Jeremi 10:7 - Sră Goh 2018

⁷ Khoai Bơtau ală lơgar! Ñcau ò rngòt di Kơnràñ taih? Bơh Kơnràñ di pal geh dòn duh. Tòm ală cau jak chài ală lơgar dê, Mơ tòm lơgar bol khai dê, Ò gơs cau lơi be Kơnràñ.

Jeremi 10:7 Mawu Ofanana

II Ală Bơtau 17:39

mơya bol mê pal duh khoai Jehôwa Yàng Tom Trồ bol mê dê, Kơnràñ rơp dong tă bol mê klàs bơh tê ală cau sò tơm.”

I Yal Yau 16:25

Bơh Yàng Jehôwa la dờng mơ di pal geh jòng ro rlau jơh; Kơnràñ pal geh duh rngòt rlau mơ jơh ală yàng.

Este 1:13

Gen cau bơtau lùp bơta kơlôi sơnơng ală cau git jak bơh bơta boh lam (bơh bơta do, jat bơta òs mòng bơtau đơs mơ ală cau jak chài la cau git wă bơta boh lam mơ bơta òs yau,

Đơs Crih 147:5

Yàng Jehôwa bol he dê dờng ngan, gơs gơnap gơnoar ò git nđò; Bơta git wă Kơnràñ dê ò rgơi was sơnoa.

Đơs Crih 22:28

Bơh gơnoar at bồ gơrê bal mơ Yàng Jehôwa, Kơnràñ at bồ hơđang ală làng bol.

Đơs Crih 47:3

Kơnràñ lơh ală làng bol dòn duh bol hi, Mơ lơh ală lơgar dòn duh hơđơm jơng bol hi.

Đơs Crih 72:11

Dan lòi jơh ală cau bơtau tơmbic să di đap khai, Jơh ală lơgar duh broă khai in.

Đơs Crih 76:7

Mơya Yàng la pal rngòt ngan! Tòm tŭ Yàng gơhào gơjrañ gen ñcau rgơi ntào jai di đap Kơnràñ taih?

Đơs Crih 86:8

Ơ Yàng, digùl ală yàng ò gơs yàng lơi ndròm be Kơnràñ, Kung ò gơs broă lơi ndròm be ală broă Yàng dê.

Đơs Crih 86:9

Ơ Yàng, jơh ală làng bol mơ Yàng neh crơng gơs Rơp lòt tus cùn khoai di đap Yàng, mơ jòng ro sơnđan Kơnràñ.

Đơs Crih 89:6

Hơđang ală tap trồ, ñcau geh pơndròm bal mơ Yàng Jehôwa taih? Digùl ală cau hơđang trồ, ñcau geh ndròm be Yàng Jehôwa taih?

Lik Ejiptơ 8:10

Pharaôn đơs lah: “Ngai hìng.” Môise ho lah: “Rơp gơlik gơs jat be bơtau đơs, nàng bơtau in git lah ò gơs yàng lơi ndai tòm toh kung be Yàng Jehôwa la Yàng Tom Trồ bol hi dê.

Lik Ejiptơ 9:14

hala dơ̆ do Añ rơp cèng jơh pràn ală bơta rung rài Añ jê tòmdră mơ mê, tòmdră mơ ală cau kwang duh broă mơ làng bol mê dê, tồ mê in git lah tòm làm jơh plai ù ò gơs cau lơi ndròm be Añ.

Esai 2:4

Kơnràñ rơp cahrña digùl ală làng bol mơ rơp pơnring bơta tòmyă digùl oă làng bol, bol khai rơp ai đào bol khai dê mơ tiar gơs sề ngal, mơ ai tà bol khai dê tiar gơs mơ̆. Làng bol do rơp ò tă đào tòmlơh mơ làng bol ne, bol khai rơp ò gam bơto bơta tòmlơh tai.

Jeremi 10:6

“Ơ Yàng Jehôwa, ò gơs cau lơi ndròm bal mơ Kơnràñ! Kơnràñ la dờng, Sơnđan Kơnràñ gơs gơnoar pràn dờng ngan.

