Jeremi 10:10 - Sră Goh 2018

¹⁰ Mơya Yàng Jehôwa la Yàng Tom Trồ song ngan; Kơnràñ la Yàng Tom Trồ kis sùm, la Bơtau gam sùm sùm. Bơh bơta gơjrañ Kơnràñ dê ù gơlơnggơr, Ală làng bol ò jai kong bơta gơjrañ Kơnràñ dê.

Jeremi 10:10 Mawu Ofanana

Sơnròp Gơlik Gơs 21:33

Abraham tam dô đòm ơmil tòm tiah Beerseba, mơ tềng hơ̆ khai hòi dan di sơnđan Yàng Jehôwa la Yàng Tom Trồ gam sùm sùm.

I Ală Bơtau 18:39

Gŏ behơ̆, jơh làng bol tơmbic să tòm ù, mơ driau lah: “Jehôwa ngan la Yàng Tom Trồ! Jehôwa ngan la Yàng Tom Trồ!”

I Ală Bơtau 8:60

behơ̆ nàng ală làng bol lơgar dunnia dê git la Jehôwa la Yàng Tom Trồ, mơ ò gơs Yàng lơi ndai tai.

I Yal Yau 29:11

Ơ Yàng Jehôwa, bơta dờng màng, gơnap gơnoar, gơklŏ, bơta pha lin mơ bơta ryŭ ryơm, Kơnràñ dê, bơh jơh ală bơta hơđang trồ mơ tòm ù gơrê bal mơ Kơnràñ. Ơ Yàng Jehôwa, lơgar gơrê bal mơ Kơnràñ; Kơnràñ geh yò tơngguh gơs bơtau at bồ hơđang rlau jơh;

II Yal Yau 15:3

Neh jŏ rau Israel kis ò gơs Yàng Tom Trồ song ngan, ò gơs dô nă cau gơnoar ơn phan duh khoai la cau bơto, mơ ò gơs bơta boh lam.

Sră Jop 9:6

Kơnràñ rơnggô plai ù bơh tiah gơ dê, Mơ lơh ală jrong gơ dê gơlơnggơr.

Đơs Crih 10:16

Yàng Jehôwa la Bơtau at bồ jơl sùm sùm ò git lồi; Ală làng bol rơp gơkòl tơnroh thit bơh di lơgar Kơnràñ dê.

Đơs Crih 100:3

Dòp git tĕ lah Jehôwa la Yàng Tom Trồ! Să tòm Kơnràñ neh crơng gơs bol he, bol he gơrê mơ Kơnràñ; Bol he la làng bol Kơnràñ dê, la mpồl belàt ơm tòm ƀlàng ñhơt Kơnràñ dê.

Đơs Crih 100:5

Bơh Yàng Jehôwa la niam; bơta kòñ gơboh kơ̆ dơn Kơnràñ dê gam gơs sùm sùm, Mơ bơta dòn song Kơnràñ dê gam jơl jơh ală rài.

Đơs Crih 104:32

Kơnràñ sền di ù tiah gen gơlơnggơr, Kơnràñ ƀư di ală mơnơm gen ñhŭ gơguh.

Đơs Crih 114:7

Ơ plai ù, rngòt rơm să tĕ di đap Yàng Jehôwa, Di đap Yàng Tom Trồ Jakôp dê.

Đơs Crih 145:13

Lơgar Yàng la lơgar gam sùm sùm, Gơnoar at bồ Yàng dê gam gơs jơl jơh ală rài. Yàng Jehôwa lơh jat jơh ală jơnau Kơnràñ dê, Mơ gơs bơta nđàc tòm jơh ală broă lơh Kơnràñ dê.

Đơs Crih 146:6

Kơnràñ la Bơtau crơng gơs trồ mơ tiah, Dàlềng, mơ jơh ală phan tòm hơ̆; Kơnràñ dòn song sùm sùm.

Đơs Crih 18:7

Tŭ hơ̆ ù lơnggơr mơ gơrơm, Mơnàng ală mơnơm kung gơwañ mơ lơnggơr, tài bơh Kơnràñ gơhào gơjrañ.

Đơs Crih 29:10

Yàng Jehôwa ơm di sơbàn hơđang dà kŏ; Ngan Yàng Jehôwa ơm di sơbàn bơtau jơl sùm sùm.

