Jeremi 10:16 - Sră Goh 2018

¹⁶ Ò di be Yàng Jehôwa la pơnah sre brê Jakôp dê, Tài bơh Kơnràñ neh crơng gơs jơh ală phan, mơ Israel la jơi bơtiàn sre brê Kơnràñ dê. Sơnđan Kơnràñ la Yàng Jehôwa Gơnap Gơnoar.”

Jeremi 10:16 Mawu Ofanana

Đơs Crih 119:57

Yàng Jehôwa la sre brê añ jê; Añ ho rơp prap gàr jơnau Kơnràñ dê.

Đơs Crih 135:4

Bơh Yàng Jehôwa neh sac rwah Jakôp Kơnràñ in, Sac rwah làng bol Israel lơh gơs sre brê Kơnràñ dê.

Đơs Crih 142:5

Ơ Yàng Jehôwa, añ rac dan mơ Kơnràñ, Mơ đơs lah: Kơnràñ la tiah kìng crŭ añ jê, La pơnah gơrê mơ añ tòm ù cau kis dê.

Đơs Crih 33:6

Ală tap trồ neh geh lơh gơs bơh jơnau Yàng Jehôwa dê, Jơh ală mpồl ling hơđang trồ neh geh lơh gơs bơh nhơm khồm bơh bơr Kơnràñ dê.

Đơs Crih 73:26

Bulah poac să mơ nùs nhơm añ siar roh, mơya Yàng Tom Trồ la bơta pràn kơldang nùs añ jê, mơ la pơnah añ jê gam sùm sùm.

Đơs Crih 74:2

Dan kah mpồl jơnum Kơnràñ dê mơ Kơnràñ neh bàn bơh yau, Mơ neh tơwài wơl nàng lơh gơs phan jơtài Kơnràñ dê; Kung dan kah mơnơm Siôn la tiah Kơnràñ neh tus ơm.

Lik Ejiptơ 19:5

Gen tàng, tŭ do dilah bol mê dòn bơr Añ wil tơl mơ prap gàr bơta ho bal Añ jê, gen digùl ală làng bol, bol mê rơp la phan jơtài Añ jê. Bulah jơh dunnia gơrê bal mơ Añ,

Lik Ejiptơ 34:9

Khai đơs lah: “Khoai Yàng Jehôwa, dilah añ geh bơta nđàc di đap Yàng, gen dan Yàng Jehôwa lòt bal mơ bol hi. Bulah làng bol do la dô nơm làng bol kơldang bồ, dan toh bơta iơh bơsak mơ tồi glài bol hi dê, mơ dan dòp bol hi lơh gơs sre brê Kơnràñ dê.”

Jơnau Pơnđik 16:4

Yàng Jehôwa crơng gơs ală jơi phan gơs tơnggume broă gơ dê; Tian gơs cau iơh, prap lòi ngai rung rài in.

Esai 19:25

Yàng Jehôwa Gơnap Gơnoar Dờng rơp ai lơngai bol khai in mơ đơs lah: “Lơngai Ejiptơ in la làng bol Añ jê, Asiri in la broă lơh tê Añ jê, mơ Israel in la phan jơtài Añ jê.”

Esai 45:7

Añ lơh gơs bơta àng mơ mòn gơs bơta klam jơngo, Añ ai bơta lơngai lơngò mơ crơng gơs bơta rung rài; Añ, Yàng Jehôwa, lơh jơh ală bơta hơ̆.

Esai 47:4

Bơtau Dong tơwài bol he dê, Sơnđan Kơnràñ la Yàng Jehôwa Gơnap Gơnoar Dờng Làm Jơh, la Bơtau Sàng Goh Israel dê.

Esai 47:6

Añ neh gơhào gơjrañ di làng bol Añ jê, Añ lơh ƀơ̆ ƀơl sre brê Añ, Añ jào bol khai tòm tê ai dê, mơ ai ò yal tơlik bơta nđàc sơngit, Ai ơn dô nơm yô kơnjơ̆ rlau ir hơđang cau kra krồñ.

Esai 51:15

Bơh Añ la Jehôwa Yàng Tom Trồ bol mê dê, la Bơtau lơnggac dàlềng lơh ryà dà gơ dê nggồr ur ur, Yàng Jehôwa Gơnap Gơnoar Dờng la sơnđan Kơnràñ dê.

