Jeremi 1:9 - Sră Goh 2018

⁹ Gen, Yàng Jehôwa pò tê ƀư di bơr añ, Yàng Jehôwa đơs tai mơ añ lah: “Do, Añ rơp ơn ală jơnau Añ tòm bơr mê.

Jeremi 1:9 Mawu Ofanana

Esai 49:2

Kơnràñ neh lơh bơr añ kung be đào sồt; Kơnràñ neh pồn ndơp añ tòm mƀur tê Kơnràñ dê; Kơnràñ neh lơh añ in gơlik kung be kam geh tho àng goh, mơ pồn añ tòm ding kam Kơnràñ dê.

Esai 50:4

Yàng Jehôwa la Yàng Tom Trồ neh ai Añ in dô nơm lơmpiat dô nă cau bơto dê, tồ Añ in git ngui jơnau mbe lơi nàng yò đo cau bòl glar gơplơ̆ nùs. Kơnràñ pơrlai Añ kòp àng drim, Wàs tồr Añ nàng iat kung be dô nă cau geh bơto sồr.

Esai 51:16

Añ neh ơn ală jơnau đơs Añ jê tòm bơr bol mê, mơ neh pồn bol mê tòm mƀur mpàng tê Añ jê. Añ neh lì ală tap trồ, mơ neh lă ală mơnàng plai ù dê, mơ đơs mơ Siôn lah: ‘Bol mê la làng bol Añ jê.’”

Esai 59:21

Yàng Jehôwa đơs lah: “Đah mơ Añ, do la bơta ho bal Añ neh bơt bơtào mơ bol khai. Hwềng Añ la Bơtau ơm hơđang bol mê, mơ ală jơnau Añ neh ơn tòm bơr bol mê rơp ò lik bơh di bơr bol mê, hala bơh di bơr kòn sau bol mê, hala bơh di bơr kòn sau bol khai dê bơh tŭ do jơl tus sùm sùm,” Yàng Jehôwa đơs behơ̆.

Jeremi 15:19

Gen tàng, Yàng Jehôwa đơs be do: “Dilah mê rê wơl, gen Añ rơp cèng mê wơl mơ mê rơp ntào di đap Añ; Dilah mê sac bơta niam mơ sang bơta iơh, Gen mê rơp duh broă be bơr Añ jê. Bol khai rơp rê wơl mơ mê; Mơya mê bañ rê wơl mơ bol khai.

Jeremi 34:6

Gen cau gơnoar hwơr Jeremi đơs ală jơnau hơ̆ mơ Jedekia, bơtau Juda, tòm Jerusalem,

Jeremi 36:2

“Ai tĕ dô dap sră, cih wơl tòm hơ̆ ală jơnau Añ neh đơs mơ mê tòmdră mơ Israel, Juda, mơ jơh ală lơgar, bơh ngai Añ rơp sơntòm đơs mơ mê, bơh rài Jôsia, jơl tus ngai do.

Jeremi 5:14

Gen tàng, Jehôwa Yàng Tom Trồ Gơnap Gơnoar đơs be do: “Tài bơh bol khai neh đơs jơnau do, Tŭ do, Añ rơp lơh jơnau Añ jê kung be ồs tòm bơr mê, Làng bol do rơp kung be lòng, mơ ồs hơ̆ rơp sa pơrguc bol khai.”

Ejekiel 3:10

Kơnràñ đơs mơ añ lah: “Ơ kòn mơnus, iat tĕ nền nền mơ prap tĕ tòm nùs jơh ală jơnau Añ đơs mơ mê.

Daniel 10:10

Tŭ hơ̆ gơs dô nơm mpàng tê ƀư di añ, yò tơngguh añ wơl, añ rơm să rngòt ngan, cùn gơltang mơ dră tê di ù.

Daniel 10:16

Gen bơtau gơs rùp să be dô nă cau ƀư di sơndồi añ, mơ añ pò bơr, rơp sơntòm đơs mơ bơtau ơm di đap añ lah: “Ơ Yàng añ jê, añ kơlôi moat jrùng ò git lơh tài bơh bơta gơtơnggŏ do, mơ añ ò gam tai pràn kơldang.

Khà Làng Bol 23:5

Yàng Jehôwa ơn dô jơnau sồr tòm bơr Balaam dê mơ đơs lah: “Rê wơl tĕ mơ Balak mơ yal khai in git jơnau sồr do.”

Mathiơ 10:19

Mơya tòm tŭ bol khai bơtào bol mê, gen bañ kơlôi rcang mbe lơi hala jơnau lơi bol mê pal đơs. Bơh rơp ai bol mê in ală jơnau pal đơs tòm jơ hơ̆.

Jơnau Niam Jat Mak 7:33

Yàng Jesu cèng tơlik is khai ngài bơh mpồl làng bol, lồc behơ̆ ơn ràs tê di trồm tồr khai mơ choh dà diau bong di lơmpiat khai.

Luka 12:12

tài bơh di di jơ hơ̆ Yàng Hwềng Goh rơp bơto bol mê jơnau bol mê pal đơs.”

Luka 21:15

Bơh Añ rơp ai bol mê in jơnau đơs mơ bơta jak chài mơ ală cau sò tơm di bol mê ò rgơi tòmdră hala đơs tơrwơl.

Yal Wơl 18:16

Bơh do la bơta mơ bol mê neh dan mơ Jehôwa Yàng Tom Trồ bol mê dê tòm Hôrep tòm ngai pơjum dờng tòm tŭ bol mê neh đơs lah: “Bañ lòi bol hi ơm iat sap đơs Jehôwa Yàng Tom Trồ bol hi dê hala sền gŏ ồs dờng do tai, rngòt bol hi rơp chơt mòn!”

Yal Wơl 18:17

Yàng Jehôwa neh đơs mơ añ lah: “Bơta bol khai đơs la niam.

Yal Wơl 18:18

Añ rơp bơtào tơngguh bol khai in dô nă cau gơnoar hwơr tòm toh kung be mê bơh digùl ală oh mi bol khai dê; Añ rơp ơn ală jơnau đơs Añ jê tòm bơr khai dê, mơ khai rơp yal bol khai in kòp jơnau Añ sồr khai.