Jeremi 5:22

Yàng Jehôwa đơs: “Bol mê ò duh rngòt Añ, Bol mê ò rơm să di đap Añ ơ? Añ neh ai bràs lơh gơs nhàr dàlềng, Bơh gơnoar sồr gam sùm sùm, ò geh sơrlèt rlau. Ryà dàlềng bulah dờng, kung ò geh pha rlau; Bulah dàlềng nggồr ur ur, kung ò rgơi lòt rlau mơ gơ;

Daniel 2:27

Daniel ho lah: “Ơ bơtau, bơta ndơp ndơr mơ bơtau neh sồr yal tơlik gen ală cau jak chài, cau gru bơjơu, cau sền sơmañ mơ ală cau yal bơta ndơp ndơr ò rgơi yal tơlik bơtau in,

Daniel 2:28

Mơya gơs dô nă Yàng Tom Trồ ơm hơđang trồ rgơi yal tơlik ală bơta ndơp ndơr, mơ Kơnràñ neh yal bơtau Nebukatnessar in git bơta rơp tus tòm ală ngai lồi dut. Do la bơta mpau mơ bơta gơtơnggŏ mơ bơtau neh gŏ tòm tŭ bic hơđang cơnòng bic:

Habakuk 3:2

Khoai Yàng Jehôwa! Añ neh kơno bơh bơta tiơng pơnro Kơnràñ dê; Ơ Yàng, añ rngòt rngơt ngan bơh ală broă lơh Kơnràñ dê. Dan lơh pa wơl ală broă hơ̆ tòm rài bol hi dê, Dan yal cau in git gơtòm tŭ tơngai bol hi dê; Tòm tŭ Kơnràñ gơjrañ dờng, dan kah wơl bơta nđàc sơngit!

Sacari 2:11

Tòm ngai hơ̆, oă làng bol rơp pơjum wơl mơ Yàng Jehôwa mơ rơp gơlik gơs làng bol Añ jê. Añ rơp ơm digùl bol mê. Mơ bol mê rơp git lah Yàng Jehôwa Gơnap Gơnoar Dờng Làm Jơh neh sồr añ tus hơ bol mê.

Malaci 1:11

Bơh đah mattơngai lik jơl tus di đah mattơngai mut sơnđan Añ la dờng digùl ală lơgar, mơ kòp bă tiah gơs chu kơlhô ơn sơnđan Añ in, mơ dô nơm phan ơn sàng goh; Bơh sơnđan Añ la dờng digùl ală lơgar,” Yàng Jehôwa Gơnap Gơnoar Làm Jơh đơs behơ̆.

Luka 12:5

Mơya Añ sơnio bol mê in git pal rngòt di ñcau: pal rngòt di Bơtau tơnơ̆ mơ tŭ neh tơnchơt să jan rau, kung gơs gơnoar sơrbì tòm brah tìng tai; ngan Añ đơs mơ bol mê, pal rngòt tĕ di Bơtau hơ̆!

I Kôrintô 8:6

mơya đah bol he, gơs mìng dô nă Yàng Tom Trồ lơm la Bèp, la Bơtau crơng gơs jơh ală phan bơh Kơnràñ mơ bol he kis; mơ gơs mìng dô nă Yàng la Yàng Jesu Krist, jơh ală phan bơh Kơnràñ mơ gơlik gơs, mơ bol he kung kis bơh Kơnràñ behơ̆ sơl.

Jôsue 4:24

Behơ̆ tồ jơh ală làng bol tòm dunnia in git lah tê Yàng Jehôwa dê gơs gơnoar dờng, mơ tồ bol mê in duh rngòt di Jehôwa Yàng Tom Trồ bol mê dê sùm sùm.”

Yal Tơlik 11:15

Cau gơnrơh dơ̆ poh uh kơlwòk, gen gơs ală jơnau dờng hơđang trồ đơs lah: “Lơgar bơtau dunnia dê neh gơlik lơgar Yàng bol he dê mơ Bơtau Krist Kơnràñ dê, Kơnràñ rơp at bồ jơl sùm sùm.”

Yal Tơlik 15:4

Khoai Yàng, ñcau khin ò duh rngòt mơ ò jòng ro sơnđan Kơnràñ taih? Bơh mìng dô nă Kơnràñ la sang goh; Jơh ală làng bol rơp tus mơ duh khoai Kơnràñ, Bơh ală bơta cahrña song ring Kơnràñ dê neh geh yal tơlik.”