Jang 9:24 - Sră Goh 2018

²⁴ Dô dơ̆ tai, ală cau Pharisi hòi wơl cau lài neh jơngo mơ đơs lah: “Jòng ro tĕ Yàng Tom Trồ, bol he git cau hơ̆ la cau gơs glài.”

Jang 9:24 Mawu Ofanana

Ejra 10:11

Tŭ do yal glài tĕ di đap Yàng Jehôwa la Yàng Tom Trồ ală ồng pàng bol mê dê, mơ lơh jat tĕ nùs kòñ Kơnràñ dê. Cah is tĕ să tòm bol mê bơh di ală làng bol ơm gùt dar bol mê mơ bơh di ală bau ùr làng bol bơdìh bol mê dê.”

Esai 66:5

Iat tĕ jơnau Yàng Jehôwa dê, Ơ bol mê la cau kơno jơnau Kơnràñ dê mơ rngòt rơm să: “Làng bol bol mê dê gơjrañ di bol mê, mơ sang lòi bol mê tài bơh sơnđan Añ; mơ neh đơs lah: ‘Dan Yàng Jehôwa in geh gơklŏ, nàng bol hi in gŏ bơta hòn chò bol mê dê!’ Mơya bol khai la cau rơp kong ƀàssìl.”

Jơnau Niam Jat Mak 15:27

Tŭ hơ̆ bol khai kung pơng bàr nă cau phà di chi pơng bal mơ Yàng Jesu, dô nă đah ma, dô nă đah kiau Kơnràñ dê. [

Luka 15:2

Ală cau Pharisi mơ ală cau bơto bơta boh lam yoam lah: “Cau do wă rò ală cau glài mơ sa bal mơ bol khai!”

Luka 19:7

Làng bol gŏ behơ̆ gen đơs òm lah: “Cau do neh mut tòm hìu cau glài mơ ơm.”

Luka 7:39

Cau Pharisi neh jà Kơnràñ gŏ behơ̆ gen kơlôi òm lah: “Dilah cau do la cau gơnoar hwơr gen git cau ùr ƀư dê să khai la ñcau mơ la cau mbe lơi, bơh khai la cau glài.”

Jang 14:30

Añ rơp ò tai đơs oă mơ bol mê, bơh bơtau dunnia do rơp tus; khai ò gơs bơta lơi di Añ.

Jang 16:2

Bol khai rơp bơtrơh tơlik bol mê bơh di hìu jum; mơ rơp tus di tŭ, dơ̆ cau lơi tơnchơt bol mê, gen tồnlah duh broă Yàng Tom Trồ.

Jang 18:30

Bol khai ho lah: “Dilah cau do ò di la cau lơh iơh bơsak, gen bol hi ò bơtào khai ồng in.”

Jang 19:6

Mơya tòm tŭ ală cau gơnoar lam bồ ơn phan duh khoai mơ ală cau ling gŏ Kơnràñ, gen driau dờng lah: “Pơng tĕ khai di chi pơng, pơng tĕ khai di chi pơng!” Pilat đơs mơ bol khai lah: “Să tòm bol mê cèng tĕ khai mơ pơng di chi pơng, tài bơh añ ò bàn glài dô êt lơi tòm khai.”

Jang 5:23

nàng jơh tơl nă cau sền màng ryŭ di Kòn kung be sền màng ryŭ di Bèp sơl. Cau lơi ò sền màng ryŭ di Kòn, hơ̆ la ò sền màng ryŭ di Bèp, la Bơtau neh sồr Kòn lòt tus.

Jang 8:46

Gơs cau tòm bol mê rgơi kup glài Añ taih? Dilah Añ đơs jơnau song, gen ñchi bơh tài bol mê ò dòn Añ?

Jang 8:49

Yàng Jesu ho lah: “Añ ò kòl cà lơh, mơya Añ jòng ro Bèp Añ jê, ai bol mê gen sền òsơp di Añ.

Jang 9:16

Gơs cau ƀà tòm mpồl cau Pharisi đơs lah: “Cau hơ̆ ò di tus bơh Yàng Tom Trồ, bơh khai ò prap gàr ngai Saƀat.” Cau ndai đơs lah: “Dô nă cau glài mbe rgơi lơh ală tềl krơi behơ̆ taih?” Mơ digùl bol khai gơs bơta cah mpồl.

Jang 9:25

Khai ho lah: “Añ ò git cau hơ̆ la cau glài hala ò; mơya añ mìng git dô bơta, hơ̆ la añ neh jơngo mơ tŭ do añ gơs gŏ.”

Rôma 8:3

Bơh bơta lơi bơta boh lam lơh ò jai, la tài bơh poac să lơh bơta boh lam in gơlik gơs pùh lơbơn, gen Yàng Tom Trồ neh lơh rau; Kơnràñ neh bơh tồi glài tàng sồr Kòn tòm Kơnràñ dê ai poac să tòm toh be poac să tồi glài, mơ neh lơh nền glài tồi glài in tòm poac să,

II Kôrintô 5:21

Yàng Tom Trồ neh lơh Bơtau ò git tồi glài gơlik gơs tồi glài bơh bol he, tồ ơm tòm Kơnràñ bol he geh gơlik gơs bơta song ring Yàng Tom Trồ dê.

Jôsue 7:19

Gen Jôsue đơs mơ Akan lah: “Ơ kòn klau añ jê, lơh gơklŏ tĕ Jehôwa Yàng Tom Trồ Israel dê, mơ yal glài tĕ mơ Kơnràñ; tŭ do yal tĕ añ in ñchi mê neh lơh, bañ pồn bơta hơ̆ bơh di añ.”

Yal Tơlik 11:13

Di di jơ hơ̆ gơs dô bơta lơnggơr ù dờng ngan, dô pơnah jơt ƀòn dờng tơrlah; poh rbô nă cau chơt tòm bơta lơnggơr ù hơ̆, ai ală cau gam kis gen rngòt ngan mơ jòng ro Yàng Tom Trồ hơđang trồ.