Jeremi 11:12 - Sră Goh 2018

¹² Tŭ hơ̆ làng bol Juda mơ làng bol Jerusalem rơp lik lòt hòi lùp ală yàng mơ bol khai neh òs chu kơlhô; mơya ală yàng hơ̆ rơp ò tŭ lơi dong tă bol khai tòm tŭ tìp bơta rung rài.

Jeremi 11:12 Mawu Ofanana

II Yal Yau 28:22

Tòm tŭ tìp bơta bòl glar jê sồt, bơtau Aca neh gơlik ò dòn song rlau tai mơ Yàng Jehôwa.

Esai 45:20

Bol mê la ală cau gam kis bơh di ală lơgar, pơjum bal tĕ mơ tus, ală cau tùng ală rùp ràk lơh mơ chi, mơ hòi dan mơ ală yàng ò rgơi dong klàs, bol khai la ală cau ò gơs bơta git wă.

Esai 46:7

Bol khai yò ơn gơ hơđang pơnì mơ tui gơ, bol khai bơtào gơtòm tiah gơ dê, mơ gơ ntào tềng hơ̆. Bơh tềng hơ̆ gơ ò rgơi ơwañ. Dilah gơs dô nă cau hòi dan mơ gơ gen gơ ò ho wơl, gơ ò rgơi dong dô nă cau lơi klàs bơh ală bơta rung rài.

Jeremi 18:15

Mơya làng bol Añ neh hŭi Añ; Chu kơlhô rùp ràk ma blac in La rùp ràk lơh bol khai gơtup pừ tòm gùng bol khai dê, Tòm gùng lòt bơh rài yau òr, Lòt tòm gùng òhềt rcang wàs Mơ ò di gùng dờng.

Jeremi 2:28

Mơya ntềng đah ală yàng bol mê dê, bol mê neh mòn să tòm bol mê in taih? Lòi bol gơ tus, dilah bol gơ rgơi dong tă bol mê! Tòm tŭ bol mê gơtìp bơta bòl glar. Ơ Juda, bol mê gơs oă ală yàng rùp ràk, kung be bol mê gơs oă ƀòn dờng behơ̆ sơl!

Jeremi 44:8

Ñchi bơh tài bol mê bơrcek Añ gơjrañ bơh ală broă tê bol mê lơh, chu kơlhô ală yàng ndai in tòm lơgar Ejiptơ, la tiah bol mê pa tus ơm; tian gơs bol mê toès wơl bơta tơnroh he in, cèng he lơh gơs kai srat rma sền òsơp digùl ală làng bol dunnia.

Yal Wơl 32:37

Kơnràñ rơp đơs lah: “Tŭ do ntềng đah ală yàng bol khai dê, mơ ntềng đah pơnai lŭ mơ bol khai kìng crŭ,

Yal Wơl 32:38

la ală yàng neh sa dơngi ală phan ơn duh khoai chu pơrguc bol khai dê mơ ñô tơrnòm ño ơn duh khoai bol khai dê taih? Lòi tĕ bol khai guh mơ dong kòl bol mê! Lòi tĕ bol khai gơlik gơs tiah kìng crŭ bol mê in!

Ală Kwang Cahrña 10:14

Lòt tĕ rac dan mơ ală yàng bol mê neh sac rwah; lòi bol gơ dong tă bol mê tòm tŭ gơs bơta bòl glar kalke.”