mơ kơnòm cau gơnoar hwơr Añ rơp cèng tus bơta tơnroh.

Sră Ôse 9:10

Tòm tŭ Añ jòi bàn Israel, kung be jòi bàn tơrkum plai ño tòm ƀlàng ngềt ngơt; tòm tŭ Añ gŏ ală ồng pàng bol mê dê, gen kung be gŏ plai chi ƀal gơlik plai sơnròp tòm bồ sơnam. Mơya bol khai neh lòt tus hơ Baal Pheô, bol khai ơn să tòm bol khai rùp ràk ƀàssìl ƀàsso in, mơ gơlik gơs cù kìr kung be phan mơ bol khai neh kòñ gơboh.