Esai 54:5

Bơh Bơtau Crơng Gơs ai la bau klau ai dê, Sơnđan Kơnràñ la Yàng Jehôwa Gơnap Gơnoar Dờng Bơtau Sàng Goh Israel dê la Bơtau dong tơwài ai, Kơnràñ geh sơnđan la Yàng Tom Trồ jơh plai ù dê.

Jeremi 10:12

Să tòm Yàng Jehôwa neh crơng gơs ù bơh gơnap gơnoar Kơnràñ dê, Neh bơtào gơs lơgar dunnia bơh bơta jak chài Kơnràñ dê, Neh lì ală tap trồ bơh bơta git wă Kơnràñ dê.

Jeremi 10:6

“Ơ Yàng Jehôwa, ò gơs cau lơi ndròm bal mơ Kơnràñ! Kơnràñ la dờng, Sơnđan Kơnràñ gơs gơnoar pràn dờng ngan.

Jeremi 31:35

Yàng Jehôwa, la Bơtau neh ai gơnoar sồr mattơngai lơh gơs bơta àng trồ ngai, Ai gơnoar sồr mat kơnhai mơ sơmañ lơh gơs bơta àng tòm trồ mang, Bơtau lơh lơnggac dàlềng, tian gơs ryà gơ nggồr ur ur, Yàng Jehôwa Gơnap Gơnoar la sơnđan Kơnràñ dê đơs lah:

Jeremi 32:18

Kơnràñ ràng tơlik bơta kòñ gơboh kơ̆ dơn gơwèt hơ rbô rài, mơya lơh glài bơh bơta tồi glài ồng pàng dê hơđang kòn sau tòm rài tơnơ̆. Khoai Yàng Tom Trồ dờng mơ gơs gơnap gơnoar làm jơh, sơnđan Kơnràñ la Yàng Jehôwa Gơnap Gơnoar Dờng Làm Jơh.

Jeremi 33:2

“Yàng Jehôwa la Bơtau lơh gơs bơta do, Yàng Jehôwa la Bơtau bơt bơtào lơh gơ in kơ̆, Jehôwa la sơnđan Kơnràñ, đơs be do:

Jeremi 46:18

Bơtau, sơnđan Kơnràñ la Yàng Jehôwa Gơnap Gơnoar đơs lah: “Ngan kung be Añ kis sùm, Cau sò tơm rơp tus, kung be mơnơm Thabôr ơm digùl ală mơnơm, kung be Karmel mpòl di gah dàlềng.

Jeremi 50:34

Bơtau Dong tơwài bol khai la pràn kơldang, sơnđan Kơnràñ la Yàng Jehôwa Gơnap Gơnoar. Nền ngan, Kơnràñ rơp dong tò bol khai, nàng Kơnràñ ai jơh lơgar in geh rlô, mơya lơh bòl glar làng bol Babilôn.”

Jeremi 51:19

Mơya sre brê Jakôp dê gen ò di be bol khai, Bơh să tòm Kơnràñ la Bơtau neh crơng gơs ală phan, Ai Israel la jơi bơtiàn sre brê Kơnràñ dê. Sơnđan Kơnràñ la Yàng Jehôwa Mpồl Ling.”

Ñìm Rac 3:24

Hwềng soàn añ đơs: “Yàng Jehôwa la pơnah sre brê añ jê, gen tàng añ ơn nùs gơn kơnòm di Kơnràñ.”

Amôs 4:13

Kơnràñ la Bơtau neh lơh gơs ală mơnơm, neh crơng gơs càl mơ yal tơlik bơta kơlôi sơnơng Kơnràñ dê kòn mơnus in, la Bơtau neh lơh àng drim gơlik klam jơngo, mơ cơnđòa lòt hơđang ală tiah jòng ù dê; Jehôwa Yàng Tom Trồ Gơnap Gơnoar Dờng Làm Jơh la sơnđan Kơnràñ.

Sacari 2:12

Yàng Jehôwa rơp dòp geh Juda lơh gơs sre brê Kơnràñ dê tòm lơgar sàng goh, mơ dô dơ̆ tai Kơnràñ rơp sac rwah Jerusalem.

Yal Wơl 32:9

Bơh pơnah gơrê bal mơ Yàng Jehôwa la làng bol Kơnràñ dê. Jakôp la sre brê neh tă khà ai Kơnràñ in.