Đơs Crih 31:5

Añ jào hwềng añ tòm tê Yàng; Ơ Jehôwa la Yàng Tom Trồ dòn song, Kơnràñ neh tơwài añ.

Đơs Crih 42:2

Hwềng soàn añ tơhìr Yàng Tom Trồ, la Yàng Tom Trồ gam kis sùm. Tŭ lơi añ rơp lòt tus mơ tìp mat Yàng Tom Trồ taih?

Đơs Crih 68:11

Yàng ai gơnoar sồr; Ală cau neh yal wơl jơnau sồr hơ̆ la dô mpồl oă.

Đơs Crih 68:8

Gen ù lơnggơr, ală tap trồ dùh mìu dờng di đap Yàng Tom Trồ; la Yàng Tom Trồ Sinai dê, di đap Yàng Tom Trồ, la Yàng Tom Trồ Israel dê.

Đơs Crih 74:12

Bulah behơ̆, Yàng Tom Trồ la Bơtau añ jê bơh yau òr, Kơnràñ lơh broă bơta dong klàs digùl ală lơgar.

Đơs Crih 76:7

Mơya Yàng la pal rngòt ngan! Tòm tŭ Yàng gơhào gơjrañ gen ñcau rgơi ntào jai di đap Kơnràñ taih?

Đơs Crih 76:8

Bơh đang trồ Yàng tơlik jơnau cahrña; Plai ù rngòt rngơt mơ ơm mŏ mŏ.

Đơs Crih 77:18

Ntơr kơnàs Yàng dê gơ ơm tòm càl wàl bong, Puhlèp Kơnràñ dê sòl pơnđàng dunnia, Plai ù gơlơnggơr mơ nggồr.

Đơs Crih 84:2

Hwềng soàn añ kơp kòñ tian gơs bòl glar ngan bơh tiah ơm Yàng Jehôwa dê; Nùs mơ poac să añ chò hòp đơs chò jòng ro Yàng Tom Trồ gam kis sùm.

Đơs Crih 9:8

Kơnràñ ai bơta song ring nàng cahrña dunnia, Kơnràñ cahrña ală làng bol dô bă ring bal.

Đơs Crih 90:11

Ñcau git kơlôi bơh gơnoar bơta gơhào gơjrañ Yàng dê taih? Ñcau git kơlôi bơh bơta gơjrañ dờng Kơnràñ dê gen rngòt di Kơnràñ taih?

Đơs Crih 90:2

Lài mơ tŭ ală mơnơm òhềt gơs, Mơ Kơnràñ òhềt crơng gơs ù mơ lơgar dunnia, Bơh sơnròp jơl sùm sùm Yàng la Yàng Tom Trồ.

Đơs Crih 93:2

Sơbàn Yàng dê neh bơtào kơ̆ bơh rài yau òr; Yàng gam gơs sùm sùm ò lồi.

Đơs Crih 97:4

Puhlèp Kơnràñ dê sòl pơnđàng dunnia; Plai ù gŏ gen lơnggơr.

Esai 37:17

Ơ Yàng Jehôwa, dan ai tồr iat! Khoai Yàng Jehôwa, dan pò mat mơ sền! Dan iat jơh ală jơnau mơ Sennacerip neh sồr nàng lah sơrpah di Yàng Tom Trồ gam kis sùm sùm!

Esai 37:4

Digơlan Jehôwa Yàng Tom Trồ ồng dê neh kơno ală jơnau đơs Rapsake dê mơ cau tòm khai la bơtau Asiri neh sồr tus nàng bơrsèl tơnhial di Yàng Tom Trồ gam kis sùm sùm; Kơnràñ rơp lơh glài khai jat be ală jơnau Jehôwa Yàng Tom Trồ ồng dê neh kơno. Behơ̆ gen hòi dan tĕ ală cau gam ơm wơl mơ gam kis in!’”

Esai 40:15

Ngan, ală làng bol ò gơkrơi kung be dô tơioh dà tòm thùng; geh kòp be kơmbuh ù hơđang phan kơr; Kơnràñ kơr ală bồt pơlào kung be kơmbuh ù rhền.

