Jeremi 10:12 - Sră Goh 2018

¹² Să tòm Yàng Jehôwa neh crơng gơs ù bơh gơnap gơnoar Kơnràñ dê, Neh bơtào gơs lơgar dunnia bơh bơta jak chài Kơnràñ dê, Neh lì ală tap trồ bơh bơta git wă Kơnràñ dê.

Jeremi 10:12 Mawu Ofanana

Sơnròp Gơlik Gơs 1:1

Bơh sơnròp Yàng Tom Trồ crơng gơs ală trồ mơ tiah.

Sơnròp Gơlik Gơs 2:5

òhềt gơs dô nơm chi dềt lơi hòn tòm ƀlàng, mơ kung òhềt gơs dô nơm ngkòng ñhơt lơi hòn tòm sre, bơh Jehôwa Yàng Tom Trồ òhềt ai mìu dùh tòm ù, mơ kung ò gơs dô nă cau lơi lơòr ù.

I Yal Yau 16:26

Bơh jơh ală yàng ală làng bol dê la ală rùp ràk, mơya Yàng Jehôwa neh lơh gơs ală tap trồ.

Sră Jop 26:7

Kơnràñ dă ală tap trồ đah đang tòm pah gòi: Kơnràñ yồng plai ù hơđang ò gơs phan lơi.

Sră Jop 37:18

Ồng rgơi lơh be Yàng Tom Trồ lì ală tap trồ, kră be dô nơm krơh neh tŏ sơl?

Sră Jop 9:8

Mìng dô nă Kơnràñ lì ală tap trồ, Mơ jă trơm ală ryà dàlềng dê.

Đơs Crih 104:2

Yàng ai bơta àng gòm să tòm Kơnràñ ò gơkrơi be ào, Yàng lì ală tap trồ be dô nơm sàl.

Đơs Crih 104:24

Ơ Yàng Jehôwa, ală broă Kơnràñ dê la oă ngan ò git lơh! Kơnràñ neh lơh jơh ală bơta dô bă jak chài ngan; Plai ù bềng lìu ală phan kis mơ Kơnràñ neh crơng gơs.

Đơs Crih 119:90

Bơta dòn song Yàng dê gam sùm bơh rài do tus rài ne; Kơnràñ neh bơtào plai ù, mơ gơ gam ơm kơ̆ nền.

Đơs Crih 24:2

Bơh Kơnràñ neh lơh mơnàng plai ù hơđang ală dàlềng, Mơ bơtào gơ kơ̆ hơđang ală dà hiòng.

Đơs Crih 33:6

Ală tap trồ neh geh lơh gơs bơh jơnau Yàng Jehôwa dê, Jơh ală mpồl ling hơđang trồ neh geh lơh gơs bơh nhơm khồm bơh bơr Kơnràñ dê.

Đơs Crih 65:7

Yàng lơh ring ngềt bơta nggồr dàlềng dê, bơta nggồr ală ryà gơ dê, Mơ bơta sơlồng sơlàng làng bol dê.

Đơs Crih 78:69

Kơnràñ bơt hìu sàng goh Kơnràñ dê ndròm be ală tap trồ jòng, Ò gơkrơi be plai ù mơ Kơnràñ neh bơtào gơs gam sùm sùm.

Đơs Crih 93:1

Yàng Jehôwa la Bơtau at bồ; Kơnràñ soh bơta ryŭ ryơm be ào; Yàng Jehôwa soh mơ kơt but mơ bơta pràn kơldang. Dunnia geh bơtào kơ̆, mơ rơp ò gơs tŭ lơi wañ lơnggơh.

Jơnau Pơnđik 3:19

Yàng Jehôwa ngui bơta jak chài bơt bơtào plai ù; Ngui bơta git wă nàng lơh gơs ală tap trồ.

Jơnau Pơnđik 30:4

Ñcau neh guh hơđang trồ, lồc behơ̆ mù wơl taih? Ñcau neh tơrgòm càl tòm kơndồm tê he taih? Ñcau neh bơ̆ dà tòm ào he taih? Ñcau neh bơtào gơs ală nhàr plai ù taih? Ñchi sơnđan mat khai, mơ ñchi sơnđan mat kòn klau khai taih? Dilah mê git đơs tĕ.

Esai 37:16

“Ơ Yàng Jehôwa Gơnap Gơnoar Dờng la Yàng Tom Trồ Israel dê, la Bơtau nggui hơđang sơbàn digùl ală ceruƀim, mìng dô nă Kơnràñ la Yàng Tom Trồ hơđang ală lơgar tòm ù. Kơnràñ neh crơng gơs trồ mơ tiah.

Esai 40:22

Kơnràñ ơm nggui hơđang dơwàng plai ù dê, làng bol hơđang ù gơlơh kung be srah nting. Kơnràñ pò ală tap trồ kung be bài kơrnìng, mơ lă gơ kung be dô nơm sàl nàng ơm.

