Jeremi 1:17 - Sră Goh 2018

¹⁷ Behơ̆, mê kơt tĕ but, ñă ntào, yal bol khai in git ală bơta Añ neh ai gơnoar sồr mê in. Bañ rngòt di bol khai, rngòt Añ rơp lơh mê in rngòt rngơt di đap bol khai.

Jeremi 1:17 Mawu Ofanana

I Ală Bơtau 18:46

Tê Yàng Jehôwa ơn hơđang Eli, khai kơt but mơ ntoat di đap Ahap tus di mpồng mut tòm Jejreel.

II Ală Bơtau 1:15

Cau gơnrơh Yàng Jehôwa dê đơs mơ Eli lah: “Mù tĕ bal mơ khai, bañ rngòt di khai.” Behơ̆, Eli mù mơ lòt bal mơ cau kwang at bồ tus hơ bơtau.

II Ală Bơtau 4:29

Elise đơs mơ Gehaji lah: “Kơt tĕ but mê, at gai kwềt añ mơ lòt. Dilah mê tìp cau lơi bañ lùp còp bol khai; dilah cau lơi lùp còp mê, bañ ho wơl. Mê rơp ơn gai kwềt añ hơđang muh mat kòn dềt.”

II Ală Bơtau 9:1

Gen cau gơnoar hwơr Elise hòi dô nă cau tòm mpồl cau gơnoar hwơr dê, mơ đơs lah: “Kơt tĕ but mê, cèng gri mơñà do tòm tê mê dê, mơ lòt tus hơ Ramôt tòm Galaat.

Sră Jop 38:3

Kơt tĕ but mê dê be dô nă cau klau; Añ rơp lùp mê, mơ mê rơp yal loh Añ in.

Lik Ejiptơ 3:12

Yàng Tom Trồ đơs lah: “Añ rơp ơm bal mơ mê. Do rơp la tềl ai mê in nàng git lah Añ la Bơtau neh sồr mê lòt: Tòm tŭ mê neh lam làng bol lik klàs bơh di lơgar Ejiptơ rau, bol mê rơp duh khoai Yàng Tom Trồ hơđang mơnơm do”.

Lik Ejiptơ 7:2

Mê rơp yal wơl jơh ală jơnau Añ rơp sồr mê, mơ Arôn bi mê, rơp đơs mơ Pharaôn nàng khai lòi làng bol Israel lik lòt bơh di lơgar khai dê.

Jeremi 1:18

Behơ̆, ngai do, Añ bơtào mê lơh gơs ƀòn dờng kơ̆ cê, lơh gơs jrong mơ lòs, lơh gơs dơrñang mơ kòng, tòmdră mơ jơh ală lơgar do, tòmdră mơ ală bơtau Juda, ală cau kwang at bồ gơ, ală cau gơnoar ơn phan duh khoai, mơ làng bol tòm lơgar.

Jeremi 17:18

Dan Kơnràñ lơh ală cau kup kơryan añ jê kong ƀàssìl, Mơya bañ lòi añ kong ƀàssìl; Lòi bol khai gơlik rngòt rngơt, Mơya bañ lòi añ kòl rngòt rngơt! Dan cèng ngai rung rài tus hơđang bol khai, Mơ tơnroh bol khai tơrlah tơrling bàr dơ̆ rlau!

Jeremi 23:28

Lòi cau gơnoar hwơr lơi gơs mpau yal tĕ mpau; ai cau lơi neh dòp leng jơnau Añ, yal wơl tĕ jơnau Añ dô bă dòn song! Rhe ngan gơs pơnah bal mơ kòi mi ơ?” Yàng Jehôwa đơs behơ̆.

Jeremi 26:12

Gen Jeremi đơs mơ ală cau kwang at bồ mơ jơh làng bol lah: “Hơ̆ la Yàng Jehôwa neh sồr añ nàng đơs hwơr tòmdră mơ hìu do mơ ƀòn do, mơ oh mi neh kơno.

Jeremi 26:2

Yàng Jehôwa đơs be do: “Ntào tĕ tòm rơng hìu Yàng Jehôwa, mơ đơs ală jơnau Añ sồr mê đơs mơ ală cau tòm ală ƀòn Juda neh tus nàng duh khoai tòm hìu Yàng Jehôwa dê; bañ pơndut dô jơnau lơi.

Jeremi 36:8

Gen Baruk, kòn klau Neriya, jat ală bơta cau gơnoar hwơr Jeremi neh sồr sền jơnau Yàng Jehôwa tòm sră, tòm hìu Yàng Jehôwa.

Ñìm Rac 3:57

Kơnràñ neh tus rềp, tòm tŭ añ hòi dan di Kơnràñ mơ Kơnràñ neh đơs lah: “Bañ rngòt rngơt!”

Jôna 3:2

“Lòt tĕ hơ ƀòn dờng Ninibe, mơ bơto tơnggit gơ in jơnau Añ neh yal mê in.”

Luka 12:35

“But bol mê pal kơt tĕ, đèng bol mê pal chu tĕ.

Broă 20:20

Añ bơto yal ală bơta gơs kwơ oh mi in, mơ bơto oh mi di đap ƀòn lơgar hala bơh hìu do tus hơ hìu ne.

Broă 20:27

Bơh añ bơto yal oh mi in git jơh nùs kòñ Yàng Tom Trồ dê ò prap lòi bơta lơi.

I Kôrintô 9:16

Bơh dilah añ bơto yal Jơnau Niam gen añ ò gơs bơta lơi nàng jòng să, bơh añ ơm hơđơm gơnoar sồr; mơya dilah añ ò bơto yal Jơnau Niam gen sơbơng rơng añ in.

I Tesalônika 2:2

Mơya tơnơ̆ mơ tŭ neh kong jê sồt mơ dơñŏ tơnhial tòm Philip, be oh mi neh git, gen bol hi sơlo khin cha tòm Yàng Tom Trồ bol hi dê mơ bơto yal Jơnau Niam Yàng Tom Trồ dê oh mi in digùl oă bơta gơrơndul tòmdră.

I Pier 1:13

Behơ̆, oh mi gơs tĕ nùs kơlôi be cau kơt but lơh broă, drơng kơp, gơn kơnòm wil tơl di bơta nđàc rơp ai oh mi in tòm tŭ Yàng Jesu Krist tơlik mat.