Jeremi 10:9 - Sră Goh 2018

⁹ Hơ̆ la priă klơn lơho cèng tus bơh Tarsis, Mơ màh bơh Upha, Gơ la broă lơh bơh tê cau chài pac mơ cau chài lơh màh mòn gơs; Geh tơnsoh gơ in mơ bài dà tơlir mơ dà gur; Bol gơ jơh ală la broă lơh cau chài rgơi dê.

Jeremi 10:9 Mawu Ofanana

I Ală Bơtau 10:22

Bơh mpồl ơhò Tarsi bơtau dê kòp pe sơnam dô dơ̆ tiă dàlềng bal mơ mpồl ơhò Hiram dê, cèng brê màh, priă, bla rwas, dồ, mơ brà.

II Yal Yau 9:21

Bơh ală ơhò bơtau lòt tus hơ Tarsi bal mơ ală dĭ gơna Hiram dê; pe nam dô dơ̆ gơs ală ơhò Tarsi òs cèng màh, priă, bla rwas, dồ mơ brà.

Đơs Crih 115:4

Rùp ràk bol khai lơh mơ priă mơ màh, La broă bơh tê cau lơh gơs.

Đơs Crih 72:10

Dan lòi cau bơtau Tarsi mơ cau bơtau ală bồt pơlào dê boh dia khai in, Lòi bơtau Saba mơ Seba cèng phan ai gòi khai in.

Esai 23:6

Tiă tĕ tus hơ Tarsi; ñìm rac tĕ, ơ làng bol ơm rò gah dàlềng.

Esai 40:19

Dô nơm rùp ràk, cau chài lơh màh ƀềp gơ mơ màh, mơ lơh ală che rơnjài mơ priă gơ in.

Ejekiel 27:12

Làng bol Tarsis kă bro mơ mê tơngkah tơngkañ bơta pas sơm bơh phan mơna mê dê, bol khai tòmgơl priă, lòs, sơlo, trà mơ phan kă bro mê dê.

Ejekiel 27:7

Bài che dơmài lơbơn jing bơka Ejiptơ dê la bềl yàr mê dê, mơ kung ngui lơh gơs bồng bi mê dê sơl; bài dà gur dà tơlir bơh di ală tiah rò gah dàlềng Elisa lơh gơs bài kơrnìng mê dê.

Daniel 10:5

Añ tơnggòr sền, do, gơs dô nă cau soh bài che dơmài, gùt dar but kơt che but mơ màh Upha.

Sră Ôse 8:6

Bơh rùp ràk hơ̆ gơlik bơh Israel! Dô nă cau chài neh tŏ gơs gơ; gơ ò di la Yàng Tom Trồ. Kơnrồ kòn Samari dê rơp kong bơcah rpot rpet.

Jôna 1:3

Mơya Jôna dô hơ Tarsi nàng pleh bơh di Yàng Jehôwa. Khai mù tus hơ Jôppa, tềng hơ̆ khai tìp dô nơm ơhò lòt hơ rnơs hơ̆. Tơnơ̆ mơ tŭ neh tơm jền hào ơpah, khai hào ơhò lòt tus hơ Tarsi nàng dô pleh bơh di Yàng Jehôwa.

Habakuk 2:19

Bòl glar ngan cau lơi in đơs mơ chi lah: ‘Guh tĕ!’ Hala đơs mơ lŭ ò gơs bơta kis lah: ‘Ñă ntào tĕ!’ Gơ rgơi bơto sơl? Sền tĕ, gơ neh geh ƀềp mơ màh mơ priă, mơya ò gơs dô êt lơi nhơm tă tòm gơ.