Jeremi 1:11 - Sră Goh 2018

¹¹ Mơ kung gơs jơnau Yàng Jehôwa đơs tai mơ añ lah: “Ơ Jeremi, ñchi mê gŏ?” Añ ho wơl lah, “Añ gŏ dô nơm ntê chi plai gus.”

Jeremi 1:11 Mawu Ofanana

Sơnròp Gơlik Gơs 30:37

Jakôp ai ntê chi ris bơh di tòm rdàp, ntê chi tòm gus, mơ tòm jrê, mơ còr lơh ală cơnòr bò tòm gơ.

Esai 55:11

behơ̆ jơnau đơs Añ jê kung behơ̆ sơl, gơ neh lik bơh di bơr Añ, gen rơp ò rê wơl gòi, mơya rơp lơh gơlik gơs tơnggume broă Añ rơndap, mơ lơh wil tơl broă mơ Añ neh jào.

Jeremi 24:3

Yàng Jehôwa đơs mơ añ lah: “Ơ Jeremi, ñchi mê gŏ taih?” Añ ho lah: “Plai chi ƀal, ală plai niam gen niam ngan, ai ală plai ò niam gen iơh ngan, iơh ngan tian gơs ò rgơi sa.”

Ejekiel 12:25

Mơya Añ la Yàng Jehôwa, Añ rơp đơs jơnau lơi Añ đơs, mơ jơnau hơ̆ rơp gơlik gơs di ngan, ò òbat nyà. Mơya tòm ală ngai bol mê dê, ơ làng bol jak tòmdră, Añ rơp lơh gơlik gơs di ngan ală jơnau Añ đơs, Yàng Jehôwa đơs behơ̆.”

Ejekiel 12:28

Gen tàng đơs tĕ mơ bol khai lah: ‘Yàng Jehôwa đơs lah: Ò gơs jơnau lơi Añ đơs rơp òbat tus, mơya jơnau lơi Añ đơs rơp gơlik gơs di ngan,’ Yàng Jehôwa đơs behơ̆.”

Ejekiel 7:10

Ngai hơ̆ neh tus! Gơ neh tus rau! Bơta rung rài neh gơlik gơs; gai lồng neh cat sơmbut, bơta jòng să neh lik bơkào!

Amôs 7:8

Mơ Yàng Jehôwa đơs mơ añ lah: “Ơ Amôs, ñchi mê gŏ taih?” Añ ho lah: “Añ gŏ dô dang che rnoas mơ trà. Gen Yàng đơs lah: Sền do, Añ dang dô nơm che rnoas mơ trà digùl làng bol Israel Añ jê; Añ rơp ò lòi rlau bol khai in tai.

Amôs 8:2

Kơnràñ lùp lah: “Ơ Amôs, ñchi mê gŏ taih?” Añ ho lah: “Dô nơm bài ơn plai chi kơnhai prang duh dê.” Gen Yàng Jehôwa đơs tai mơ añ lah: “Bơta lồi dut neh tus hơđang làng bol Israel Añ jê; Añ rơp ò lòi rlau bol khai in tai.

Sacari 4:2

Khai lùp añ lah: “Ñchi mê gŏ taih?” Añ ho lah: “Añ gŏ dô nơm jơng đèng mơ màh lơm, gơs dô nơm gri hơđang bồ gơ dê mơ gơs poh nơm lơmpiat ồs hơđang gơ, gơs poh nơm ding di ală lơmpiat ồs.

Sacari 5:2

Mơ khai lùp añ lah: “Ñchi mê gŏ taih?” Añ ho wơl lah: “Añ gŏ dô pang sră pồt gơ par, jòng bàr jơt tal, ơnàng jơt tal.”

Khà Làng Bol 17:8

Àng drim ngai hìng, Môise mut tòm Sàl Bơta Cơng Tàng mơ gŏ gai jra Arôn dê, la gai lơh ala mat hìu nhă Lebi dê, ò di mìng gơcat sơmbut mơya gơlì bơkào mơ gơlik ală plai gus dum.