Jeremi 10:6 - Sră Goh 2018

⁶ “Ơ Yàng Jehôwa, ò gơs cau lơi ndròm bal mơ Kơnràñ! Kơnràñ la dờng, Sơnđan Kơnràñ gơs gơnoar pràn dờng ngan.

Jeremi 10:6 Mawu Ofanana

II Samuel 7:22

Gen tàng, Yàng la dờng ngan, ơ Jehôwa Yàng Tom Trồ, bơh ò gơs Yàng lơi ndròm be Yàng, mơ ò gơs Yàng Tom Trồ lơi rlau mơ mìng dô nă Yàng, jat be jơh ală bơta tồr bol hi neh kơno.

I Yal Yau 16:25

Bơh Yàng Jehôwa la dờng mơ di pal geh jòng ro rlau jơh; Kơnràñ pal geh duh rngòt rlau mơ jơh ală yàng.

Nehemi 4:14

Tơnơ̆ mơ tŭ añ neh sền ală bơta rau, añ ñă ntào mơ đơs mơ ală cau màng ryŭ, mơ jơh ală cau kwang, mơ jơh ală cau gam wơl lah: “Bañ rngòt di bol khai, kah tĕ Yàng Jehôwa la Bơtau dờng mơ pal rngòt, mơ tòmlơh tĕ ală oh mi bol mê in, ală kòn klau ală kòn ùr, ală bau ùr mơ ală hìu nhă bol mê in.”

Nehemi 9:32

Behơ̆ tŭ do, Ơ Yàng Tom Trồ bol hi dê, la Yàng Tom Trồ dờng ngan, gơnap gơnoar, mơ pal rngòt, Bơtau lơh jat bơta ho bal kòñ gơboh, dan Kơnràñ bañ sền nggòc ală bơta jê sồt bòl glar neh tus hơ bol hi, hơđang ală cau bơtau mơ ală kwang bàng, hơ ală cau gơnoar ơn phan duh khoai mơ ală cau gơnoar hwơr, hơ ală mò pàng bol hi, mơ jơh làng bol Kơnràñ dê, bơh rài ală bơtau Asiri tus tŭ do.

Đơs Crih 145:3

Yàng Jehôwa la dờng mơ pal jòng ro ngan; Bơta dờng ryŭ Kơnràñ dê ò rgơi git jơh.

Đơs Crih 147:5

Yàng Jehôwa bol he dê dờng ngan, gơs gơnap gơnoar ò git nđò; Bơta git wă Kơnràñ dê ò rgơi was sơnoa.

Đơs Crih 35:10

Jơh ală ntìng añ rơp đơs lah: “Ơ Yàng Jehôwa, ñcau ndròm be Kơnràñ taih? La Bơtau dong tă cau lơbơn bơh di cau pràn kơldang rlau mơ khai, Mơ dong tă cau lơbơn mơ cau siơ̆u siar bơh di cau tòmpìt kơñau khai.”

Đơs Crih 48:1

Yàng Jehôwa la dờng, pal jòng ro ngan Tòm ƀòn dờng Yàng Tom Trồ bol hi dê. Mơ hơđang mơnơm sàng goh Kơnràñ dê.

Đơs Crih 96:4

Bơh Yàng Jehôwa la dờng ngan, mơ ngan pal geh jòng ro; Kơnràñ la pal duh rngòt rlau jơh mơ ală yàng ndai.

Lik Ejiptơ 15:11

Ơ Yàng Jehôwa! Digùl ală yàng, ñcau ndròm be Kơnràñ taih? Ñcau rgơi ndròm be Kơnràñ, ryŭ ryơm tòm bơta sàng goh, Pal rngòt rngơt tòm bơta gơklŏ, lơh ală bơta krơi tềl is?

Lik Ejiptơ 8:10

Pharaôn đơs lah: “Ngai hìng.” Môise ho lah: “Rơp gơlik gơs jat be bơtau đơs, nàng bơtau in git lah ò gơs yàng lơi ndai tòm toh kung be Yàng Jehôwa la Yàng Tom Trồ bol hi dê.

Lik Ejiptơ 9:14

hala dơ̆ do Añ rơp cèng jơh pràn ală bơta rung rài Añ jê tòmdră mơ mê, tòmdră mơ ală cau kwang duh broă mơ làng bol mê dê, tồ mê in git lah tòm làm jơh plai ù ò gơs cau lơi ndròm be Añ.

