Jang 9:31 - Sră Goh 2018

³¹ Bol he git lah Yàng Tom Trồ ò dòp jơnau cau glài dê, mơya dilah cau lơi duh rngòt di Kơnràñ mơ lơh jat nùs kòñ Kơnràñ dê, gen Kơnràñ iat jơnau khai dê.

Jang 9:31 Mawu Ofanana

Sơnròp Gơlik Gơs 19:29

Tòm tŭ Yàng Tom Trồ tơnroh ală ƀòn tòm ƀlàng, hơ̆ la ală ƀòn Lot ơm, gen Kơnràñ kah Abraham mơ dong Lot lik klàs bơh tiah rung rài hơ̆.

Sơnròp Gơlik Gơs 20:7

Tŭ do, ai tĕ wơl cau hơ̆ bau klau khai in bơh bau klau khai la dô nă cau gơnoar hwơr; khai rơp hòi dan mê in gen mê rơp kis. Mơ dilah mê ò ai khai in wơl, gen git tĕ lah mê mơ jơh ală cau bal mơ mê ngan rơp chơt.”

Sră Jop 35:12

Bol khai hòi dan mơya bol khai ò ho wơl, Tài bơh bơta pơnhừ să cau iơh bơsak dê.

Sră Jop 35:13

Ngan, Yàng Tom Trồ ò iat jơnau rac dan ò kwơ bol khai dê; Bơtau Gơnap Gơnoar Làm Jơh ò ơn nùs di ală bơta hơ̆.

Sră Jop 42:8

Gen tàng, tŭ do kup tĕ poh nơm kơnrồ dam mơ poh nơm belàt dam mơ lòt tus hơ Jop la cau duh broă Añ jê, mơ ơn tĕ phan ơn chu pơrguc să tòm mê in; mơ cau duh broă Añ jê la Jop rơp hòi dan bol mê in; mơ Añ rơp dòp jơnau hòi dan khai dê, mơ ò lơh bol mê in jat be bơta bơrngơl gơla bol mê dê, bơh bol mê ò đơs bơh Añ dô bă di pal kung be cau duh broă Añ jê la Jop neh đơs.”

Đơs Crih 106:23

Gen tàng Kơnràñ đơs lah Kơnràñ rơp tơnroh bol khai. Mơya Môise, la cau Kơnràñ sac rwah, ntào di đap Kơnràñ ala bol khai, Mơ dan Kơnràñ wèt ngài bơta gơjrañ dờng Kơnràñ dê bơh bơta tơnroh bol khai.

Đơs Crih 143:10

Dan bơto añ lơh jat nùs kòñ Yàng dê, Bơh Kơnràñ la Yàng Tom Trồ añ jê; Dan Hwềng Goh Yàng dê tề lam añ tòm gùng ring drik.

Đơs Crih 145:19

Kơnràñ lơh hừh nùs jơh ală cau duh rngòt di Kơnràñ, Kung iat jơnau hòi dan bol khai dê mơ dong klàs bol khai.

Đơs Crih 18:41

Bol khai hòi, mơya ò gơs cau lơi dong tă bol khai; Bol khai hòi dan mơ Yàng Jehôwa, mơya Kơnràñ ò ho wơl.

Đơs Crih 40:8

Ơ Yàng Tom Trồ añ jê, añ chò hòp lơh jat nùs kòñ Kơnràñ dê; Bơta boh lam Yàng dê ơm tòm nùs añ.”

Đơs Crih 99:6

Tòm ală cau ơn phan duh khoai Kơnràñ dê gơs Môise mơ Arôn, Tòm mpồl ală cau hòi dan di sơnđan Kơnràñ dê kung gơs Samuel. Bol khai neh hòi dan di Yàng Jehôwa, mơ Kơnràñ ho wơl bol khai in.

Jơnau Pơnđik 15:29

Yàng Jehôwa ơm ngài mơ cau iơh; Mơya Kơnràñ iat jơnau hòi dan cau song ring dê.

Jơnau Pơnđik 21:13

Cau lơi sềt tồr ò bài iat jơnau hòi driau cau rƀah lơòi dê, cau hơ̆ hòi driau kung rơp ò gơs cau lơi ho wơl.

Jơnau Pơnđik 28:9

Cau lơi sềt tồr ò bài iat bơta sồr lam, jơnau hòi dan cau hơ̆ dê kung la dô bơta cù kìr.