Esai 40:28

Mê ò git sơl ơ? Mê òhềt kơno sơl ơ? Yàng Jehôwa la Yàng Tom Trồ kis gam sùm sùm, la Bơtau Crơng Gơs ală tiah lồi dut plai ù dê. Kơnràñ ò bòl ò glar, bơta git wă Kơnràñ dê ò gơs cau lơi rgơi jòi bàn.

Esai 57:15

Bơh Bơtau hơđang jòng rlau jơh, la Bơtau ơm tòm tiah gam sùm sùm, Sơnđan Kơnràñ la Bơtau Sàng Goh, đơs be do: “Añ ơm tòm dô bă tiah jơnhoa mơ sàng goh, mơya kung ơm mơ cau gơs nùs jê sồt gơjrañ sang glài mơ pơndêt să, nàng lơh pa wơl hwềng nùs cau pơndêt să, mơ lơh pa wơl nùs cau gơjrañ sang glài.

Esai 65:16

Cau lơi hòi dan dô bơta lơngai tòm lơgar gen rơp ai lơngai bơh Yàng Tom Trồ bơta dòn song dê; cau lơi srat să ho nền tòm lơgar gen rơp srat să bơh Yàng Tom Trồ bơta dòn song dê. Bơh ală bơta bòl glar kalke lài òr neh hŭi jơh mơ neh pồn ndơp bơh di mat Añ.

Jeremi 23:36

Tŭ hơ̆ bañ đơs ‘Ơnòng kơnjơ̆ Yàng Jehôwa dê tai;’ bơh jơnau đơs kòp nă cau dê rơp la dô nơm ơnòng kơnjơ̆ khai dê, bơh bol mê neh lơh tìs ală jơnau đơs Yàng Tom Trồ kis gam sùm dê, Yàng Jehôwa Gơnap Gơnoar, Yàng Tom Trồ bol he dê.

Jeremi 4:2

Mơ dilah mê srat să ‘Kung be Yàng Jehôwa kis sùm!’ Tòm jơnau song, tòm bơta song ring, mơ song ngan, Gen ală lơgar rơp geh lơngai bơh Kơnràñ, Mơ bơh Kơnràñ bol khai jòng să.”

Jeremi 4:24

Añ sền hơđang ală mơnơm, ne, jơh gơlơnggơr; mơ jơh ală dòr ơwañ lòt bơh tiah do tus tiah ne.

Jeremi 50:46

Kơno jơnau Babilôn gơkòl kup, ù tiah gơlơnggơr, mơ sap driau geh kơno digùl ală lơgar.

Jeremi 51:29

Ù tiah lơnggơr mơ jê sồt, bơh nùs kòñ Yàng Jehôwa tòmdră mơ Babilôn geh ntào kơ̆, Nàng lơh tiah Babilôn in ngềt ngơt, Ò gơs làng bol ơm.

Daniel 4:3

Ală tềl is Kơnràñ dê la dờng ngan, Ală bơta krơi Kơnràñ lơh la pràn kơldang ò git nđò! Lơgar Kơnràñ dê la lơgar gam sùm sùm, Gơnoar at bồ Kơnràñ dê gam bơh rài do tus hơ rài ne!”

Daniel 4:34

Tus di lồi dut ală ngai hơ̆, añ la Nebukatnessar, añ wèt mat tơnggòr sền hơđang trồ, gen dơngoh jak gơrê wơl hơ añ, mơ añ jòng ro Bơtau Hơđang Rlau Jơh. Añ jòng ro mơ lơh gơklŏ sơnđan Bơtau kis gam sùm sùm: Gơnoar at bồ Kơnràñ dê la gơnoar gam sùm sùm. Lơgar Kơnràñ dê gam bơh rài do tus hơ rài ne.

Daniel 6:26

Añ ai jơnau sồr lah tòm làm jơh lơgar añ, jơh tơl nă cau pal rơm să rngòt di đap Yàng Tom Trồ Daniel dê. Kơnràñ la Yàng Tom Trồ gam kis sùm sùm mơ gam gơs sùm sùm. Lơgar Kơnràñ dê ò gơs tŭ lơi roh, mơ gơnoar at bồ Kơnràñ dê ò gơs tŭ lơi lồi.

