Jang 9:34 - Sră Goh 2018

³⁴ Bol khai ho lah: “Jơh să jan mê deh tòm tồi glài, mơ kòñ bơto bol hi ơ?” Gen bol khai bơtrơh tơlik khai di tiah.

Jang 9:34 Mawu Ofanana

Sơnròp Gơlik Gơs 19:9

Làng bol đơs lah: “Mê pleh tĕ!” Mơ đơs tai: “Cau do neh tus tềng do be cau ơm ing mơ kòñ lơh gơs cau cahrña sơl ơ? Behơ̆ bol hi rơp lơh di mê iơh rlau mơ bàr nă cau ne.” Gen bol khai chồl jơlềt Lot mơ lòt tus nàng wà mpồng.

II Yal Yau 25:16

Tòm tŭ cau gơnoar hwơr ơm đơs, cau bơtau đơs mơ khai lah: “Bol hi neh pồ bơtào mê lơh gơs dô nă cau bơto sơnio cau bơtau in sơl ơ? Ơm tĕ mŏ mŏ! Ñchi bơh tài mê kòñ chơt taih?” Behơ̆ cau gơnoar hwơr ơm ò đơs tai, mơya đơs bơtơl lah: “Añ git la Yàng Tom Trồ neh lơh nền tơnroh bơtau, tài bơh bơtau neh lơh ală bơta do mơ ò bài iat jơnau bơto tơngkah añ jê.”

Sră Jop 14:4

Ñcau rgơi cèng dô nơm phan sàng goh lik bơh dô nơm phan ò sàng goh sơl ơ? Ò gơs dô nă cau lơi rgơi lơh!

Sră Jop 25:4

Gen mbe rgơi dô nă cau geh kòp la song ring di đap Yàng Tom Trồ taih? Mbe rgơi dô nă cau deh bơh cau ùr gơlik gơs sàng goh taih?

Đơs Crih 51:5

Ngan behơ̆, añ neh deh tòm bơta iơh bơsak, Mè añ jê neh bun añ tòm tồi glài.

Lik Ejiptơ 2:14

Cau hơ̆ đơs lah: “Ñcau neh pồ bơtào mê lơh gơs cau at bồ mơ cau kwang cahrña bol hi taih? Ngan sơl la mê kơlôi kòñ tơnchơt añ kung be mê neh tơnchơt cau Ejiptơ ne ơ?” Kơno behơ̆ gen Môise rngòt mơ kơlôi lah: “Bơta añ neh lơh neh cau git jơh rau.”

Jơnau Pơnđik 22:10

Bơtrơh tĕ cau bơrsèl tơnhial, gen bơta tòmlah tòm pơndang kung rơp thit; bơta tòmlah mơ bơta dơñŏ tơnhial rơp jơh.

Jơnau Pơnđik 26:12

Kòn neh gŏ cau lơi jak chài jat mat khai sơl? Gam gơs bơta gơn kơnòm cau tùl gơla in rlau mơ khai.

Jơnau Pơnđik 29:1

Cau lơi kong lah pơrhơng sùm, gam kơldang bồ, rơp kong roh gơcoh nisơna, ò rgơi geh sơmbòi.

Esai 65:5

Bol khai đơs lah: “Ơm tĕ ngài, bañ tus rềp hơ añ, bơh añ la sàng goh ngan bol mê in!” Bol khai la ñhŭ tòm trồm muh Añ, la ồs sa hơng sùm jơh ngai mho.

Esai 66:5

Iat tĕ jơnau Yàng Jehôwa dê, Ơ bol mê la cau kơno jơnau Kơnràñ dê mơ rngòt rơm să: “Làng bol bol mê dê gơjrañ di bol mê, mơ sang lòi bol mê tài bơh sơnđan Añ; mơ neh đơs lah: ‘Dan Yàng Jehôwa in geh gơklŏ, nàng bol hi in gŏ bơta hòn chò bol mê dê!’ Mơya bol khai la cau rơp kong ƀàssìl.”

Luka 11:45

Digùl ală cau bơto bơta boh lam, gơs dô nă cau đơs mơ Kơnràñ lah: “Ơ Cau Bơto, ồng đơs behơ̆ kung gơlơh ƀàssìl di bol hi sơl.”

