Jeremi 10:19 - Sră Goh 2018

¹⁹ Bòl glar añ in, bơh tềl sồt añ jê! Tềl sồt añ kơnjơ̆ ngan! Mơya añ đơs: “Ngan do la bơta pù tơmàl añ jê, Mơ añ pal kong.”

Jeremi 10:19 Mawu Ofanana

Đơs Crih 39:9

Añ lơh be kloat, ò pò bơr, Tài bơh Yàng neh lơh broă hơ̆.

Đơs Crih 77:10

Chòp añ đơs: “Do la bơta moat jrùng añ jê, hơ̆ la tê ma Bơtau Hơđang Rlau Jơh neh tòmgơl.”

Esai 8:17

Añ rơp gơn kơp Yàng Jehôwa, Kơnràñ neh pồn mat Kơnràñ dê bơh di hìu Jakôp, añ rơp gơn kơnòm di Kơnràñ!

Jeremi 14:17

Mê yal tĕ bol khai in jơnau do: “Lòi mat añ gơhòr dà mat mang mơ ngai ò dơh; Bơh kòn ơruh làng bol añ jê kong pù lơh lề lac, Sồt rmàñ kơnjơ̆ ngan.

Jeremi 14:7

Khoai Yàng Jehôwa, bulah tồi glài iơh bơsak bol hi dê lơh cơng tòmdră mơ bol hi, Dan bơh sơnđan Kơnràñ mơ lơh broă! Bơta jak tòmdră bol hi dê oă ngan; bol hi neh tìs glài mơ Kơnràñ.

Jeremi 17:13

Khoai Yàng Jehôwa, la bơta gơn kơnòm Israel dê, Ală cau lơi sang lòi Kơnràñ gen rơp kong ƀàssìl ƀàsso! Ală cau dô pleh bơh Kơnràñ rơp kong cih sơnđan hơđơm ù, Bơh bol khai neh sang lòi croh dà bơta kis, hơ̆ la Yàng Jehôwa.

Jeremi 4:19

Bơta jê sồt añ jê! Bơta jê sồt añ jê! Bơta jê sồt tơryoat añ; Plai nùs añ gơpiah pràn ngan. Añ ò rgơi ơm mŏ; Bơh añ neh kơno ntas kơlwòk, Jơnau yal tơnggit bơh bơta kơlìn tòmlơh.

Jeremi 4:31

Bơh añ kơno jơnau rơnđơh, gơlơh be cau ùr jê deh, Sap ñìm nggà kung be sap cau ùr deh kòn dơ̆ sơnròp. Hơ̆ la sap ñìm ală kòn ùr Siôn dê, tă nhơm bòl, pò tơlik tê khai dê: “Dồn sa añ in! Añ neh chơt kơng di đap ală cau tơnchơt cau!”

Jeremi 8:21

Bơh bơta jê sồt làng bol añ jê, añ kung jê sồt; Añ moat jrùng jê sồt mơ rngòt rngơt sơmbat kup añ.

Jeremi 9:1

Ôih! Kơp kòñ bồ añ la dô nơm croh dà, Mat añ la dô nơm tồ dà cat dà mat! Nàng añ in ñìm sùm mang mơ ngai Bơh làng bol añ jê gơkòl tơnchơt.

Ñìm Rac 1:2

Khai ñìm rac sràt bơtang tòm trồ mang, dà mat hòr hơđang tơrmồ khai dê. Digùl ală cau khai kòñ gơboh ò gơs cau lơi pơndòm pơniang khai. Jơh ală cau bơyô khai dê tòmdră wơl mơ khai, bol khai gơlik gơs ală cau sò tơm khai dê.

Ñìm Rac 3:48

Mat añ gơhòr dà mat be hiòng, tài bơh bơta tơnroh làng bol añ jê.

Mice 7:9

Añ pal ơnòng bơta gơjrañ dờng Yàng Jehôwa dê; tài bơh añ neh tìs glài tòmdră mơ Kơnràñ, jơl tus di tŭ Kơnràñ dong tò bơta gơrềng tus di añ, mơ lơh gơlik bơta cahrña añ in. Kơnràñ rơp cèng añ lik hơ bơta àng; Añ rơp sền gŏ bơta song ring Kơnràñ dê.