Daniel 6:27

Kơnràñ dong tă mơ dong klàs, lơh ală tềl is bơta krơi hơđang trồ mơ tòm ù, Kơnràñ neh dong tă Daniel bơh di gơnoar pràn ală klìu triă dê.”

Daniel 7:14

Kơnràñ geh Bơtau Yau Òr jào gơnoar, bơta gơklŏ mơ gơnoar at bồ lơgar tồ jơh ală làng bol, ală lơgar, mơ ală jơnau đơs pal duh khoai Kơnràñ. Gơnoar at bồ Kơnràñ dê kơ̆ nền gam sùm sùm, gơnoar hơ̆ ò tŭ lơi lồi jơh, mơ lơgar Kơnràñ at bồ ò gơs tŭ lơi gơkòl tơnroh.”

Jôel 2:11

Yàng Jehôwa lơh gơlik sap Kơnràñ dê di đap mpồl ling Kơnràñ dê, mpồl ling Kơnràñ dê la gal ngan ò rgơi kòp, mơ ală cau lơh jat jơnau sồr Kơnràñ dê ò rgơi kòp. Ngan, ngai Yàng Jehôwa dê la dờng ngan mơ kìr rngòt ngan, Ñcau rgơi kong jai taih?

Mice 1:4

Gen jơh ală mơnơm lề lac hơđơm Kơnràñ, mơ ală thòng rơp bơcah lề, be jrềng ơm rềp ồs, be dà hòr mù bơh kơh mơnơm.

Nahum 1:5

Ală mơnơm gơlơnggơr di đap Kơnràñ mơ ală dòr lề lac. Plai ù gơlơnggơr di đap mat Kơnràñ, lơgar dunnia bal mơ jơh ală làng bol ơm tòm hơ̆.

Nahum 1:6

Ñcau rgơi ntào jai di đap bơta gơhào gơjrañ Kơnràñ dê taih? Ñcau rgơi kong jai bơta gơhào khuh gơjrañ Kơnràñ dê taih? Bơta gơjrañ dờng Kơnràñ dê gơhòr lik be ồs; ală pơnai lŭ bơcah lề di đap Kơnràñ.

Habakuk 3:10

Ală mơnơm gŏ Kơnràñ gen gơrơm rngòt. Ală gùng dà hòr pràn; brong jrô nggồr sap dờng mơ tơngguh jơnhoa tê gơ hơđang.

Habakuk 3:6

Kơnràñ neh ơm dơh mơ rơnggô plai ù; Kơnràñ sền mơ lơh ală làng bol rơm să. Ală mơnơm gam sùm sùm tơrlah tơrlơm, Ală dòr bơh rài yau lề lac. Ală gùng dà Kơnràñ dê gam sùm sùm ò lồi.

Malaci 3:2

Mơya, ñcau rơp kong jai tòm ngai Kơnràñ tus taih? Ñcau rgơi ntào jai tòm tŭ Kơnràñ tơlik să taih? Bơh Kơnràñ kung be ồs cau chài tŏ tiar goh, kung be ‘kơmbuh pìh’ cau chài pìh goh.

Mathiơ 16:16

Simôn Pier ho lah: “Kơnràñ la Bơtau Krist Kòn Yàng Tom Trồ gam kis sùm.”

Mathiơ 26:63

Mơya Yàng Jesu ơm mŏ mŏ. Cau gơnoar dờng lam bồ ơn phan duh khoai đơs mơ Kơnràñ lah: “Añ sồr mê sơnio Yàng Tom Trồ gam kis sùm, srat să mơ yal tĕ bol hi in, mê ngan la Bơtau Krist, Kòn Yàng Tom Trồ dê ơ?”

Jang 17:3

Bơta kis gam sùm sùm la dòp git Bèp, la Yàng Tom Trồ song ngan mơ gơs mìng dô nă lơm, bal mơ Jesu Krist mơ Bèp neh sồr lòt tus.

Broă 14:15

“Ơ ală oh mi, ñchi bơh tài lơh bơta hơ̆ taih? Bol hi la kòn mơnus kung be ală oh mi sơl, bol hi bơto yal Jơnau Niam ală oh mi in, nàng oh mi wèt sang ală yàng roh lơm ne, mơ rê wơl hơ Yàng Tom Trồ gam kis sùm, la Bơtau neh crơng gơs trồ tiah, dàlềng mơ ală phan tòm hơ̆.