Esai 42:5

Do la jơnau đơs Jehôwa Yàng Tom Trồ dê, la Bơtau neh crơng gơs mơ pò ală tap trồ, mơ lă plai ù bal mơ jơh ală phan lik bơh gơ, la Bơtau ai nhơm tă ală làng bol ơm hơđang gơ, mơ ai hwềng ală cau cơnđòa lòt hơđang gơ:

Esai 44:24

Yàng Jehôwa la Bơtau Dong Tơwài mê dê la Bơtau neh lơh gơs mê bơh tòm kơndul mè, đơs be do: “Añ la Yàng Jehôwa, la Bơtau neh lơh gơlik gơs jơh ală phan, mìng dô nă Añ neh lì ală tap trồ, mìng dô nă Añ neh lă plai ù.

Esai 45:12

Hơ̆ la să tòm Añ neh lơh gơlik gơs plai ù, mơ crơng gơs jơi kòn mơnus ơm hơđang gơ. Tê Añ neh lì ală tap trồ; Añ neh rơndap ală mpồl sơmañ gơ dê.

Esai 45:18

Bơh Yàng Jehôwa la Bơtau neh crơng gơs ală tap trồ, Kơnràñ la Yàng Tom Trồ; Kơnràñ neh mòn mơ lơh gơs plai ù, Kơnràñ neh bơt bơtào gơ: Kơnràñ ò di neh crơng gơs gơ la ngềt ngơt ò gơs cau ơm, mơya neh lơh gơs nàng làng bol in ơm, Kơnràñ đơs be do: “Añ la Yàng Jehôwa, ò gơs yàng lơi ndai tai ò!

Esai 48:13

Tê tòm Añ neh bơt ală mơnàng plai ù, mơ tê ma Añ neh lì ală tap trồ; tòm tŭ Añ hòi bol gơ tus, jơh ală bol gơ ntào ơn nùs kơlôi.

Esai 49:8

Yàng Jehôwa đơs be do: “Tòm dô tŭ Añ niam nùs, Añ neh ho wơl mê in, mơ tòm ngai dong klàs Añ neh dong kòl mê; Añ rơp sền gàr mê mơ ai mê in be dô bơta ho bal làng bol in, nàng bơt bơtào wơl lơgar, mơ tòmpà pơnah sre brê neh lòi srau gòi gơ dê,

Jeremi 10:13

Tŭ Kơnràñ tơlik sap đơs, gen dà nggồr tòm ală tap trồ; Kơnràñ lơh nhơm dà guh bơh tiah lồi plai ù, Lơh puhlèp jat mìu, cèng tơlik càl bơh tòm đam Kơnràñ dê;

Jeremi 10:16

Ò di be Yàng Jehôwa la pơnah sre brê Jakôp dê, Tài bơh Kơnràñ neh crơng gơs jơh ală phan, mơ Israel la jơi bơtiàn sre brê Kơnràñ dê. Sơnđan Kơnràñ la Yàng Jehôwa Gơnap Gơnoar.”

Jeremi 14:22

Gơs rùp ràk lơi ală làng bol bơdìh dê rgơi cèng mìu sơl? Hala ală tap trồ rgơi ai mìu ơ? Ơ Jehôwa Yàng Tom Trồ bol hi dê, hơ̆ ò di la Kơnràñ ơ? Bol hi gơn kơnòm di Kơnràñ, Bơh Kơnràñ la Bơtau lơh gơs jơh ală bơta hơ̆.

Jeremi 27:5

‘Să tòm Añ la Bơtau neh lơh gơs ù tiah, jơi kòn mơnus mơ jơi phan poan jơng ơm hơđang plai ù, bơh gơnoar dờng mơ tơwòr tê Añ jê pò tơlik, Añ ai gơ cau lơi in jat nùs Añ kòñ.

Jeremi 32:17

‘Khoai Yàng Jehôwa, Kơnràñ neh ngui gơnap gơnoar dờng làm jơh mơ pò tơlik tơwòr Kơnràñ dê mơ crơng gơs ală tap trồ mơ tiah; ò gơs bơta lơi la kalke Kơnràñ in.

Sacari 12:1

Do la jơnau Yàng Jehôwa đơs bơh Israel. Yàng Jehôwa la Bơtau neh lì ală tap trồ, bơt mơnàng plai ù, mơ crơng gơs hwềng tòm kòn mơnus, neh đơs be do:

Jang 1:3

Jơh ală phan la bơh Kơnràñ crơng gơs, ò gơs phan lơi neh geh crơng gơs la ò bơh Kơnràñ.

Kôlôse 1:16

Bơh jơh ală bơta neh geh crơng gơs tòm Kơnràñ, bulah phan hơđang trồ hala tòm ù, phan rgơi gŏ hala phan he ò rgơi gŏ, hala ală gơnoar at bồ, hala ală gơnoar; jơh ală bơta tus bơh Kơnràñ mơ la tài bơh Kơnràñ mơ geh crơng gơs.