Jang 8:54 - Sră Goh 2018

⁵⁴ Yàng Jesu ho lah: “Dilah Añ lơh gơklŏ is Añ in, gen bơta gơklŏ Añ jê la ò gơlik lơ̆; să tòm Bèp lơh gơklŏ Añ in, Kơnràñ la Bơtau bol mê sơnđan la Yàng Tom Trồ bol mê dê.

Jang 8:54 Mawu Ofanana

Jơnau Pơnđik 25:27

Sa dà lơwe oă ò niam; mơ kư̆ jòi jat bơta gơklŏ he in, kung ò niam.

Esai 66:5

Iat tĕ jơnau Yàng Jehôwa dê, Ơ bol mê la cau kơno jơnau Kơnràñ dê mơ rngòt rơm să: “Làng bol bol mê dê gơjrañ di bol mê, mơ sang lòi bol mê tài bơh sơnđan Añ; mơ neh đơs lah: ‘Dan Yàng Jehôwa in geh gơklŏ, nàng bol hi in gŏ bơta hòn chò bol mê dê!’ Mơya bol khai la cau rơp kong ƀàssìl.”

Sră Ôse 1:9

Gen Yàng Jehôwa đơs lah: “Tơmoh tĕ sơnđan khai la Lôammi, tài bơh bol mê ò di la làng bol Añ jê, mơ Añ ò di la Yàng Tom Trồ bol mê dê.”

Jang 17:1

Tòm tŭ neh đơs ală jơnau hơ̆ rau, Yàng Jesu tơnggòr hơđang trồ mơ đơs lah: “Ơ Bèp, jơ neh tus, dan lơh gơklŏ Kòn in tồ Kòn kung lơh gơklŏ Bèp in sơl,

Jang 17:5

Ơ Bèp, tŭ do dan ai bơta gơklŏ Añ neh geh bal mơ Bèp lài mơ tŭ òhềt gơs dunnia, nàng lơh gơklŏ Añ in di đap Bèp.

Jang 2:11

Hơ̆ la tòm Kana kơnhwàl Galile, Yàng Jesu lơh tềl krơi dơ̆ sơnròp mơ yal tơlik bơta gơklŏ Kơnràñ dê; gen ală cau bơtê dòn Kơnràñ.

Jang 5:41

Añ ò jòi bơta gơklŏ bơh di cau ò;

Jang 7:18

Cau lơi đơs is jat nùs he, gen jòi jat bơta gơklŏ is he in, mơya cau lơi jòi jat bơta gơklŏ Bơtau neh sồr he lòt tus, gen la Cau song ngan, mơ tòm khai ò gơs bơta ma blac.

Jang 7:39

Kơnràñ đơs bơta hơ̆ la sơnio bơh Yàng Hwềng mơ ală cau dòn Kơnràñ rơp dòp geh; bơh Yàng Hwềng òhềt mù, tài bơh Yàng Jesu òhềt geh gơklŏ.

Jang 8:41

Bol mê lơh broă bèp bol mê dê.” Bol khai đơs lah: “Bol hi ò di la kòn tir; bol hi gơs mìng dô nă Bèp la Yàng Tom Trồ.”

Jang 8:50

Añ ò jòi bơta gơklŏ să tòm Añ jê, neh gơs Bơtau jòi bơta hơ̆ mơ cahrña.

Broă 3:13

Yàng Tom Trồ Abraham, Isak mơ Jakôp dê, Yàng Tom Trồ ồng pàng bol he dê neh lơh gơklŏ Cau Duh Broă Kơnràñ dê la Yàng Jesu, la Bơtau mơ ală oh mi neh bơtào mơ pơndang sang di đap Pilat, tòm tŭ khai neh lơh nền kòñ hồ Kơnràñ.

II Kôrintô 10:18

Bơh ò di la cau yò tơngguh is să he geh dòp, mơya la cau Yàng yò tơngguh gơ dê geh dòp.

I Pier 1:12

Yàng Tom Trồ neh yal tơlik bol khai in lah, ò duh broă să tòm he in, mơya la duh broă oh mi in; be ală bơta bol khai neh bơto mơ oh mi neh kơno tŭ do, bơh ală cau bơto yal Jơnau Niam oh mi in neh kơnòm di gơnap gơnoar Yàng Hwềng Goh geh sồr bơh đang trồ; do kung la ală bơta mơ cau gơnrơh kung kơp kòñ git wă.

I Pier 1:21

Bơh Kơnràñ mơ oh mi dòn nền di Yàng Tom Trồ la Bơtau neh lơh Kơnràñ in kis wơl bơh bơta chơt, mơ ai bơta gơklŏ Kơnràñ in, tồ bơta dòn mơ bơta gơn kơnòm oh mi dê geh ơm tòm Yàng Tom Trồ.

II Pier 1:17

Bơh Kơnràñ neh dòp geh bơta màng ryŭ mơ bơta gơklŏ bơh Yàng Tom Trồ la Bèp, mơ gơs jơnau bơh tiah gơklŏ jòng ngan đơs mơ Kơnràñ lah: “Do la Kòn kòñ gơboh Añ jê, niam nùs Añ tòm ală bơta,”