Jang 8:39 - Sră Goh 2018

³⁹ Bol khai ho lah: “Bèp bol hi dê la Abraham.” Yàng Jesu đơs lah: “Dilah bol mê la kòn sau Abraham dê, gen rơp lơh ală broă Abraham dê sơl.

Jang 8:39 Mawu Ofanana

Mathiơ 3:9

Bañ khin đơs is lah: ‘Gơs Abraham la ồng pàng bol he dê.’ Bơh añ đơs mơ bol mê, Yàng Tom Trồ rgơi lơh ală lŭ do in gơlik gơs kòn sau Abraham dê.

Mathiơ 5:45

nàng bol mê in lơh gơs kòn Bèp bol mê dê ơm hơđang trồ, bơh Kơnràñ sồr mattơngai lik pơnđàng cau iơh bơsak in mơ cau lơbơn niam in sơl, ai mìu cau song ring in mơ cau ò song ring in sơl.

Jang 8:33

Bol khai ho lah: “Bol hi la jơi bơtiàn Abraham dê, òhềt tŭ lơi lơh dĭ cau lơi in. Behơ̆ ñchi bơh tài Cau Bơto đơs lah: ‘Bol mê rơp geh hồ toh, taih’?”

Jang 8:37

Añ git lah bol mê la jơi bơtiàn Abraham dê, mơya bol mê jòi nàng tơnchơt Añ, tài bơh jơnau Añ jê ò gơs tiah tòm bol mê.

Jang 8:43

Ñchi bơh tài bol mê ò rgơi git wă bơta Añ đơs taih? Tài bơh bol mê ò rgơi dòp jơnau Añ jê.

Jang 8:56

Bèp bol mê la Abraham hòn chò kơp kòñ geh gŏ ngai Añ jê; khai neh gŏ mơ hòn chò.”

Rôma 4:12

mơ kung lơh gơs bèp ală cau kong siat gơltau dê, hơ̆ la ală cau ò di mìng kong siat gơltau lơm ò, mơya kung kis jat krơh bơta dòn Abraham la ồng pàng bol he dê neh gơs lài mơ tŭ òhềt kong siat gơltau.

Rôma 4:16

Behơ̆ tàng, bơh bơta dòn mơ jơnau ho pơgon bơh bơta nđàc, geh kơ̆ nền jơh jơi bơtiàn Abraham in, ò di ai mìng jơi bơtiàn ơm hơđơm gơnoar bơta boh lam lơm, mơ kung ai jơi bơtiàn gơs bơta dòn Abraham in sơl, la ồng pàng đah hwềng jơh ală bol he dê,

Rôma 9:7

Mơ kung ò di jơh jơi bơtiàn Abraham dê la kòn Yàng Tom Trồ dê lơm ò; Yàng Tom Trồ neh đơs mơ Abraham lah: “Mìng ală cau gơlik bơh Isak sồng geh sơnđan la jơi bơtiàn añ neh ho pơgon mơ mê.”

Galati 3:29

Dilah oh mi neh bal mơ Bơtau Krist, gen oh mi la jơi bơtiàn Abraham dê, hơ̆ la cau pơrdòn jat jơnau ho pơgon Yàng Tom Trồ dê.

Galati 3:7

Behơ̆ oh mi pal dòp git tĕ lah, ală cau gơs bơta dòn hơ̆ la kòn sau ngan Abraham dê.