Luka 14:11

Bơh cau lơi yò tơngguh is să he gen rơp gơtơmù, ai cau lơi tơnliah is să he gen rơp geh yò tơngguh.”

Luka 18:17

Kah tĕ jơnau Añ đơs mơ bol mê do, cau lơi ò dòp lơgar Yàng Tom Trồ be dô nă kơnòm dềt, gen ò geh mut tòm hơ̆ ò.”

Luka 6:22

Lơngai bol mê in tòm tŭ bơh Kòn Mơnus mơ cau gơjrañ kơuềng di bol mê, ò dòp rò bol mê, bơtat bơtròh di bol mê, sang sơnđan bol mê be phan ƀơ̆!

Jang 6:37

Jơh ală cau Bèp ai Añ in, gen rơp lòt tus hơ Añ; cau lơi lòt tus hơ Añ, gen Añ ò gơs tŭ lơi sang khai hơ bơdìh ò.

Jang 8:41

Bol mê lơh broă bèp bol mê dê.” Bol khai đơs lah: “Bol hi ò di la kòn tir; bol hi gơs mìng dô nă Bèp la Yàng Tom Trồ.”

Jang 9:2

Ală cau bơtê lùp Kơnràñ lah: “Ơ Rabi, ñcau neh tìs glài, cau do hala mè bèp khai, gen tàng bơh tŭ pa deh khai neh jơngo behơ̆ taih?”

Jang 9:22

Mè bèp cau jơngo đơs behơ̆ tài bơh rngòt di cau Juda: bơh cau Juda neh ho lah cau lơi yal tơlik Yàng Jesu la Bơtau Krist, gen pal kong bơtrơh tơlik bơh di hìu jơnum.

Jang 9:35

Yàng Jesu kơno bol hơ̆ neh bơtrơh tơlik khai, gen tàng tŭ tìp khai Kơnràñ lùp lah: “Mê dòn Kòn Yàng Tom Trồ sơl?”

Jang 9:40

Ală cau Pharisi ơm rềp tềng hơ̆ kơno ală jơnau hơ̆, gen đơs mơ Kơnràñ lah: “Bol hi kung la cau jơngo sơl ơ?”

I Kôrintô 5:13

Be Sră Goh cih lah: “Tă sang tĕ cau iơh bơsak bơh digùl oh mi.”

Galati 2:15

Đah bol hi la cau Juda, ò di la cau gơs glài bơh tòm làng bol bơdìh.

Ephesô 2:3

Lài òr bol he jơh tơl nă kung lơh lòt bal mơ bol khai, kis tòm bơta hàm kòñ is poac să dê, lơh ală bơta poac să mơ nùs kơlôi kòñ, ngan la cau rơp kong bơta gơjrañ dờng Yàng dê, kung be cau ndai.

I Pier 5:5

Kung behơ̆ sơl, ơ ală cau kơnòm să, dòn duh tĕ ală cau kwang kra. Jơh tơl nă pal soh tĕ bơta pơndêt să gơwèt bal mơ gơp, bơh Yàng Tom Trồ sòdră di cau pơnhừ să, mơya ai bơta nđàc cau pơndêt să in.

III Jang 1:10

Gen tàng dilah añ lòt tus, añ rơp yal ală broă khai lơh, la ai jơnau iơh bơsak mơ sòdră di bol hi. Bơta hơ̆ òhềt hừh nùs khai sơl, să tòm khai ò bài wă rò ală cau dòn Yàng, ai cau lơi kòñ wă rò gen khai kơryan, mơ bơtrơh tơlik bol khai bơh di Hìu Jum Goh.

III Jang 1:9

Añ neh cih dô êt jơnau Hìu Jum Goh in rau, mơya Diôtrep la cau kòñ lơh gơs cau lam bồ bol khai, gen ò bài dòp gơnoar añ jê.

Yal Tơlik 13:17

tồ ò gơs dô nă cau lơi rgơi rwat hala tac, mìng ală cau neh gơs tềl phan poan jơng dê, hơ̆ la sơnđan hala khà sơnđan gơ dê.