Jeremi 1:19 - Sră Goh 2018

¹⁹ Bol khai rơp tòmlơh mơ mê, mơya ò geh pha mơ mê; bơh Añ ơm bal mơ mê nàng dong tă mê, Yàng Jehôwa đơs behơ̆.”

Jeremi 1:19 Mawu Ofanana

Đơs Crih 129:2

Bơh tòm tŭ añ gam pơnu, bol khai òs sò tơm di añ sùm, mơya bol khai ò geh pha rlau mơ añ.

Jeremi 1:18

Behơ̆, ngai do, Añ bơtào mê lơh gơs ƀòn dờng kơ̆ cê, lơh gơs jrong mơ lòs, lơh gơs dơrñang mơ kòng, tòmdră mơ jơh ală lơgar do, tòmdră mơ ală bơtau Juda, ală cau kwang at bồ gơ, ală cau gơnoar ơn phan duh khoai, mơ làng bol tòm lơgar.

Jeremi 1:8

Bañ rngòt di bol khai; Bơh Añ ơm mơ mê nàng dong klàs mê.” Yàng Jehôwa đơs behơ̆.

Jeremi 11:19

Ai añ, kung be belàt kòn lơbơn niam Kong tề tus hơ tiah tơnchơt, Mơ añ ò git bol khai bơtào kai tòmdră mơ añ, mơ lah: “Bol he tơnroh tĕ chi bal mơ plai, Bol he pơndut tĕ khai bơh lơgar cau kis, Tồ sơnđan khai rơp ò gam kah tai.”

Jeremi 11:21

Gen tàng do la jơnau Yàng Jehôwa đơs bơh cau Anatôt, la cau kòñ tă bơta kis mê, mơ lah: “Dilah mê ò kòñ chơt bơh tê añ, gen bañ ai sơnđan Yàng Jehôwa mơ đơs hwơr!”

Jeremi 18:18

Gen bol khai đơs lah: “Tus tĕ, bol he bơtào tĕ kai nàng tòmdră mơ Jeremi; bơh cau gơnoar ơn phan duh khoai ò siơ̆u bơta boh lam, cau jak chài ò siơ̆u bơta cri bơyai, cau gơnoar hwơr ò siơ̆u jơnau đơs hwơr. Bol he tus tĕ, ai jơnau đơs bol he tòmdră mơ khai, bañ ơn tồr iat jơnau khai dô êt lơi.”

Jeremi 2:1

Gơs jơnau Yàng Jehôwa đơs mơ añ lah:

Jeremi 20:10

Bơh añ neh kơno ală jơnau đơs chều oă cau dê, Kìr rngòt kòp bă tiah! “Yă tĕ khai! Bol he yă tĕ khai!” Ală cau bơyô dềt mềr añ jê kơp kòñ añ gơtup pừ, bol khai đơs lah: “Digơlan khai rơp gơkòl pơrlồm, gen bol he rơp pha lin rlau mơ khai, Mơ sal tê di khai.”

Jeremi 20:11

Mơya Yàng Jehôwa ơm bal mơ añ kung be dô nă cau ling jak pal rngòt; Gen tàng ală cau kup kơryan añ rơp gơtup pừ, mơ bol khai rơp ò geh pha lin. Bơh bol khai rơp kong ƀàssìl dờng ngan Bol khai rơp ò geh cồng nha, Bơta sền òsơp bol khai dê sùm sùm Ò gơs tŭ lơi hŭi.

Jeremi 26:8

Tŭ Jeremi neh đơs sir ală bơta Yàng Jehôwa neh sồr ồng yal jơh ală làng bol in, gen ală cau gơnoar ơn phan duh khoai, ală cau gơnoar hwơr, mơ jơh làng bol kup khai mơ đơs lah: “Mê ngan rơp chơt!

Jeremi 30:11

Yàng Jehôwa đơs: ‘Bơh Añ ơm bal mơ mê nàng dong tă mê. Añ rơp tơnroh jơh ală lơgar Mơ Añ neh lơh mê in nrah nring tòm hơ̆, Mơya mê gen Añ ò tơnroh jơh. Añ rơp lơh glài tơmàl mê, Mơya ò tŭ lơi lòi mê klàs bơh bơta lơh glài.’

Jeremi 39:17

Yàng Jehôwa đơs: ‘Mơya tòm ngai hơ̆, Añ rơp dong tă mê, gen mê rơp ò kong jào tòm tê ală cau mê rngòt.

Jeremi 42:11

Yàng Jehôwa đơs lah: bañ rngòt bơtau Babilôn, be bol mê neh rngòt; bañ rngòt bơtau hơ̆, bơh Añ ơm bal mơ bol mê nàng dong tă mơ dong bol mê klàs bơh tê khai.

Jeremi 46:28

Yàng Jehôwa đơs: “Ơ Jakôp dĭ gơna Añ, mê bañ rngòt, bơh Añ ơm bal mơ mê. Añ rơp tơnroh jơh ală lơgar mơ Añ neh bơtrơh mê tus; ai mê, gen Añ ò tơnroh jơh ò, mơya lơh glài tơmàl mê dô bă song ring, mê ò rgơi ò lơh glài tơmàl ò.”

Daniel 3:25

Bơtau đơs tai lah: “Do, añ gŏ poan nă cau ò kòl cap, cơnđòa lòt digùl ồs mơ ò jê sồt, mơ rùp să cau dơ̆ poan gơlơh be rùp să dô nă yàng dê.”

Khà Làng Bol 14:9

Mìng bañ tòmdră mơ Yàng Jehôwa, mơ bañ rngòt di làng bol tòm lơgar hơ̆, tài bơh bol he rơp sa loan bol khai, bol khai ò gam gơs bơta sền gàr, mơya Yàng Jehôwa ơm bal mơ bol he. Bañ rngòt di bol khai.”

Broă 26:17

Añ rơp dong tă mê bơh di làng bol Israel mơ bơh di làng bol bơdìh mơ Añ sồr mê lòt tus,

Jôsue 1:9

Añ do neh ai jơnau gơnoar sồr mê in: Lơh tĕ pràn kơldang mơ khin cha. Bañ rơm să rngòt; bañ rngòt rngơt, bơh Jehôwa Yàng Tom Trồ mê dê rơp ơm bal mơ mê tiah lơi mê lòt.”