Yal Wơl 32:4

Kơnràñ la Pơnai Lŭ, broă lơh Kơnràñ dê la wil tơl, mơ jơh ală gùng dà Kơnràñ dê la song ring. Yàng Tom Trồ Bơtau dòn song, ò blac pơrlồm, Kơnràñ la Bơtau song ngan mơ song ring;

Yal Wơl 5:26

Bơh tŭ lơi gơs kòn mơnus lơi neh kơno sap đơs Yàng Tom Trồ kis gam sùm sùm đơs bơh tòm ồs kung be bol hi neh kơno mơ gam kis taih?

I Tesalônika 1:9

Bơh să tòm bol khai yal wơl mbe lơi bol hi tus digùl oh mi, mơ mbe lơi oh mi neh sang rùp ràk mơ rê wơl hơ Yàng Tom Trồ, nàng duh broă Yàng Tom Trồ gam kis sùm mơ song ngan,

I Timôthe 1:17

Dan Bơtau gam sùm sùm, ò tŭ lơi chơt, he ò rgơi gŏ, hơ̆ la Yàng Tom Trồ mìng dô nă lơm, geh bơta màng ryŭ, gơklŏ sùm sùm ò lồi. Amen.

I Timôthe 6:17

Bơto tĕ kràñ cê cau pas gơs ơm tòm dunnia do bañ pơnhừ să mơ bañ ơn nùs gơn kơnòm di phan mơna ò kơ̆ nền, mơya pal ơn tĕ nùs gơn kơnòm di Yàng Tom Trồ, la Bơtau ai gòi jơh ală phan lìu làc bol he in dòp geh dô bă hòn chò.

Hebrơ 10:31

Cau lơi dùh tòm tê Yàng Tom Trồ gam kis sùm gen la sơbơng roh ngan!

Jôsue 3:10

Bơh bơta do bol mê rơp git Yàng Tom Trồ la Bơtau kis gam sùm sùm ơm digùl bol mê, mơ ngan la Kơnràñ rơp ting bơtrơh bơh di đap bol mê làng bol Kanaan, làng bol Hetit, làng bol Hebit, làng bol Pherijit, làng bol Girgasit, làng bol Amôrit mơ làng bol Jebusit:

I Jang 5:20

Bol he git lah Kòn Yàng Tom Trồ dê neh lòt tus, Kơnràñ neh ai bơta git wă bol he in nàng bol he in dòp git Bơtau song ngan, mơ bol he ơm tòm Bơtau song ngan, la ơm tòm Yàng Jesu Krist, Kòn Kơnràñ dê. Hơ̆ la Yàng Tom Trồ Bơtau song ngan mơ la bơta kis gam sùm sùm.

Yal Tơlik 20:11

Chòp añ gŏ dô nơm sơbàn dờng mơ bò bal mơ Bơtau nggui hơđang sơbàn; trồ tiah dô jơh bơh di đap Kơnràñ, ò gơs tiah lơi bol gơ in tai.

Ală Kwang Cahrña 5:4

Ơ Yàng Jehôwa, tòm tŭ Kơnràñ lik bơh Seir, tòm tŭ Kơnràñ lik lòt bơh di lơgar Edôm, gen ù tiah gơlơnggơr, ală tap trồ dùh mìu dờng, ală mhwal gơtuh dà.

I Samuel 17:26

Gen Dabit lùp ală cau ơm rềp mơ khai lah: “Ñchi rơp lơh di cau rgơi tơnchơt cau Philistin do mơ tă sang bơta ƀàssìl bơh Israel? Cau Philistin ò siat gơltau do la ñcau mơ khin đơs pơrlòng ală mpồl ling Yàng Tom Trồ kis sùm sùm dê taih?”

I Samuel 17:36

Cau duh broă bơtau dê neh tơnchơt klìu triă mơ jơgơu, gen cau Philistin ò siat gơltau do rơp gơlik gơs kung be dô nơm tòm bol gơ, bơh khai neh đơs jơnau pơrlòng ală mpồl ling Yàng Tom Trồ gam kis sùm sùm dê.