Jeremi 1:14 - Sră Goh 2018

¹⁴ Yàng Jehôwa đơs: “Hơ̆ la bơta rung rài bơh đah đang rơp dùh hơđang jơh ală làng bol tòm lơgar do.

Jeremi 1:14 Mawu Ofanana

Esai 14:31

Ơ mpồng ƀòn, ñìm rac tĕ! Ơ ƀòn dờng, nggà driau tĕ! Ơ jơh tơl nă cau Philistin, lề lac tĕ! Bơh ñhŭ tus bơh đah đang, mơ ò gơs dô nă cau lơi sang lòi mpồl ling he dê.”

Esai 41:25

Añ neh chồl bơtrut dô nă cau bơh đah đang mơ khai neh tus; bơh đah mattơngai lik khai hòi di sơnđan Añ, khai jă hơđang ală cau kwang at bồ kung be jă ù bŏ, be cau chài mòn glah jă ù kơnàng.

Jeremi 10:22

Iat tĕ, dô sap đơs! Iat tĕ, gơ neh tus, gơs bơta nggồr nggàc dờng tus bơh đah đang, lơh ală ƀòn Juda dê gơlik gơs tiah lòi srau, gơlik gơs trồm so rhau ơm.

Jeremi 11:17

Yàng Jehôwa Gơnap Gơnoar Làm Jơh, la Bơtau neh tam mê, neh yal tơnggit bơta rung rài tòmdră mơ mê, tài bơh bơta iơh bơsak hìu Israel mơ hìu Juda neh lơh, nàng bơrcek Añ in gơjrañ bơh neh chu kơlhô Baal in.”

Jeremi 25:9

do, Añ rơp sồr ală jơi bơtiàn đah đang bal mơ dĭ gơna Añ la Nebukatnessar, bơtau Babilôn, tus tòmdră mơ lơgar do, tòmdră mơ làng bol gơ dê, mơ ală lơgar ơm gùt dar. Añ rơp tơnroh jơh bol khai, lơh bol khai in gơlik gơs bơta cù kìr, dơñŏ tơnhial, mơ tơrlah tơrling sùm sùm.

Jeremi 31:8

Ne, Añ rơp cèng bol khai rê wơl bơh lơgar đah đang, Pơjum wơl bol khai bơh ală tiah lồi plai ù. Tòm mpồl bol khai gơs cau jơngo, cau kwet, Cau ùr bun, cau ùr deh kòn, Dô bă bal dô mpồl dờng mơ rê wơl hơ do.

Jeremi 4:6

Yò tơngguh tĕ bồng bi wèt hơ Siôn! Ntoat dô nàng geh dong tă, bañ lơh òbat! Bơh Añ cèng bơta rung rài bơh đah đang, mơ dô bơta gơprah gơpring dờng.

Jeremi 46:20

Ejiptơ la dô nơm kơnrồ dra niam mơnĕ, mơya kòl dô nơm tòt bơh đah đang tus cik gơ.

Jeremi 47:2

Yàng Jehôwa đơs be do: “Ne, ală ryà dà bơh đah đang gơtơngguh, rơp gơlik gơs hiòng dà tih, rơp ngŏ bam hơđang ù mơ ală phan hơđang ù, ngŏ bam ală ƀòn mơ làng bol ơm tòm hơ̆. Kòn mơnus rơp nggà driau, jơh ală làng bol tòm ù pơt wòl.

Jeremi 50:41

Ne, dô làng bol tus bơh đah đang; dô lơgar dờng mơ oă cau bơtau, bơh ală tiah ngài ngan plai ù dê geh chồl tus.

Jeremi 50:9

Bơh do, Añ rơp bơtào bơh đah đang oă lơgar pràn, mơ tus tòmdră mơ Babilôn, ală làng bol hơ̆ rơp rcang tòmlơh mơ Babilôn, mơ bơh hơ̆ gơ kong tòmpìt ai. Kam bol khai pañ kung be kam cau ling jak tòmlơh, ò rê wơl tê gòi.

Jeremi 6:1

“Ơ ală kòn sau Benjamin, Lik dô tĕ bơh Jerusalem nàng geh lơngap lơngai. Uh kơlwòk tĕ tòm Tekôa, pò tơngguh bồng bi hơđang Bethakkerem; bơh mƀur bơta iơh tus bơh đah đang, Mơ bơta roh gơprah dờng ngan.

Jeremi 6:22

Yàng Jehôwa đơs be do: “Ne, dô làng bol tus bơh lơgar đah đang; Dô lơgar dờng bơtào tơngguh bơh tiah lồi plai ù dê.

Ejekiel 1:4

Añ rmê sền mơ gŏ dô ròs càl rbut tus bơh đah đang, dô puk mhwal dờng gơs ồs puhlèp, mơ gơs bơta àng gơcrà ngan gòm gơrwàng gùt dar. Digùl ồs gơlơh be lòs neh ồs sa hơng,

Ejekiel 24:3

Yal tĕ mơ hìu jak tòmdră in dô jơnau đơs pơnhồr mơ đơs mơ bol khai do la jơnau đơs Jehôwa Yàng Tom Trồ dê: ‘Ơn tĕ glah hơđang bơnhă ồs, ơn tĕ hơđang mơ tuh dà tòm hơ̆.

Jôel 2:20

Añ rơp lơh mpồl ling tus bơh đah đang pleh ngài bơh di bol mê, bơtrơh bol khai tus tòm tiah ro rañ ò rgơi tùc tam, bơh hơđap bol khai mut tòm dàlềng đah mattơngai lik, mơ đah ngkòi mut tòm dàlềng đah mattơngai mut. Ƀô ồm bol khai dê gơ par mơ ƀô ngir bol khai dê gơguh hơđang.” Ngan, Kơnràñ neh lơh ală broă dờng.

Sacari 6:6

Rơndeh gơs ală ơseh jù lòt hơ lơgar đah đang, rơndeh gơs ală ơseh kò lòt hơ lơgar đah mattơngai mut, mơ rơndeh gơs ală ơseh pàl sơnràng lòt hơ lơgar đah đơm”