Jang 8:31 - Sră Goh 2018

³¹ Behơ̆ Yàng Jesu đơs mơ ală cau Juda neh dòn Kơnràñ lah: “Dilah bol mê ơm sùm tòm jơnau Añ, gen bol mê ngan la cau bơtê Añ jê;

Jang 8:31 Mawu Ofanana

Mathiơ 24:13

Mơya cau lơi kơ̆ nùs jơl tus di lồi dut gen rơp geh dong klàs.

Jang 1:47

Yàng Jesu gŏ Nathanael lòt tus hơ Kơnràñ gen đơs bơh khai lah: “Do la dô nă cau Israel ngan, tòm khai ò gơs bơta lac lèo lơi.”

Jang 2:2

Yàng Jesu mơ ală cau bơtê Kơnràñ dê kung geh jà tus pơjum sa tòmbau sơl.

Jang 6:55

Bơh poac Añ jê ngan la phan sa, mhàm Añ jê ngan la phan hùc.

Jang 8:36

Behơ̆, dilah Kòn hồ toh bol mê, gen bol mê rơp geh khat gơboh ngan.

Broă 13:43

Tòm tŭ bơta pơjum neh sir, gơs oă cau Juda mơ cau bơdìh neh jat gùng duh khoai cau Juda lòt jat Pol mơ Banaba; bàr nă bol khai tòmbơhbơr mơ bơto pơndòm bol khai kư̆ ntào kơ̆ sùm tòm bơta nđàc Yàng Tom Trồ dê.

Broă 14:22

Lơh ală cau bơtê kơ̆ nùs, bơto pơndòm bol khai prap kơ̆ bơta dòn, mơ yal lah bol he pal kong oă bơta bòl glar gen sồng geh mut tòm lơgar Yàng Tom Trồ.

Broă 26:22

Mơya geh Yàng Tom Trồ dong kòl jơl tus ngai do, tài bơh hơ̆ añ ntào tềng do lơh cơng ală cau dềt mơ cau dờng in, ò đơs bơta lơi ndai rlau mơ bơta ală cau gơnoar hwơr mơ Môise neh yal lài pal gơlik gơs,

Rôma 11:22

Behơ̆ sền tĕ bơta kơ̆ dơn mơ bơta kràñ cê Yàng Tom Trồ dê; bơta kràñ cê gơwèt hơ cau neh gơtup tìs, ai bơta kơ̆ dơn gơwèt hơ mê, mìng la mê kư̆ ơm tòm bơta kơ̆ dơn Kơnràñ dê; dilah ò behơ̆ gen mê kung rơp gơkòl koh sơl.

Rôma 2:7

Cau lơi kơ̆ nùs lơh bơta niam, mơ jòi jat bơta gơklŏ, sền dờng màng mơ bơta ò ồm lề, gen Yàng Tom Trồ tơm wơl bol khai in bơta kis gam sùm sùm;

Kôlôse 1:23

Mìng la oh mi kư̆ ơm tòm bơta dòn, kơ̆ cê, ò gơlơnggac lơnggơr, ò gơtơrđeh bơh bơta gơn kơnòm tòm Jơnau Niam mơ oh mi neh kơno, gơ neh geh bơto yal digùl jơh ală làng bol hơđơm trồ; să tòm añ la Pol kung neh geh lơh gơs cau gơnoar duh broă Jơnau Niam hơ̆ dê.

I Timôthe 2:15

Bulah behơ̆, cau ùr rơp geh dong tă tòm bơta deh kòn, dilah kư̆ ơm tòm bơta dòn, bơta kòñ gơboh, mơ bơta gơlik gơs sàng goh, bal mơ bơta pơndêt să.

I Timôthe 4:16

Kơrmap gàr tĕ să tòm mê mơ bơta bơto sồr mê dê; pal kơ̆ wền tĕ tòm ală bơta hơ̆, tài bơh lơh behơ̆ gen rơp dong klàs să tòm mê bal mơ ală cau iat mê sơl.

II Timôthe 3:14

Mơya mê kư̆ ơm tĕ tòm ală bơta mê neh bơtê mơ neh dòn nền, bơh git mê neh bơtê ală bơta hơ̆ mơ ñcau,

Hebrơ 3:14

Bơh dilah bol he prap kơ̆ nùs dòn nền bơh sơnròp bol he dê jơl tus di lồi dut, gen bol he gơlik gơs cau gơs pơnah tòm Bơtau Krist,

Hebrơ 8:9

ò di be bơta ho bal Añ neh bơtào bal mơ ồng pàng bol khai, Tòm ngai Añ neh at tê tề lam bol khai lik bơh lơgar Ejiptơ; Bơh bol khai ò dòn song lơh jat bơta ho bal Añ jê, Gen tàng Añ sang lòi bol khai,” hơ̆ la jơnau Yàng đơs.

Jakơ 1:25

Mơya cau lơi sơwì nền bơta boh lam wil tơl, la bơta boh lam bơh bơta khat gơboh, mơ kư̆ lơh behơ̆, ò di iat rau gen hŭi, mơya kư̆ lơh jat, gen cau hơ̆ rơp geh lơngai lơngò tòm broă khai dê.

I Jang 2:19

Bol khai neh bơh digùl bol he mơ lik, mơya ò di bal mơ bol he; bơh dilah bol khai bal mơ bol he, gen neh kư̆ ơm bal mơ bol he; mơya bol khai neh lik lòt tồ yal tơlik lah jơh ală bol khai ò di bal mơ bol he.

I Jang 2:24

Bơta bol mê neh kơno bơh sơnròp gen pal prap sùm tòm nùs bol mê. Dilah bơta bol mê neh kơno bơh sơnròp ơm sùm tòm bol mê, gen bol mê kung rơp ơm sùm tòm Yàng Kòn mơ tòm Yàng Bèp sơl.

II Jang 1:9

Cau lơi lòt rlau ir mơ ò ơm sùm tòm bơta bơto sồr Bơtau Krist dê, gen cau hơ̆ ò gơs Yàng Tom Trồ. Ai cau lơi kư̆ ơm sùm tòm bơta bơto sồr hơ̆, gen cau hơ̆ gơs Yàng Bèp mơ Yàng Kòn.

I Samuel 12:14

Dilah bol mê duh rngòt di Yàng Jehôwa, duh broă Kơnràñ, dòn bơr Kơnràñ, mơ ò tòmdră mơ ală jơnau sồr Kơnràñ dê, mơ dilah bol mê bal mơ cau bơtau at bồ hơđang bol mê lòt jat Jehôwa Yàng Tom Trồ bol mê dê hơ̆ rơp la niam.