Esai 1:15

Tòm tŭ bol mê pò tê bol mê dê, Añ rơp cang kìng mat Añ bơh di bol mê. Bulah dilah bol mê hòi dan oă jơnau, Añ rơp ò iat. Tê bol mê dê bềng mhàm.

Esai 58:9

Gen bol mê rơp hòi, mơ Yàng Jehôwa rơp ho wơl; bol mê rơp rac dan dong kòl, mơ Kơnràñ rơp đơs lah: ‘Gơs Añ do!’ Dilah bol mê tă sang yô bơh digùl bol mê, ò cong tê đơs blac pơrlồm;

Jeremi 11:11

Gen tàng, Yàng Jehôwa đơs be do: ‘Añ rơp cèng bơta rung rài dùh hơđang bol khai, mơ bol khai ò rgơi pleh klàs; bulah bol khai rơp hòi dan mơ Añ, Añ rơp ò iat bol khai.

Jeremi 14:12

Bulah bol khai ơt sa, Añ rơp ò iat jơnau hòi dan bol khai dê; tŭ bol khai ơn phan ơn chu mơ phan ơn kòi mbo, Añ ò dòp bol khai sơl; mơya Añ rơp tơnroh bol khai mơ đào, jơgloh rung, mơ pluh plàng.”

Jeremi 15:1

Gen Yàng Jehôwa đơs mơ añ lah: “Bulah Môise mơ Samuel ntào di đap Añ, mơya nùs Añ kung ò wèt mơ làng bol do. Bơtrơh tơlik tĕ bol khai ngài bơh di mat Añ, mơ lòi bol khai lòt!

Ejekiel 8:18

Behơ̆ gen Añ rơp lơh di bol khai jat bơta gơhào gơjrañ; Añ rơp ò nđàc sơngit di bol khai hala pơlai bol khai. Bulah bol khai nggà driau dờng di tồr Añ, Añ kung rơp ò bài iat bol khai.”

Mice 3:4

Gen bol khai rơp hòi mơ Yàng Jehôwa, mơya Kơnràñ rơp ò ho wơl bol khai in. Tŭ hơ̆ Kơnràñ rơp pồn mat Kơnràñ dê bơh bol khai, tài bơh bol khai neh lơh bơta iơh bơsak.

Sacari 7:13

Be tòm tŭ Añ hòi, bol khai ò bài iat, mơ tòm tŭ bol khai hòi, Añ kung ò bài iat, Yàng Jehôwa Gơnap Gơnoar Dờng Làm Jơh đơs behơ̆.

Jang 11:22

mơya añ git bulah bơta lơi Cau Bơto dan mơ Yàng Tom Trồ, gen Yàng Tom Trồ rơp ai Cau Bơto in.”

Jang 15:16

Ò di bol mê neh sac Añ, mơya Añ neh sac mơ bơtào bol mê, nàng bol mê in lòt mơ gơlik plai, mơ plai bol mê gơ ơm sùm; tồ bơta lơi bol mê rơp ai sơnđan Añ mơ dan mơ Bèp, gen Kơnràñ ai bol mê in.

Jang 4:34

Yàng Jesu đơs lah: “Phan sa Añ jê hơ̆ la lơh jat nùs kòñ Bơtau neh sồr Añ lòt tus, mơ lơh sir broă Kơnràñ dê.

Jang 7:17

Dilah cau lơi kòñ lơh jat nùs kòñ Kơnràñ dê, gen rơp git gùng jơnau song hơ̆ la bơh Yàng Tom Trồ hala bơh Añ đơs is Añ jê.

Jang 9:30

Cau jơngo ho lah: “Hĕ, krơi ngan! Cau neh pò mat añ in, mơ ală ồng ò git khai bơh lơi mơ tus!

Jang 9:32

Bơh rài yau tus rài do òhềt tŭ lơi kơno đơs gơs cau lơi pò mat cau jơngo bơh tŭ pa deh.

Yal Wơl 1:45

Bol mê rê wơl mơ ñìm di đap Yàng Jehôwa, mơya Kơnràñ ò kơlôi wèt hơ bơta ñìm rac bol mê dê mơ sềt tồr ò bài iat bol mê.

Hebrơ 10:7

Gen Añ đơs lah: ‘Ơ Yàng Tom Trồ, do Añ lòt tus Nàng lơh jat nùs kòñ Yàng dê. Tòm dap sră neh cih bơh Añ.’”