Jang 8:44 - Sră Goh 2018

⁴⁴ Bol mê lik bơh bèp bol mê dê la cà ràk, mơ kòñ lơh jat bơta hàm kòñ is bèp bol mê dê. Bơh sơnròp gơ neh la cau tơnchơt cau, ò ntào tòm jơnau song, bơh ò gơs jơnau song tòm gơ ò. Tŭ lơi gơ đơs blac, gen đơs jat nùs is gơ dê, tài bơh gơ la cau đơs blac mơ la bèp bơta đơs blac dê.

Jang 8:44 Mawu Ofanana

Sơnròp Gơlik Gơs 3:15

Añ rơp lơh mê mơ cau ùr in, jơi bơtiàn mê mơ jơi bơtiàn cau ùr in tòm gơjrañ bal. Khai rơp jă dê bồ mê, mơ mê rơp kap kơndòl jơng khai.”

I Ală Bơtau 22:22

Hwềng hơ̆ ho lah: “Añ rơp lòt mơ lơh gơs dô nơm hwềng đơs blac tòm bơr ală cau gơnoar hwơr khai dê.” Yàng Jehôwa đơs lah: “Mê la cau pơndòm ơniai khai, lòt tĕ mê rơp lơh behơ̆, mơ rơp gơlik gơs.”

I Yal Yau 21:1

Satan ntào tòmdră mơ Israel, mơ chồl nùs Dabit kòp khà làng bol Israel.

Sră Jop 1:11

Mơya tŭ do pò tĕ tê Yàng dê ƀư di jơh ală phan khai neh gơs, gen khai rơp srat sơntơm di đap mat Yàng mo!”

Mathiơ 12:34

Ơ jơi bơtiàn bơs tur ne; bol mê la iơh bơsak gen mbe rgơi đơs bơta niam taih? Bơh jat bơta bềng lìu tòm nùs gen sồng bơr đơs tơlik.

Mathiơ 13:15

Bơh nùs làng bol do neh kră kơldang; Tồr bol khai neh tĭ, Mat bol khai neh ñềm; Rngòt mat bol khai geh gŏ, Tồr bol khai geh kơno, Nùs bol khai geh git wă, bol khai rê wơl, Mơ Añ sơm bol khai in bòi mòn.’

Mathiơ 13:38

sre la dunnia, gar niam la kòn sau lơgar đang trồ dê, ñhơt drung la kòn sau cau iơh bơsak dê

Jang 6:70

Yàng Jesu ho lah: “Añ ò di neh sac bol mê la jơt bàr nă cau bơtê ơ? Mơ gơs dô nă cau tòm bol mê la cà.”

Jang 7:17

Dilah cau lơi kòñ lơh jat nùs kòñ Kơnràñ dê, gen rơp git gùng jơnau song hơ̆ la bơh Yàng Tom Trồ hala bơh Añ đơs is Añ jê.

Jang 8:38

Añ đơs bơta Añ neh gŏ bơh di Bèp Añ, ai bol mê lơh bơta bol mê neh kơno bơh di bèp bol mê dê.”

Jang 8:41

Bol mê lơh broă bèp bol mê dê.” Bol khai đơs lah: “Bol hi ò di la kòn tir; bol hi gơs mìng dô nă Bèp la Yàng Tom Trồ.”

Jang 8:55

Bol mê ò git Kơnràñ, mơya Añ git Kơnràñ. Dilah Añ đơs Añ ò git Kơnràñ, gen Añ kung la cau đơs blac be bol mê sơl; mơya Añ git Kơnràñ ngan, mơ prap gàr jơnau Kơnràñ dê.

Broă 13:10

“Mê la kòn cà ràk dê, cau sò tơm jơh ală bơta song ring dê, bềng bơta ma blac mơ iơh bơsak, mê kư̆ lơh kwe gùng song Yàng dê sùm ơ?

Broă 24:9

Ală cau Juda kung pơnjat tơn be jơnau yă hơ̆, mơ đơs nền la ngan behơ̆.

Broă 5:3

Pier đơs mơ khai lah: “Ơ Anania, ñchi bơh tài mê lòi cà Satan at bồ mê, tian gơs mê neh đơs blac mơ Yàng Hwềng Goh, mơ prap wơl dô pơnah jền mê tac sre hơ̆ taih?

II Kôrintô 11:3

Mơya añ rngòt lah, nùs oh mi roh bơta song ngan mơ bơta sàng goh gơwèt mơ Bơtau Krist, kung be yau òr bơs neh ngui kai lac lèo mơ pơrlồm Eba behơ̆ sơl.

