Jeremi 10:18 - Sră Goh 2018

¹⁸ Bơh Yàng Jehôwa đơs be do: “Di di tŭ do, Añ rơp sang sơrbì làng bol lơgar do, Añ rơp cèng bơta bòl glar hơđang bol khai, Nàng bol khai kah rngal wơl.”

Jeremi 10:18 Mawu Ofanana

Esai 22:17

Yàng Jehôwa rơp sơrbì mê jàñ bơsak ngan, ơ cau klau añ jê! Kơnràñ rơp gơrwàng mê kơ̆ ngan.

Jeremi 16:13

Gen tàng Añ rơp sơrbì bol mê lik bơh lơgar do, mut tòm dô nơm lơgar mơ bol mê bal mơ ồng pàng bol mê dê kung òhềt tŭ lơi git, tềng hơ̆ bol mê rơp duh broă ală yàng hơ̆ mang mơ ngai; bơh Añ ò yal tơlik bơta nđàc bol mê in tai.’”

Jeremi 22:26

Añ rơp bơtrơh mê bal mơ mè neh deh mê tus tòm dô nơm lơgar ndai, ò di la tiah neh deh mê, mơ mê rơp chơt tềng hơ̆.

Jeremi 23:20

Bơta gơjrañ Yàng Jehôwa rơp ò ruc wơl Jơl tus di tŭ Kơnràñ lơh sir mơ wil tơl bơta Kơnràñ neh lơh nền tòm nùs, Tòm ngai lồi dut, bol mê rơp git wă loh làng bơta hơ̆.

Ejekiel 6:10

Bol khai rơp git Añ la Yàng Jehôwa; Añ ò đơs pơhìn gòi mơ ò tơndùh bơta rung rài hơđang bol khai.’”

Sôphôni 1:17

Añ rơp cèng bơta rung rài hơđang kòn mơnus, bol khai rơp lòt kung be cau jơngo mat, tài bơh bol khai neh tìs glài tòmdră mơ Yàng Jehôwa. Mhàm bol khai rơp tuh tơlik kung be thul, mơ poac bol khai kung be è.

Sacari 1:6

Mơya ală jơnau đơs mơ ală bơta sồr lam Añ jê neh ai dĭ gơna Añ jê la ală cau gơnoar hwơr, ò di neh kup bàn ală ồng pàng bol mê ò ơ? Gen tàng bol khai neh gơjrañ sang glài mơ đơs lah: ‘Yàng Jehôwa Gơnap Gơnoar Dờng Làm Jơh neh lơh di pal gơwèt hơ gùng dà mơ broă lơh bol he dê, tòm toh jat be Kơnràñ neh lơh nền.’”

Yal Wơl 28:52

Bol khai rơp gòm gơrwàng gùt dar jơh ală ƀòn dờng tòm làm jơh lơgar bol mê dê jơl tus di tŭ ală dơrñang jơnhoa kơ̆ cê mơ bol mê dòn kơnòm rơp tơrlah jơh.

I Samuel 25:29

Dilah gơs cau lơi ting jat ồng nàng tă bơta kis ồng dê, gen bơta kis cau tòm añ jê rơp geh jơm gòm tòm bơta sền gàr Jehôwa Yàng Tom Trồ ồng dê tòm mpồl ală cau kis; mơya bơta kis ală cau sò tơm ồng dê rơp gơkòl sơrbì ngài kung be pơnai lŭ bơh di sơna sơrbì lŭ.