Jeremi 10:4 - Sră Goh 2018

⁴ Bol khai ai màh priă mơ bơka gơ; Ai mut mơ pơng đìn, nàng gơ ò ơwañ.

Jeremi 10:4 Mawu Ofanana

Đơs Crih 115:4

Rùp ràk bol khai lơh mơ priă mơ màh, La broă bơh tê cau lơh gơs.

Đơs Crih 135:15

Rùp ràk ală làng bol dê lơh mơ priă mơ màh, La broă bơh tê cau lơh gơs.

Esai 44:12

Cau chài tiar mòn gơ mơ lơh broă hơđang ồs rnga; teh gơ mơ mut mòn gơs dô nơm rùp ràk, drèp gơ mơ tơwòr tê pràn khai dê. Khai jơgloh mơ òsô tai; khai ò hùc dà mơ bòl glar.

Esai 46:6

Gơs cau tă tơlik màh bơh kơldung khai dê, mơ kơr priă hơđang ală phan kơr; bol khai ơpah cau chài tŏ gơs dô nă yàng, mơ bol khai tơmbic să duh khoai gơ.

Esai 46:7

Bol khai yò ơn gơ hơđang pơnì mơ tui gơ, bol khai bơtào gơtòm tiah gơ dê, mơ gơ ntào tềng hơ̆. Bơh tềng hơ̆ gơ ò rgơi ơwañ. Dilah gơs dô nă cau hòi dan mơ gơ gen gơ ò ho wơl, gơ ò rgơi dong dô nă cau lơi klàs bơh ală bơta rung rài.

Sră Ôse 13:2

Tŭ do bol khai kư̆ tìs glài sơlo ngai sơlo gơbơtơl tai; mơ lơh gơs dô nơm rùp bol khai in, ală rùp ràk mơ priă jat be bơta git wă bol khai dê, jơh ală bol gơ la broă lơh bơh tê cau chài lơh dê. Bol khai đơs lah: “Ơn tĕ phan ơn duh khoai bol gơ in.” Làng bol cum rùp ràk kơnrồ kòn.

Habakuk 2:19

Bòl glar ngan cau lơi in đơs mơ chi lah: ‘Guh tĕ!’ Hala đơs mơ lŭ ò gơs bơta kis lah: ‘Ñă ntào tĕ!’ Gơ rgơi bơto sơl? Sền tĕ, gơ neh geh ƀềp mơ màh mơ priă, mơya ò gơs dô êt lơi nhơm tă tòm gơ.