I Pier 5:8

Kơrmap gàr mơ drơng kơp tĕ. Cau sò tơm oh mi dê la cà ràk be klìu triă ơluh lòt gơrwàng gùt dar, jòi jat cau ƀà nàng sa loan.

II Pier 2:4

Bơh dilah Yàng Tom Trồ ò pơlai ală cau gơnrơh neh tìs glài, mơya neh sơrbì bol khai tòm brah tìng, krơ̆ tòm tiah klam jơngo, lòi jàm tus di tơngai cahrña.

I Jang 1:8

Dilah bol he đơs lah he ò gơs glài dô êt lơi, hơ̆ la bol he pơrlồm is să he, mơ jơnau song ò ơm tòm bol he.

I Jang 2:21

Añ neh cih ală bol mê in, ò di tài bơh bol mê ò git jơnau song, mơya tài bơh bol mê git jơnau song, mơ git lah ò gơs bơta blac chừt lơi gơlik bơh jơnau song.

I Jang 2:4

Cau lơi đơs: “Añ dòp git Kơnràñ,” mơya ò lơh jat bơta sồr lam Kơnràñ dê, gen khai la cau đơs blac, jơnau song ò ơm tòm khai.

I Jang 3:12

Bañ lơh be Kain, la cau bal mơ cà ràk mơ neh tơnchơt oh khai dê. Ñchi bơh tài khai tơnchơt oh khai taih? Tài bơh ală broă să tòm khai dê la iơh rmơh, ai ală broă oh khai dê la song ring.

I Jang 3:15

Cau lơi gơjrañ kơuềng di oh mi he gen cau hơ̆ la cau tơnchơt cau; oh mi git lah ò gơs dô nă cau lơi tơnchơt cau geh bơta kis gam sùm sùm ơm tòm khai.

Jude 1:6

Ai ală cau gơnrơh ò prap gàr gơnoar broă bol khai dê mơya sang lòi tiah tòm bol khai dê, gen Yàng Tom Trồ neh kơt bol khai mơ che sreng gam sùm sùm tòm tiah klam jơngo jơl tus di ngai cahrña dờng.

Yal Tơlik 12:9

Nagrài dờng kong sơrbì, hơ̆ la bơs yau, sơnđan la Cà ràk mơ cà Satan, cau jak pơrlồm jơh dunnia; gơ kong sơrbì tòm plai ù, mơ ală cau gơnrơh gơ dê kung kong sơrbì bal mơ gơ sơl.

Yal Tơlik 13:14

Gơ pơrlồm ală cau ơm tòm plai ù bơh ală tềl krơi gơ geh gơnoar lơh di đap phan poan jơng, mơ sồr bol khai mòn phan poan jơng in dô nơm rùp tòm toh be gơ, hơ̆ la phan poan jơng neh gơs sồt mơ đào mơ gam kis.

Yal Tơlik 2:10

Mê bañ rngòt dê ală bơta bòl glar jê sồt mê mòr kong. Iat tĕ! Cà ràk mòr sơrbì dô êt cau tòm bol mê tòm hìu jàm, nàng bol mê kong lòng; bol mê rơp gơs bơta rung rài tòm jơt ngai. Dòn song tĕ jơl chơt, gen Añ rơp ai bol mê in sơgơn bơtau bơta kis.’

Yal Tơlik 21:8

Ai ală cau rngòt ò khin cha, ală cau ò gơs bơta dòn, ală cau ngkòr ngkàc, ală cau tơnchơt cau, ală cau rềs àr bơrnàn, ală cau bơjơu, ală cau duh rùp ràk, mơ jơh ală cau đơs blac, pơnah bol khai dê ơm tòm brong ồs hơng mơ siau, hơ̆ la bơta chơt dơ̆ bàr.”

Yal Tơlik 22:15

Ai ală so, ală cau bơjơu, ală cau rềs àr bơrnàn, ală cau tơnchơt cau, ală cau duh rùp ràk, mơ jơh ală cau gơboh bơta đơs blac mơ lơh bơta blac pơrlồm, gen bol khai ơm đah bơdìh ƀòn.

Yal Tơlik 9:11

Bơtau bol gơ la cau gơnrơh brong jrô hùt hung dê. Sơnđan khai jat jơnau Hebrơ la Abadôn, mơ jat jơnau Grek la Apôlyôn.