Jeremi 10:5 - Sră Goh 2018

⁵ Ală rùp ràk bol khai dê be phan tơrngòt tòm sre rpung, Bol gơ ò rgơi đơs; Ò rgơi lòt, gen tàng pal tùng. Bañ rngòt ală bol gơ, Bơh bol gơ ò rgơi tơndùh bơta rung rài hala ai lơngai.”

Jeremi 10:5 Mawu Ofanana

I Ală Bơtau 18:26

Behơ̆, bol khai kup dô nơm kơnrồ mơ cau neh lơh poac gơ; mơ hòi dan dê sơnđan yàng Baal bơh àng drim jơl tus nggùl ngai, mơ lah: “Ơ Baal! Dan ho jơnau bol hi.” Mơya ò gơs sap đơs lơi, kung ò gơs jơnau ho lơi; bol khai tòmya gùt dar cơnòng duh khoai bol khai neh bơt.

II Yal Yau 25:15

Yàng Jehôwa gơhào gơjrañ di Amajiah, mơ Kơnràñ sồr dô nă cau gơnoar hwơr tus đơs mơ khai lah: “Ñchi bơh tài mê hòi lùp ală yàng ală làng bol do dê, la ală yàng ò rgơi dong klàs làng bol tòm bol gơ dê bơh di tê mê taih?”

Esai 16:12

Tòm tŭ Môap gơs mat tòm tiah jòng jơnhoa gơ dê, khai mìng lơh bòl glar să tòm khai dê lơm; tòm tŭ khai tus tòm hìu duh khoai khai dê nàng hòi dan, bơta hơ̆ kung ò kwơ.

Esai 45:20

Bol mê la ală cau gam kis bơh di ală lơgar, pơjum bal tĕ mơ tus, ală cau tùng ală rùp ràk lơh mơ chi, mơ hòi dan mơ ală yàng ò rgơi dong klàs, bol khai la ală cau ò gơs bơta git wă.

Esai 46:1

Bel kun tơmù, Nebô gơpừ; ală rùp ràk bol khai dê geh pơdiang hơđang phan poan jơng mơ kơnrồ. Ală rùp duh khoai bol mê tùng tơnàñ kơnjơ̆ hơđang ală phan poan jơng òsô.

Esai 46:7

Bol khai yò ơn gơ hơđang pơnì mơ tui gơ, bol khai bơtào gơtòm tiah gơ dê, mơ gơ ntào tềng hơ̆. Bơh tềng hơ̆ gơ ò rgơi ơwañ. Dilah gơs dô nă cau hòi dan mơ gơ gen gơ ò ho wơl, gơ ò rgơi dong dô nă cau lơi klàs bơh ală bơta rung rài.

Jeremi 10:14

Kòp nă cau la bơrngơl mơ ò git wă; Cau chài lơh màh kòl ƀàssìl bơh ală rùp ràk khai dê; bơh ală rùp ràk bol khai la ma blac, Ò gơs nhơm tă tòm gơ;

Habakuk 2:19

Bòl glar ngan cau lơi in đơs mơ chi lah: ‘Guh tĕ!’ Hala đơs mơ lŭ ò gơs bơta kis lah: ‘Ñă ntào tĕ!’ Gơ rgơi bơto sơl? Sền tĕ, gơ neh geh ƀềp mơ màh mơ priă, mơya ò gơs dô êt lơi nhơm tă tòm gơ.

I Kôrintô 12:2

Oh mi git lah tòm tŭ oh mi gam la cau làng bol bơdìh gen neh kòl rùp ràk ò gơs bơta kis ne hwài lòt tìs gùng.

I Kôrintô 8:4

Behơ̆, bơh bơta sa phan duh khoai rùp ràk, bol he git rùp ràk tòm dunnia la ò gơs ngan, gơs mìng dô nă Yàng Tom Trồ lơm.

Yal Wơl 4:28

Tềng hơ̆, bol mê rơp duh khoai ală yàng bơh tê cau mòn gơs mơ chi, mơ lŭ, la ală yàng ò rgơi gŏ, ò rgơi kơno, ò rgơi sa hala ƀô.