Jang 8:21 - Sră Goh 2018

²¹ Kơnràñ đơs tai mơ bol khai lah: “Añ lòt, bol mê rơp jòi Añ, mơ bol mê rơp chơt tòm tồi glài bol mê dê. Tiah Añ lòt, bol mê ò rgơi lòt tus.”

Jang 8:21 Mawu Ofanana

I Ală Bơtau 18:10

Be Jehôwa Yàng Tom Trồ ồng dê kis sùm, ò gơs làng bol lơi lơgar lơi mơ cau tòm añ ò sồr jòi ồng; mơ tòm tŭ cau yal lah: Eli ò gơs tềng do, gen khai sồr lơgar hơ̆ làng bol hơ̆ srat să lah ò gơs cau lơi tìp ồng.

Sră Jop 20:11

Să jan bol khai dê bềng bơta pràn kơldang be gam pơnu. Rơp bic tòm thul ơmul bal mơ bol khai.

Jơnau Pơnđik 11:7

Tŭ cau iơh chơt, bơta gơn kơnòm khai roh; Mơ bơta kơp kòñ cau ò gơs Yàng rơp ò gơs phan lơi.

Jơnau Pơnđik 14:32

Cau iơh kong tuh tơlup tòm bơta iơh bơsak he; Mơya cau song ring gam gơs tiah gơn kơnòm, bulah tòm tŭ chơt.

Esai 65:20

Tềng hơ̆ rơp ò tŭ lơi gơs dô nă kòn kis mìng dô êt ngai, hala dô nă cau kra ò kis tơl jơh ală nam khai dê; cau lơi chơt tòm tŭ neh gơs dô rhiang nam rơp kòp la chơt gam pơnu; mơ cau ò kis tus di dô rhiang nam rơp kòp la cau kong srat rma.

Mathiơ 23:39

Bơh Añ đơs mơ bol mê, bơh do jơl hìng nau bol mê rơp ò gŏ Añ tai jơl tus di tŭ bol mê rơp đơs lah: ‘Lơngai Bơtau ai sơnđan Yàng mơ tus.’”

Mathiơ 25:41

Gen Kơnràñ rơp đơs mơ ală cau ơm đah kiau lah: ‘Ơ ală cau gơkòl srat rma, lik tĕ bơh di Añ mơ mut tòm ồs gam sùm sùm, la tiah neh rcang sir cà ràk in mơ ală cau gơnrơh gơ dê.

Mathiơ 25:46

Gen ală cau do rơp mut tòm bơta lơh glài gam sùm sùm, ai ală cau song ring gen rơp mut tòm bơta kis gam sùm sùm.”

Jang 12:33

Kơnràñ đơs behơ̆, nàng sơnio bơh Kơnràñ rơp kong chơt be lơi.

Jang 12:35

Yàng Jesu ho lah: “Bơta àng gam ơm digùl bol mê dô êt jŏ tai. Lòt tĕ tòm tŭ bol mê gam gơs bơta àng, rngòt bơta klam jơngo nisơna jơm gòm bol mê mòn; Cau lơi lòt tòm bơta klam jơngo gen ò git he lòt tiah lơi.

Jang 13:33

Ơ ală kòn dềt Añ jê, Añ gam ơm mơ bol mê dô êt jŏ tai. Bol mê rơp jòi Añ, mơ be Añ neh đơs mơ ală cau Juda lah: ‘Tiah Añ lòt bol mê ò rgơi lòt tus,’ gen tŭ do Añ kung đơs mơ bol mê behơ̆ sơl.

Jang 7:34

Bol mê rơp jòi Añ mơya ò bàn, tiah Añ ơm bol mê ò rgơi lòt tus.”

Jang 7:36

Ñchi jơnau Khai kòñ đơs tòm tŭ đơs lah: ‘Bol mê rơp jòi Añ mơya ò bàn,’ mơ ‘tiah Añ ơm bol mê ò rgơi lòt tus’?”

Jang 8:24

Gen tàng, Añ neh đơs mơ bol mê lah bol mê rơp chơt tòm tồi glài bol mê dê; bơh dilah bol mê ò dòn Añ la Bơtau neh gơs mơ gam gơs, gen bol mê rơp chơt tòm tồi glài he dê.”

Ephesô 2:1

Oh mi neh chơt tòm bơta tìs glài mơ tồi glài oh mi dê,