Esai 12:6

Ơ làng bol Siôn, hòi driau dờng tĕ mơ đơs chò hòn chò! Bơh Bơtau Sàng Goh Israel dê la dờng digùl bol mê.”

Esai 40:18

Behơ̆ gen bol mê rơp pơndròm Yàng Tom Trồ mơ ñcau taih? Ai rùp să lơi mơ bol mê rơp pơndròm mơ Kơnràñ taih?

Esai 40:25

Bơtau Sàng Goh đơs lah: “Bol mê pơndròm Añ mơ ñcau, hala ñcau ndròm be Añ taih?”

Esai 46:5

Bol mê rơp pơndròm Añ mơ ñcau hala sền Añ ndròm bal mơ ñcau taih? Bol mê pơndròm Añ mơ ñcau nàng bol hi ndròm bal taih?

Esai 46:9

Kah tĕ ală bơta bơh yau òr; Añ la Yàng Tom Trồ, mơ ò gơs yàng lơi ndai tai; Añ la Yàng Tom Trồ, mơ ò gơs cau lơi ndròm bal be Añ.

Jeremi 10:16

Ò di be Yàng Jehôwa la pơnah sre brê Jakôp dê, Tài bơh Kơnràñ neh crơng gơs jơh ală phan, mơ Israel la jơi bơtiàn sre brê Kơnràñ dê. Sơnđan Kơnràñ la Yàng Jehôwa Gơnap Gơnoar.”

Jeremi 32:18

Kơnràñ ràng tơlik bơta kòñ gơboh kơ̆ dơn gơwèt hơ rbô rài, mơya lơh glài bơh bơta tồi glài ồng pàng dê hơđang kòn sau tòm rài tơnơ̆. Khoai Yàng Tom Trồ dờng mơ gơs gơnap gơnoar làm jơh, sơnđan Kơnràñ la Yàng Jehôwa Gơnap Gơnoar Dờng Làm Jơh.

Daniel 4:3

Ală tềl is Kơnràñ dê la dờng ngan, Ală bơta krơi Kơnràñ lơh la pràn kơldang ò git nđò! Lơgar Kơnràñ dê la lơgar gam sùm sùm, Gơnoar at bồ Kơnràñ dê gam bơh rài do tus hơ rài ne!”

Daniel 4:34

Tus di lồi dut ală ngai hơ̆, añ la Nebukatnessar, añ wèt mat tơnggòr sền hơđang trồ, gen dơngoh jak gơrê wơl hơ añ, mơ añ jòng ro Bơtau Hơđang Rlau Jơh. Añ jòng ro mơ lơh gơklŏ sơnđan Bơtau kis gam sùm sùm: Gơnoar at bồ Kơnràñ dê la gơnoar gam sùm sùm. Lơgar Kơnràñ dê gam bơh rài do tus hơ rài ne.

Malaci 1:11

Bơh đah mattơngai lik jơl tus di đah mattơngai mut sơnđan Añ la dờng digùl ală lơgar, mơ kòp bă tiah gơs chu kơlhô ơn sơnđan Añ in, mơ dô nơm phan ơn sàng goh; Bơh sơnđan Añ la dờng digùl ală lơgar,” Yàng Jehôwa Gơnap Gơnoar Làm Jơh đơs behơ̆.

I Kôrintô 8:6

mơya đah bol he, gơs mìng dô nă Yàng Tom Trồ lơm la Bèp, la Bơtau crơng gơs jơh ală phan bơh Kơnràñ mơ bol he kis; mơ gơs mìng dô nă Yàng la Yàng Jesu Krist, jơh ală phan bơh Kơnràñ mơ gơlik gơs, mơ bol he kung kis bơh Kơnràñ behơ̆ sơl.

Yal Wơl 32:31

Bơh Pơnai Lŭ bol khai dê ò di be Pơnai Lŭ bol he dê, ală cau sò tơm bol he dê la bơrngơl gơla.

Yal Wơl 33:26

“Ò gơs yàng lơi ndai kung be Yàng Tom Trồ Jesurun dê, Kơnràñ hào hơđang ală tap trồ nàng dong kòl mê, mơ hơđang ală mhwal tòm bơta ryŭ ryơm Kơnràñ dê.